سرايا - سرايا - مرحبا .... انا شب عمري ٣٢ سنة موظف حكومي،وعندي بيت ومستور والحمدلله قاعد بدور بدي اكمل نص ديني ... امي تعبت ودخلناها المستشفى وهناك شفت بنت مع جدتها مريضة وداخلة معها ... بصراحة البنت عجبتني من كل النواحي احتشام،وادب واخلاق وجمال ما شاءالله عليها ... وبحكم روحتي كل يوم عند امي كنت اراقب البنت وما شفت منها الا كل خير ... خبرت امي تتعرف،عليها وتشوفها من وين ... وامي طجت صحبة مع جدتها،وامها وعرفت ... طبعا عرفت عيلة البنت وعرفت،انها جامعية ومش متزوجة وعرفت انه عمرها ٢٨ سنة بصراحة اتفاجائت فكرتها بحدود ٢٣ ٢٤ بس مش اكثر ... مش هون المشكلة ... حكيت لامي اعرفيلي منها ليش بعدها مش متزوجة لهلا بالرغم من كل المواصفات اللي فيها يعني عندها شروط،معينة مثلا ( طبعا كل هاذ بدون ما،تحس البنت باشي ) ...فعلا سالتها امي وعرفت انها،البنت كانت خاطبة مرتين كتب كتاب وما يتم النصيب وبعدها بتستنى بنصيبها ... هون انصدمت مش انه البنت لا سمح الله فيها اشي بس مطلقة مرتين قبل الدخول خفت يكون عندها سبب او تكون بتستسهل الطلاق او عقلها صغير بطلق ع اتفه سبب مثلا لانه بالعادة البنت بتكون حريصة على عدم الطلاق اكثر من الشب ... وعلى فرض انه الخطاب هم اللي تركوها ممكن يكون فيه سبب قوي للطلاق ... بالرغم من انه وحده بواصفاتها .مابتنتركك . والله مش عارف الافكار صارت توخذني يمين وشمال بالرغم من انه البنت ما شفت منها غير كل خير يعني ما رفعت عينها ناحيتي ولما يكون فيه رجال كثير بلاحظ بدير ظهرها وبتقعد بمكان بعيد شوي . بشو بتنصحوني وشكرا الكم سلف