خدعني ..

11-01-2015 10:10 AM

تعديل حجم الخط:

سرايا - سرايا -كان عمري 17 لما حاول يخطف قلبي .. ما خلا وسيلة الا عملها وكمراهقة في زمن كان لسه رومانسي سحرني

كان اكبر مني بـ 15 سنة وتم الزواج وانجبت طفلي الاول والتاني والتالت والرابع

وطبعا خلال هالمدة وبعد ولادة طفلي الاول وزيادة المصاريف اضطريت اشتغل

وفعلا سنة ورا سنة مشيت الامور وكنت افكر للمستقبل واحط الدينار على الدينار لحد ما جمعت 5 آلاف دينار وفاجأته انه دفعه اولى لبيت ملك ..

انبسط كتير من حكمتي وحكالي رح اسجله باسمي واسمك .. وكنت هبلة بصراحة وواثقه فيه ثقة عمياء وما كنت عارفة انه لازم اروح واوقع معه على أوراق التسجيل و عأساس انه ابو أولادي وحبيبي وما رح يخدعني ..

ومرت 18 سنة كملنا خلالها أقساط البيت وتعليم الصغار وكبروا ..

وبيوم بحكي له حبببي أولادنا كبروا ..والمصروف خف وانا تعبت وبدي اتقاعد .. والا بيفاجئني وبيحكي لي : ومين بدو يصرف عليكي ؟ انا مليت منك وبدي اتجوز.. وبدك أولادك خديهم ..

حكيت له : ماشي .. بدك تتجوزاطلع اتجوز وخليني مع أولادي ببيتي

حكا لي : بيتك؟؟؟

وطبعا حكالي انه ضحك علي وسجله باسمه ..

وهلأ..بعد هالعمر وهالجهد والسنين ما الي مكان اروح عليه .. وتعبت من الشغل..واصلا السنة الجاي كنت رح أطلع تقاعد طبيعي..

هلأ هاي مكافأة الحب والصبر والاخلاص...؟؟؟؟؟؟؟

شو اعمل ووين اروح؟؟

وشو اعمل لو جاب لي ضرة وسكنها في بيتي .. بتعبي وشقاي كل هالسنين ؟؟

وشكرا لكم

طباعة

المشاهدات: 24210


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	11-01-2015 10:10 AM سرايا
2 -	وهاي القضية كمان انعرضت قبل هيك من فترة شوي طويلة شوفي يا ام اشرف قانونا ما الك من البيت شي .. تعبك طول لسنين راح .. بح بصراحة امامك خيارين ليس لهما ثالث وريحي حالك ولا تضلك تبعتي بمشكلتك يا بتتحملي الضرة التانية او بتلجئي للقضاء وتتحملي نتائجه وسلامتك ... وهاي هيك باختصار ما في داعي نضل نلت ونعجن .... سلام ودقي يا مزيكا	11-01-2015 10:31 AM * العندليب * التبليغ عن إساءة
3 -	كانها هالمشكلة مكررة؟؟؟؟	11-01-2015 11:42 AM عاشق التبليغ عن إساءة
4 -	ما اللك الا ان تدعي للة تعالى . واطمني انتي مظلومة .واللة حرم الظلم على نفسة . وحقك انشاء اللة راح يرجع ما تخافي .مع الصبر والدعاء في سجودك انشاء اللة .اللة راح يفرجها عليكي. بكرة اذا تجوز راح تعمل فية الثانية زي ما عمل فيكي. الدنيا دوارة لا تخافي . وكلي امرك الى اللة . اصبحنا في زمن لا يعلم بة الا اللة. فتن وظلم .اللة يفرجها عليكي .ولا حول ولاوقوة الا باللة.	11-01-2015 12:22 PM ashraf-berlin التبليغ عن إساءة
5 -	يا سيدتي مهما كانت مشكلتك كبيرة تذكري أن ربك أكبر &&& نصيحتي لكي ظلك في بيتك .....	11-01-2015 12:37 PM مجرد راي التبليغ عن إساءة
6 -	العندليب الاسمر بدي اسألك انت شو بعرفك عن اسماء اصحاب الشكاوي والا هاي اسماء افتراضية منك !!!!! لانه بصراحة حيرتني وانا بفكر بهالشي بفكر الاسم مكتوب بالشكوى وبروح اقرأ مرة ثانية ... شككتني بحالي ‎:(‎	11-01-2015 01:01 PM shams al sabah التبليغ عن إساءة
7 -	صباح الخيرات شمس الاصيل .حقيقة هي مجرد اسماء افتراضية القب واداعب بها اصحاب الهموم والمشاكل وللتخفيف من وطأة الحزن على القلوب فقط .....تحياتي	12-01-2015 10:37 AM * العندليب * شمس الصباح التبليغ عن إساءة
8 -	صباح الورد العندليب الاسمر.... والله اتوقعت هالشي ههههه تحياتي الك ولاسلوبك	12-01-2015 01:25 PM *shams al sabah العندليب** التبليغ عن إساءة
9 -	حسبي الله ونعم الوكيل فيه.....الله لا اااااااا يوفقه	17-01-2015 09:39 PM أردنيه نشميه التبليغ عن إساءة