ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

اخي الكريم كلامك مزبوط 100% بس يا صديقي كلهم نفس الشي هيك طبيعت النسوان وبعدين مافي انسان كامل الكمال لله تعالى احمد ربك انو هاي الخصلة السيئة الي عند خطيبتك اهم شي الدين والاخلاق والتربية هاي بعد الزواج بتنحل انته بأسلوبك الحلو راح تتغير معك هاد كلامي مش فلسفة من سابق تجربه بس كله برجع لاسلوبك وطريقتك لمنعها تحياتي

تحية كبيرة للشباب والصبايا

حبيبي وائل الله يسعد اوقاتك انا من رايي تتخذ موقف اشد وتجلس مع اهلها والتحذث بهالموضوع ما دامك استنفذت معاها كل المحاولات صديقي بس صدقني بعد الزواج راح تكن وتهدى بس انت لا تعقد الامور حبيبي وسلامتك

بس الظاهر هالعيلة متحررين شوي يمكن ما توصل معاها لنتيجة عن طريق اهلها انا من رايي تنهي الموضوع قبل الزواج
نحن الشرقيون غالبيتنا يحب اللبس الساتر لزوجته ( هيك دينا وصانا ) ويا رب وسلامتك

هاي مشكله ماتنعرض هون عشان حلها بايدك مش ماين عليها اتركها

عزيزي ليش عاملها مشكلة وهي بالاساس امر طبيعي والمفروض منك ان تشجعها وتسمع منك الكلمة الحلوة انتم خاطبين وموضوع اللباس انتة مكبرة شوي

وبعدين الله يسامحك لما خطبتها ليش ما شرطت عليها ؟! ليش من البداية ما حكيت بالموضوع !! ليش احنا دايما بنطلب العلاج والحلول متاخرين ليش ؟! عموما اللي ضار صار افتح النوضوع مع جميع الاطراف وعظها ( بالحكمة والموعظة الحسنة )

قلتلي دين و اخلاق لعاد ...!!!!
آآآآه ....
يا زلمة بظل اخربط بشكلك ...
وين شايفك مش عارف...!!!

كنت بدي احكيلك احكي معها بس انت بتحكي انك حكيت الموضوع اللبس الو علاقة بالافكار وانت بما انك مستمر فموافق او انك مرن زيادة . احزم شوي وخلص

ليش كتير مهم هيدا -- انا بحكيلك انة عادي ولما كانت اختي خاطبة وكان يجي لبيتنا خطيبها ما كانت تلبس شيء الا خفيف كتير وتزوجو عادي حبيبي

بعد التحية
بحب احكي الله يكثر من امثالك اخي
وبعدين هلا الي بغار على مرته وبحب يلبسها ويستر عليها
صار دقة قديمه ومتشدد
ليش صرنا نفهم الصح غلط والغلط صار هوا الصح
بصراحه انا بهني كل وحده الله برزقها مثلك
لانه هذا الاشي الي بده اياه دينا الإسلامي الي للاسف صار دقة قديمه

طلقها

يا استاذ مع احترامي كمان اكم من شهر خلص بتصير تحط الك وبتقدر تصر عليها انها ما تحط خليها هلأ وبعدين بس تتزوجوا بتقنعها بلاش تخسروا بعض

ياراجل مره محترمه ومره فايعه ....فايعه ولا محترمه يبدو إنك خايف على حالك ما تقدرلها تزوجها وبعد ذلك -الفرس من الفارس اذا مش واثق من نفسك إتركها للي بقدرلها .

اخي الكريم...دعني ابدأ معك من قولك(بنت ما شاء الله عليها دين وأخلاق وجمال..)..وانت بكلامك هذا حققت ما وصاك به الرسول صلوات الله عليه تنكح المرأة لأربع لجمالها وحسبها ومالها ولدينها...ويبدو ان بالفتاة من الميزات ما دفعك للإرتباط بها...فأمسك عليك خطيبتك ولا تدع للشيطان اي سبيل إليك...ومثل ما عرضت من مشاكل بخصوص اللباس صدقني لا تكاد تخلو بين خطيبين...إما يريدها ان تتحشم وتلبس ما يرضي الله والرسول او للأسف هناك قلة قليلة ما يكون الخلاف في اللباس انه يريد خطيبته ان تتكشف وتبدو بزينة وموضة وفياعة...ومن خلال كلامك في الرسالة تقول عنها (انها كل مرة بتقعدلها اكم من شهر يا محلاها بعدين بترجع متل اول.).وهذا ان دل يدل على ان الفتاة تطيعك فيما تقول وترغب في تحقيق كل ما تتمنى وما يرضي الله ورسوله ولكن المسألة صدقني تحتاج لبعض الوقت وبعض النصح وبعض ان تربط الأمر بإرضاء الله ورسوله بالدرجة الأولى وزيادة الوازع الديني عند خطيبتك وكل هذا يأتي مع الوقت ....ما تتصرف به خطيبتك هي نتاج لتربية تربت عليها نعم هي من عائلة متدينة وخلوقة وبنت ناس..ولكن نظرتها للباس كانت منذه وهي طفلة هي كما تلبس الآن وبنظرها هو اللبس المطلوب منها..ولو قلت لك اني في ايام الجامعة ناقشت موضوع اللباس وموضوع ما هي المواصفات المطلوبة في شريك المستقبل سواء للفتاة او للشاب في احدى المحاضرات مع زملائي وزميلاتي فما فاجئني اإلا ان نسبة كبيرة من الفتيات كانن لا يعرفن ما هو اللباس الشرعي المطلوب منهن...واذكر اني قلت لأحداهن يقول الله تبارك وتعالى (يا ايها النبي قل لأزواجك وبناتك ونساء المؤمنين يدنين عليهن من جلابيبهن....)فقالت لي ان هذه الآية اول مرة بسمعها..فاهديتها محاضرة بعنوان (القابضات على الجمر)..فما كان منها إلا انها اشترت الجلباب وتركت لبس الفياعة.....والذي وجدته ان نسبة من الفتيات لا يعرفن ما هو المطلوب منهن والذي يدعم ذلك ان بعضهن لا تجد اي تشجيع من والديها واخوتها..وهذا ما قالته لي احداهن ان اباها لا يريدها ان تلبس الحجاب الشرعي والأخرى قالت ان خطيبها لا يريدها ان تلبس الجلباب...فالله المستعان..اقول لك ذلك حتى تعلم ان بعض الفتيات في لباسهن لا يعرفن الحق الشرعي لجهلهن به..ولا عذر لهن بذلك...فاصبر على خطيبتك وناقش الموضوع معها بكل حكمة وحنكة...وهدوء وحب وبين لها اللباس الذي يرضيك ويرضي الله ورسوله بالدرجة الأولى...وحدد لها الألوان التي ترغب ان تلبسها في لباسها والهيئة التي تريدها ان تخرج بها لضيوفك حدد لها لباسها خارج بيتها..كل ذلك انصحك ان يتم في فترة خطبتك وقبل زواجك حتى لا تتفاجيئ هي بقراراتك ورغباتك...وحتى يتسنى لها ان تجهز (جهاز العروس)لهذا الأمر...اسأل الله ان يتمم زواجك على خير وان يجمع بينكما على خير...محب فلا تلوموني

اخي اصبر عليها و بس تصير عندك ممكن تفرض رايك عليعها في هذا الموضوع.
انا مريت بنفس التجربة و كل اشي صار زي ما بدي بعد الزواج،
ربنا يوفقكم

السلام عليكم

تقبلو مروري جميعا انا اول مره اشارك مع انه الي فتره بقرا المشاكل والتعليقات ع هالصفحه وفيه كم اسم متابعين صح للمواصيع ..

بالنسبه لصاحب المشكله ياخوي انت بوصف مشكلتك بتقول صاحبة دين واخلاق .... الدين بقول لعن الله الكاسيات العاريات ... والحجاب الشرعي واجب واملو عليهن من جلابيبهن فمش عارف شو قصدك بالدين ؟؟؟ الاخلاق ... اخلاق اي انسان غيور بالفطره نت الي تدور ع حل بس البنت لو صاحبة اخلاق لا تقبل الا سترة نفسها والعفه والعفاف ...

بالنسبه للحل ياخوي بقلك الفرس من خيالها والدين بقول كلكم راع وكلكم مسؤول عن رعيته وهي من رعيتك الان وخرجت من رقبة ابوها لرقبتك فيا اخوي الحكي مع الضحك ما بنفع كون حازم وصارم .. والله يهديها من حيث لا تعلم ولا تحتسب

الفرس من الفارس.. بحب احكيلك ﻻتكن صلبا فتكسر وﻻتكن لينا فتعصر.. في هذه المواقف ﻻتكن لينا.. ﻻن هذا اﻻمر يحتاج بعض الحزم والرجوله والصلابه... اجعلها تتعود ان هناك خطوط حمراء بالنسبة اليك ﻻيمكن تجاوزها من اﻻن لتريح نفسك مستقبلا فتعلم ان عندك من الرجولة والحزم في بعض اﻻمور ما ﻻيمكن التهاون فيه .. واﻻ سوف تتعود انك لست بصاحب قرار وﻻ موقف... الرجوله .. الحزم والصلابه مطلوبه ﻻنه مع كل اﻻحترام لكل النساء ولكن طبيعة المرأه تحب الرجل صاحب القرار والموقف وتحترمه اكثر..

اهلا وسهلا فيك اخي عنجد نورت الشاشة ومن زمان استنى ترجع واسمع تعليقاتك لانو كل تعليق الك بعتبرو درس اللي والله يوفقك لكل شخص بدو نصيحه

شكلك طري من هسى انا بقول طلقها

عزيزي ليش عاملها مشكلة وهي بالاساس امر طبيعي والمفروض منك ان تشجعها وتسمع منك الكلمة الحلوة كمان كل ........

اخي العزيز-

اصبر عليها و بس تصير عندك ممكن تفرض رايك عليعها في هذا الموضوع.

انا مريت بنفس التجربة و كل اشي صار زي ما بدي بعد ما اعطيتها اياة و الحمداللة نعيش حياة فيها قدر جيد من التفاهم الان،

و ربنا يوفقكم

هاظا بكرة بتقلنا شو اسوي بليلة الدخلة اخص

لازم تقعد معها وتناقش معها الموضوع بشكل نهائي انو انت ما بتحب هاي الأشياء قبل ما تزوجها