انصحوني .. هل أقنع أخي بها

14-06-2015 11:10 AM

تعديل حجم الخط:

سرايا - سرايا - يا جماعة الخير دلوني الي انا عملتو صح ولا غلط لانو ضميري بانبني ووالله كش عارفه انام ،،

القصه باختصار اخوي كان حابب بنت كتير من بعيد لبعيد وعاجبيتو وطلب من امي نروح نخطبها وبس رحنا طلعت البنت معي بالجامعه والكل كان يعرف عن تصرفاتها وحركاتها وقصصها مع الشباب احنا بس رجعنا ما حكيت شي والجماعه لسا ما وافقوا بس انا حكيت لاخوي عنها بدون تفاصيل انو مو مناسبه لالو

ولو كنت تعرفها قبل كان ما اطلعت بوجها لاني ما كنت بدي اياه يتورط معها بس انا ضميري مانبني لانو البنت على ما يبدو هلا كتير متغيره وبطل الها مع قصص الشباب وصارت ملتزمه وحاسه حالي السبب بقطع نصيبها ،،

شو بتنصحوني ارجع اقنع اخوي انو يكمل بالموضوع ولا خلص مع العلم انو البنت مش مهتمه كتير بالجيزه بس انا مو حابه اكون سبب بقطع نصيبها وضميري مأنبني ......

طباعة

المشاهدات: 37389


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	14-06-2015 11:10 AM سرايا
2 -	سبق ان قمت بحل المشكله لا مانع من اعاده شوفي يا اخت كريمه انا برائي عملتي مضبوط لان لو تتزوجها وعرف عنها واكتشف انك ما حكيتي له ساعتيها ما برحمك ويقول لكي انتي سبب ليش ما حكيتي لي بعدين انتي ما افتراتي عليها حتى ضميرك يعذبك لانك حكيتي صدق اذا بدك وحتى تتطلعي من خطيتها قولي لاخوكي انا حكيت اللي يعرفه وهي الان كويسه وتغيرت اذا بدك روح اخطبها واذا ما بدك انت حر ساعتها اخوكي كبير ويميز وسلامي لكي يا حلوه	16-06-2015 11:45 AM مها احمد التبليغ عن إساءة
3 -	يا اختي ويا عزيزتي ما قمت بفعله ﻻ يستوجب عذاب الضمير .. ولكل منا نزواته رجال كنا او اناث وانت من باب الخوف على مصلحة اخيك فعلت ما فعلت .. ان كانت البنت من التائبات فعلا عليك اقناعه .... رمضان كريم	16-06-2015 12:15 PM * العندليب * التبليغ عن إساءة
4 -	اذا انتي ما حكيتي فرح يجي غيرك وما دام البنت مو فارق عندها الارتباط ف خلص اذا ما جوزة اخوكي بتتجوز غيروا ... يعني ما رح تنتحر اذا ما جوزة اخوكي ... وما دام اخوكي ما سألك عن التفاصيل او ليش حكيتي هيك فهو شايف او لاحظ ع سلوكها شي غلط وبكرا اخوكي بجوز وبنساها .... ومكثر بنات الحلال	16-06-2015 01:11 PM راما التبليغ عن إساءة
5 -	منيح الي حكتيلو لانه اذا تزوجها وصار مشاكل بينها وبينو وبحكم اننه اخوكي ما راح تسكتي وراح تفضحي المستور وتزيدي الطين بله وساعتها لكل را ح يلومك وما حد راح يرحمك هذا عداكي على انه اذا انتي اتمشكلتي معاها كمان ما رح تسكتي والمشاكل انتي عارفه كثير بين الناس	17-06-2015 09:39 AM غريبه التبليغ عن إساءة
6 -	بسم الله الرحمن الرحيم انتي احكي لاخوكي وهو الي رايح يختار يكمل ولا مش رايح يكمل	26-06-2015 04:03 PM الحج اكرم الشريف التبليغ عن إساءة