سرايا - سرايا - بصراحة انا صارلي متزوجة من اربع سنين وزوجي وضعوا المادي مش كتير يا دوب يصرف على حالوا وعلينا يعني بصراحة يا دوب عايشين مع الغلا والحياة .
عمي حماي وضعوا منيح وبضلوا يتشكون انوا معوش مصاري بس لما اشوف كيف عايشين بستغرب من حكي عمي بصراحة ما في اشي ناقص عليهم عن جد عيشتهم منيحة.

بس زي ما حكيت بضلوا يتشكون انو معوش مصاري وخاصة قدام زوجي فصار زوجي يساعد ابوه وصار وضعنا دمار بالبيت انا مش قادرة احكيلوا لا تساعد اهلك خايفة يفهمني غلط وعمي عارف وضع ابنوا فليش بتطلب منوا مش فاهم .
هو متقاعد وحماتي متقاعدة والتنين معهم راتب واولادهم كلهم متزوجين .
وكلهم بعطوهم مصاري .
انا مع انوا الواحد ما ينسى اهلوا بس يتزوج وانا بالمستقبل ان ابني نسيني راح ازعل .
بس والله الحياة كتير غالية ويادوب عايشيين
هلا غلط لو حكيت مع عمي انوا يبطل يوخد من زوجي شو رايكم
وهل الي بعملوا عمي صح
بصراحة ما الي مصروف من زوجي
وبستحي اطلب منوا
اكبر مشكلة بحياتي اني بخاف احكي مع الناس
مع العلم اني كتير بنظلم وبظل ساكتة وبكتم بداخلي وبخاف كتير من زوجي ومن اهل زوجي وهمة بعرفوا عشان هيك بستغلوني ومستهبليني بس المشكلة اني دخلت عندهم ضعيفة وكيف بدي اغير هالنظرة والتخلص من الخوف والصير اعرف اواجه .. ساعدوني ؟