انا اريد حلا .. انا في ورطه

10-01-2015 10:34 AM

تعديل حجم الخط:

سرايا - سرايا - انا مشكلتي صار الها 7 سنين
حبيت واحد ما لازم احبو وتعلقت في وما نقدر نتجوز لانو ما حدا راح يتقبل ارتبطانا وقررت اتركو اكثر من مره بس هو بهددني اذا تركتو باكثر من وسيله وحكيتلو اكثر من مره اتركني وانا ما بدي اشي منك بس هو بحكي خلص ويرجع يهددني وانا ما بنكر اني بحبو بس ما بدي اضيع حياتي ودايما يوقف بطريقي اذا اجى اي عريس وبخليني ارفض انا بدي منكم تدعولي الله يهديني ويهديه ويبعدنا عن الحرام وبجمعنا بالحلال اذا في بينا نصيب

طباعة

المشاهدات: 33904


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	10-01-2015 10:34 AM سرايا
2 -	تحية الكو حبايبي واصدقائي والله يدفيكم وبعد : الاخت سوزان عرضتي مشكلتك باختصار لكن انا فهمت محتواها صح سبع سنوات من المرح والهزل سويا دون اي جدوى ولا جدية في التعامل والارتباط لذا باختصار وبدون زعل ( عليك ان تدفعي الثمن ) فالعقاب احيانا الخلاص الوحيد لت تستطيعي ان تمسحي جملة الاخطاء والذنوب بكلمتين او سطرين اكيد فهمتي علي !! ..... عن جد دقي يا مزيكا خلي الواحد يدفا وسلامتك	10-01-2015 12:40 PM * العندليب * التبليغ عن إساءة
3 -	ما لازم تحبيه!!!! مين يعني زوج أختك أو زوج عمتك أو زوج خالتك ....حسبي الله ونعم الوكيل في الاختلاط والتهاون في التربية وترك الأولاد والبنات بلا رقابة	10-01-2015 12:42 PM خليها على الله التبليغ عن إساءة
4 -	شو بقربلك	10-01-2015 04:34 PM سسسسس التبليغ عن إساءة
5 -	يهددك يهددك وتحبيه شو صار في عقل البنات يا عالم ..............	10-01-2015 04:52 PM شادي الجبل التبليغ عن إساءة
6 -	انا بتعاقب كل يوم وانا حاولت اكون جديا بس ما حدا راح يتقبل حبنا وراح اظلم غيري وتمنيت الدعاء او وجود حل ما فكرت فيه ولا اخفيك حاولت الانتحار بس لولا خوفي من الله وخفت لا اكسب دنيا ولا اخره وهو كان يمنعني ورغم انو حكالي اكثر من مره مستعد يترك كل الدنيا علشاني بس انا ما راح اسامح نفسي	10-01-2015 07:18 PM صاحبة المشكله الى العندليب التبليغ عن إساءة
7 -	بالبداية مساء الخير لكافة المتابعين ... انا حابة احكي شغلة قبل ما ابلش بالمشكلة المطروحة وهاي رسالة حابة اوصلها لكافة المعلقين على اي مشكلة بتنطرح مع امنياتي انه تتقبلوا رأي هاد برحابة صدر... يا جماعة اي شخص بكتب مشكلته هون هدفه بيكون حدا يرشده ويوجه ويساعده بأي حل او حتى بأي كلمة ممكن تخفف عليه مصابه او تكون بلسم يداوي جرحه وهو ما عرض مشكلته للعيان الاّ لانه بحاجة لمساعدة من ذوي الخبرة او ذوي العقول النيرة ...واكيد هو ما وصل لهالمرحلة والي هي عرض مشكلته ع الجمهور الا لانه سكرت معه السبل واكيد بيكون واقع بندم وحيرة وقلق حيال هالمشكلة الي واقع فيها... الي حابة اوصله انه ما في داعي نتمسخر ونستهزء او نحكي كلمة قاسية من شأنها تدمير نفسية صاحب المشكلة فوق ما نفسيته اصلا تعبانة من ورا المأزق الي واقع فيه ... وكلنا بشر وكلنا بنغلط ولكن الشاطر الي بتعلم من غلط غيره ... يعني اي مشكلة من الي تم طرحها ممكن لا قدر الله تصير مع اي انسان فيكو والله يبعد عنا المشاكل...حابة اوصل انه لازم نراعي نفسية وشعور هالانسان ونوقف معه ونساعده اذا قدرنا يمكن نكسي اجر لوجه الله تعالى ... ولصاحبة المشكلة بحكيلك اتركيه تماما واستغفري الله وقومي صلي ركعتين بالليل وابكي والحي بالدعاء وان شاء الله ربنا بيحل مشكلتك وبيسر امرك وبرزقك ابن الحلال الي يسترك دنيا واخره ... وربنا يفرج هم كل مذايق ... واسفة جداً ع الاطالة ولكم مني جميعاً كل التحية والاحترام	10-01-2015 11:29 PM shams al sabah التبليغ عن إساءة
8 -	حسبي الله على هيك مجتمع فاسد الله يستر علينا وعلى بناتنا وبنات المسلمين شيئ يبكي القلب ويدمع العين	11-01-2015 07:18 AM عبدالله حموده التبليغ عن إساءة
9 -	7 سنوات واخر اشي بتحكيلوا اتركني طيب شو كنتو تعملوا 7 سنوات على العموم احكي القصة كاملة شو هالبنات الله يستر علينا	11-01-2015 07:46 AM ابوعواد التبليغ عن إساءة
10 -	يسعد صباحك اختااااه وباسم الله ابدأ وباسم الله انتهي وبعد : شوفي باختصار على شان ما اطول عليكي .. كلنا نخطيء وكلنا مررنا بتجارب ربما كانت اشد انا اتكلم بصورة خاصة عن نفسي شخصيا ولكن وبفضل الله دائما كنت الاقوى من هجمة العواطف وسيوف الحب وركلات الغرام وضربات الهوى .. وانتي اختاه تعشقين رجلا باعتقادي يخص امراة او فتاة غيرك يعني قريبك من الناحية العائلية ولا اريد ان اوضح اكثر من ذلك .. يعني حب على راي المسلسلات التركية ( ممنوع ) انهضي اختاه بقلبك ودينك وعقلك ورشدك وتحلي بالتقوى .. ما كنت احب اسمع منك ( حاولت الانتحار ) لا تحل الامور ولن تزولالهموم بالانتحار بل على العكس لذا سامحيني ان ردي عليكي كان به نوع من القساوة صدقيني اختاه بعض الاوبئة تحتاج الى الكي .. وفي بعض الاحيان نحن البشر نحتاج الى صفعة قوية وهزة شديدة حتى نعي ونعود لرشدنا .. تحياتي لك ودعائي الدائم بالهداية .... وسلامتك	11-01-2015 10:18 AM * العندليب * صاحبة المشكلة التبليغ عن إساءة
11 -	مشاركاتك وتعليقاتك واعية انا كنت بتابع ولكن بصمت وحبيت احكي هالكلمتين ...النصيحة تؤجر عليها ان شاء الله	11-01-2015 12:20 PM *shams al sabah العندليب** التبليغ عن إساءة
12 -	تحياتي لك ... وشكرا جزيلا على المجاملة سيدتي وازيد شرفا وسعادة عندما تتابعني خيرة البشر امثالك	12-01-2015 10:43 AM * العندليب * شمس الصباح التبليغ عن إساءة
13 -	بوركت سيدتي	12-01-2015 10:56 AM * العندليب *شمس الصباح التبليغ عن إساءة
14 -	ليست بمجاملة ايها الاسمر ... ولكن حرصك واهتمامك بأنك تعطي رأيك بكل مشكلة تُطرح وتعطيها اهتمامك ونصيحتك هاد بحد ذاته شي مُفرح لانه الدنيا لسه بخيررر ... أتمنى لك السعادة والبهجة والسرور .... تحياتي لشخصك الكريم	12-01-2015 02:05 PM *shams al sabah العندليب** التبليغ عن إساءة
15 -	أنحني لك احتراما سيدتي ... الخير فيكم الى ابد الابدين فليباركك الله ... رب العالمين	12-01-2015 04:13 PM * العندليب * شمس الاصيل التبليغ عن إساءة
16 -	شوفي باختصار..... كلنا نخطيء وكلنا مررنا بتجارب ربما كانت اشد انا اتكلم بصورة خاصة عن نفسي شخصيا ولكن وبفضل الله دائما كنت الاقوى من هجمة العواطف وسيوف الحب وركلات الغرام وضربات الهوى .. وانتي اختاه تعشقين رجلا باعتقادي يخص امراة او فتاة غيرك يعني قريبك من الناحية العائلية ولا اريد ان اوضح اكثر من ذلك .. يعني حب على راي المسلسلات التركية ( ممنوع ) انهضي اختاه بقلبك ودينك وعقلك ورشدك وتحلي بالتقوى .. ما كنت احب اسمع منك ( حاولت الانتحار ) لا تحل الامور ولن تزولالهموم بالانتحار بل على العكس. و اذا سمحتيلي املطك واحد مرتب بنسيكي كل هالحكي. لذا سامحيني ان ردي عليكي كان به نوع من القساوة صدقيني اختاه بعض الاوبئة تحتاج الى الكي .. وفي بعض الاحيان نحن البشر نحتاج الى صفعة قوية وهزة شديدة حتى نعي ونعود لرشدنا .. تحياتي لك ودعائي الدائم بالهداية .... وسلامتك	18-01-2015 01:35 PM Dr. Ahmed التبليغ عن إساءة