دخلت السجن قبل سنوات ولا أجد من ترضى بي كزوجة .. ما الحل ؟

23-12-2014 04:39 PM

تعديل حجم الخط:

سرايا - سرايا - مرحبا أنا إسمي أحمد.
قبل كم من سنة دخلت السجن علشان خلاف صار بيني وبين شب ،وهالشب دخلني السجن لإني طعنت بشرفه ، ما كنت بعرف إنه هالكلمة يلي زتيتها عليه رح تدخلني السجن من وراه.

هلأ أنا قاعد ببحث عن عرايس و مافي ولا وحدة راضية علي إنها تكون زوجتي رغم إني بمتلك بيت مأثث وسيارة وشكلي عادي مش نشاز ، بس أنا يلي سمعته عن بعض البنات يلي رفضوني إنهن مابرضن أكون أبو أولادهن لإني خريج حبوس ، خاصة إنه صار أي واحد بده يطلب إيد بنت ، بروحوا أهلها يبحثوا عن ماضيه هل إنه عليه قضايا أو لأ.

شو أعمل ؟ أنا مجرد كلمة مش محترمة زتيتها على شب قبل كم من سنة ، هيك تعمل إلي بحياتي وتعمل إلي نقطة سودا بحياتي؟ منشان مشكلة صارت بيني وبين شب قبل كم من سنة !!! هيك تضيع حياتي؟؟!!!

والله تعبت إحكولي شو أعمل لحتى ألاقي بنت ترضى فيي وتكون البنت محترمة بدون سوابق أو ماضي شنيع.

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 60783


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	23-12-2014 04:39 PM سرايا
2 -	بوجهك على مخيم الزعتري بقبلن فيك شو ما كنت بحكي جد	23-12-2014 04:46 PM عوض التبليغ عن إساءة
3 -	قال النبي صلى الله عليه وسلم: أي الإسلام أفضل؟ فقال الله صلى الله عليه وسلم: (مَنْ سلم المسلمون من لسانه ويده) قال الله صلى الله عليه وسلم: (أمسك عليك لسانك ولْيسعك بيتك، وابْكِ على خطيئتك) قال صلى الله عليه وسلم: (لما عُرِجَ بي (أي في رحلة الإسراء) مررتُ بقوم لهم أظفار من نحاس يخْمِشُون (يجرحون) وجوههم وصدورهم، فقلت: مَنْ هؤلاء يا جبريل؟ قال: هؤلاء الذين يأكلون لحوم الناس ويقعون في أعراضهم) وهل يكب الناس على وجوههم أو على مناخرهم في النار إلا حصائد ألسنتهم" أول شي لازم تروح تعتذر من الشب اللي أسأت إليه وتكثر من الإستغفار وتدعي الله يسهلك بنت الحلال وبسسس	23-12-2014 05:14 PM مجرد كلمة مش محترمة !!! التبليغ عن إساءة
4 -	******مسااء الخير ع الجميع.....ويسعد مساااكم*****........والله ي اخي العزيز ما بعرف شو بدي احكيلك....اول شي الحبس للرجال وعادي بس انه ما حدا راضي يقبل فيك والله ما بعرف ...ان شااااء الله تنحل مشكلتك وتفرج ي ررب والله يبعثلك بنت الحلال الي بتسر خاطر وتهنيك...........	23-12-2014 06:37 PM الحلاااكله التبليغ عن إساءة
5 -	يعني أنا مش فاهمة كيف انت بدك بنت بدون سوابق أو ماضي؟ يعني وأنا قاعدة بقرأ بمشكلتك تقريبا شفقت عليك لكنك خربتها بآخر كلمتين .. قال بدهوش بنت بدون سوابق قال هههههه والله ضحكتني من قلبي . إذا أبشع بنت بالعالم رضيت فيك لازم تنبسط لإنه كتير عليك.	23-12-2014 07:58 PM دلع الخالدي التبليغ عن إساءة
6 -	يعني لما تخطب يطلبوك عدم محكوميه.،؟؟؟	23-12-2014 08:04 PM مجنووووووون التبليغ عن إساءة
7 -	قبل كم من سنة ابن خالتي خطب وعمل حفلته بصالة وبثاني يوم راح بده يرجع الفستان للصالون يلي استأجرت منه خطيبته ، وهو ماشي بالباص شاء القحر إنه يدعس إبن جيرانه ويموت هالولد ، يعني عريس أمبارح دخل السجن مباشرة ويي ياحرام قحيش إنه حس بالخزاوة وظل مستحي من خطيبته وظل يوديلها أخبار إنه هو بصلي وانه ترك التدخين وانه مازال بتذكر فيها وانه وانه ...بمعنى آخر صار يرقع لخطيبته لحتى ترضى عنه رغم إنه ابن خالتي هذا محترم والدعس أجى بالغلط يعني مالازم خطيبته تزعل وهو مالازم يستحي منها ، لكن رغم هيك ظل خجلان على نفسه من هالتصرف . بمعنى آخر ياصاحب المشكلة انت طعنت شرف يعني قلت كلمة بتهز عرش الرحمن وقذفت محصنات ، فكيف مابدك تنال جزاءك؟ كيف بتحكي إنك بدك وحدة بدون سوابق ؟ ليش انت مفكر يلي انت عملته قبل كم من سنة قليل؟ منت ارتكبت كبيرة من السبع الموبقات يافهيم . ألله يثبت علينا العقل والدين.	23-12-2014 08:09 PM فاطمة الزهراء التبليغ عن إساءة
8 -	انت غلطان الحق عليك ليش تطعن بشرف هالشب؟ ماحدا بيرضى عليك تطعن شرفه ! هذا شرف مش حيالله أنا بستغرب من بعض الشباب عليهم ألفاظ بقمة القذارة وبيستهينوا فيها رغم إنها كبيرة من الكبائر .	23-12-2014 08:15 PM أم تقى التبليغ عن إساءة
9 -	يعني طالع من سجن وبدك ترجع لو برجليك لان الزواج مؤبد كمان هههههههههه	23-12-2014 08:17 PM راما التبليغ عن إساءة
10 -	صدقني ازا التزمت الصلاه واستغفرت ربنا...واذكار الصباح والمساء راح ربنا يفتحها عليك.......وربنا يفرجها ع كل متضايق	23-12-2014 08:19 PM دموع الورد التبليغ عن إساءة
11 -	لا وبتتشرط كمان هههههه بدك وحدة تكون ذات ماضي نظيف ههههههههه يعني لو إنك قلت بدي وحدة حلوة أوقلت بدي وحدة غنية أو بدي وحدة ترضى بوضعي .. هيك ممكن ، أما جاي تحكيلنا بدي وحدة ما إلها ماضي ؟؟؟؟؟؟!!!!!! انت عمين بتتخوث؟؟؟	23-12-2014 08:19 PM أريج التبليغ عن إساءة
12 -	انت لو ماقلت بنهاية المشكلة إنك بدك وحدة بدون ماضي كان ساعدناك ، أما جاي تحكيلنا إنك بدك وحدة بدون ماضي ؟؟ أمرك غريب	23-12-2014 08:21 PM لينا التبليغ عن إساءة
13 -	في إلي أخت معاقة وبشعة لأبعد الحدود ، ما إلها ماضي ولا حاضر ولا مستقبل كمان شو رأيك تستر عليها ؟ بتكسب فيها أجر وبتكفر ذنوبك ، شو بدك أحلا من هيك	23-12-2014 08:23 PM الزير سالم التبليغ عن إساءة
14 -	يعني انت بدك وحدة بدون سوابق وكانك شريف مكة . ارحمونا ياسرايا نزلوا المشاكل المنطقية فقط لاغير ؛ لإنه هذا واحد مابستحق الحلول. تحياتي سرايا	23-12-2014 08:28 PM أبو رجاء التبليغ عن إساءة
15 -	انت ياصاحب المشكلة صاحي؟ كيف بتقول بدك وحدة بدون ماضي شنيع ؟ يلي بيسمع بفكر إنه ماضيك ولا أحلا منه . انت تبت لربنا؟ الله يهديك.	23-12-2014 08:30 PM أبو أيهم التبليغ عن إساءة
16 -	في كلام الناس بتستعمله متل شرب المي ومابتعرف إنه هالكلام بقمة البذاءة والقذارة وممكن هالكلام يودي فيه لقعر جهنم لانه هالكلام يعتبر من الكبائر . أسأل الله الهداية لشبابنا وبناتنا.	23-12-2014 08:33 PM الى كل من يستهين بقذف المحصنات التبليغ عن إساءة
17 -	وشو بده يقنع هالبنات بإنك تايب عنجد؟؟؟؟؟	23-12-2014 08:35 PM وشو بده يقنع هالعرايس بإنك تايب التبليغ عن إساءة
18 -	اتجوز كمان خريجة سجون ....وهيك ما بتتعب	23-12-2014 09:50 PM ماسا التبليغ عن إساءة
19 -	والله يخوي ما ظنيت تلاقي بنت بدون ماضي.. الك الله وكرت المؤن	23-12-2014 10:56 PM تك تك التبليغ عن إساءة
20 -	مثل ما حكت ماسا كل واحد الو ماضي لازم يأخذ وحده إلها ماضي	23-12-2014 11:10 PM مرمر التبليغ عن إساءة
21 -	بنات هاي الايام ما برضو بالشب الجامعي وما عليه زايحه كيف خارج من السجن عندك حلين يا تحب بنت وتصارحها من البداية بالي صار معك يا انك تزوج من بلد تانية	23-12-2014 11:35 PM الدمعة ممنوعة التبليغ عن إساءة
22 -	سيدي.. احسن حل تشوف بنت من محيطك واهلها عارفين قصتك بالتفصيل.. وهيك ما رح تواجه اي مشكله صدقني ... وما فيه حد اﻻ وعايش بمحيط مليان بنات واكيد رح تلاقي وحده منيحه... غير هيك بتكون انت مو صادق مع نفسك وﻻ معنا.. يعني مشكلتك اكبر مما حكيت.. وساعتها لحتى يجي نصيبك.	24-12-2014 01:19 AM صاحب السعادة التبليغ عن إساءة
23 -	اخي الكريم انت غلطت واخذت عقابك ومن كلامك ببين انك تبت توبه نصوحه واذا بدور بتلاقي واحده تقبل فيك لانو جريمتك لا هي قتل ولا سرق ولا غيرها بس انا زعلت بس حكيت بدك واحده ما الها ماضي تعرف ليش كيف بدك ايانا ننصفك وانت تظلم غيرك زي ما بقبل ربنت توبتك بقبلها من كل عبيدو والله ولي التوفيق	24-12-2014 01:30 AM واقعيه التبليغ عن إساءة
24 -	أصلا أصلا كل البنات الهم ماضي بشع الا البنت يلي بتكون ملتزمة بالدين ، بس ياصاحب المشكلة غيرك أولى بالبنات المحترمات .	24-12-2014 06:22 AM رزان التبليغ عن إساءة
25 -	أنا بنت محترمة جدا وإذا ماتقدملي واحد محترم معناها خليني ببيت أهلي معنسة طول عمري أشرفلي ما آخذ واحد مابستحقني.	24-12-2014 06:24 AM أنا بنت التبليغ عن إساءة
26 -	كما تدين تدان	24-12-2014 06:25 AM كماتدين تدان التبليغ عن إساءة
27 -	اسمعوا هالسمعة ياناس .. بده بنت محترمة بدون ماضي !!!!!!!!!!! منت مفكر حالك شريف مكة	24-12-2014 06:37 AM أبو لمى التبليغ عن إساءة
28 -	الطيبون للطيبات و الخبيثون للخبيثات	24-12-2014 07:27 AM ساري التبليغ عن إساءة
29 -	تحية صباحية مملوءة بالحب راقية /ماسا / راما / الحلااااكله / منتهى / ليلى/ ليالي/ واقعية / عادي / القبطان / العميد/ مسافر لوحدي ( يا ريت لو ترجع ) غيار عكسي وينك / دموع الورد / ورد الحمزات/ مجدولين والاخوة الحاضرين معانا جميعا وكل الغايبين وبعد : صحيح قبل لافوت على المشكلة تحية كثير كبيرة لصاحبة الدعاء 0 عن ظهر غيب ) وتحية كمان كبيرة للاخ ابو راضي ولونك في الحقيقة مش راضي ... اما اخونا طالب العروس بحب اقلك قول يا رب ولا تياس انت قضيتك مش هالقضية المعقدة وصدقني لو حولي عروس لا وديك عليهم وسلامتك يا خوي	24-12-2014 09:10 AM * العندليب * التبليغ عن إساءة
30 -	1. بجوز ما تكون هاي المشكلة بس اللي دخلتك السجن 2.لو عندي بنت ما بزوجها لواحد كان مسجون. 3.مش فاهمة شو قصدك ببنت ما ألها ماضي وسوابق ,يعني قصدك أنها ما دخلت السجن من قبل؟ 4.بنصحك تروح تدور على عروس تكون بنت أحد زملائك في السجن ,هيك بتطلعوا متعادلين وما حدا بشوف حاله على الثاني.	24-12-2014 09:36 AM أم عبدالله التبليغ عن إساءة
31 -	اخي بالله كلنا نقول الطيبون للطيبات والخبيثون للخبيثات , لكن المعني ليس للزواج اخي ارجع الى القران . المختصر زوجة فرعون وهي مسلمة ومؤمنة وفرعون كافر زوجة سيدنا لوط هو مسلم وهي كافرة ارجوا التنبيه	24-12-2014 10:46 AM الى ساري التبليغ عن إساءة
32 -	علي الجيرة إنك انت داخلة السجن منشان هيك بتبرري لصاحب المشكلة ، أو إنه حدا من أهلك داخل السجن	24-12-2014 11:14 AM الى الحلالكة التبليغ عن إساءة
33 -	الى صاحب المشكلة و بعيدا عن زت الحكي و الكلمات . لانو احنا لسة بنعتب عليك انك زتيت حكي لناس فمش معقول نعمل متلك . هي وحدة .. تاني شي .. ياخوي ولا تهون . البنت لما بتتزوج و بصيرو الناس يسالو عن اصل و فصل اللي تزوجها بكونو خايفين يوطي راسهم بماضيه و لانو بايامنا هاي . اذا الواحد عطس بزمناته بصيرو يعايرو ولاده والله ابوكم بزمناته عطس. وسنة رسولنا عليه افضل الصلاة و اتم التسليم و بامر من ربنا ( تخيرو نطفكم) . ليش فكرك بقولو العرق دساس ,, بخافو الولاد يطلعو زي ابوهم و حاملين صفاتة و طباعه . لا تلوم حدا على خوفه من الارتباط فيك او تزويجك بنته. بس اللي بتقدر تعمله انك تكون واضح بدون لف ودوران و تكون تصرفاتك من قبل و من بعد تثبت واقعك . يعني بالعربي ما تكون مليح بس لحتى تجر رجل العروس و بعدها ترجع لعاداتك . الحلو حلو بكل الاوقات مش شوي حلو وشوي مر.. انا وصلت فكرتي و بتمنى انك تكون قرات كلماتي و اكون قدرت امثل بهالكلمات نصيحة لو كانت بسيطة . و الله من وراء القصد.	24-12-2014 11:48 AM منتهى التبليغ عن إساءة
34 -	الى صاحب المشكلة و بعيدا عن زت الحكي و الكلمات . لانو احنا لسة بنعتب عليك انك زتيت حكي لناس فمش معقول نعمل متلك . هي وحدة .. تاني شي .. ياخوي ولا تهون . البنت لما بتتزوج و بصيرو الناس يسالو عن اصل و فصل اللي تزوجها بكونو خايفين يوطي راسهم بماضيه و لانو بايامنا هاي . اذا الواحد عطس بزمناته بصيرو يعايرو ولاده والله ابوكم بزمناته عطس. وسنة رسولنا عليه افضل الصلاة و اتم التسليم و بامر من ربنا ( تخيرو نطفكم) . ليش فكرك بقولو العرق دساس ,, بخافو الولاد يطلعو زي ابوهم و حاملين صفاتة و طباعه . لا تلوم حدا على خوفه من الارتباط فيك او تزويجك بنته. بس اللي بتقدر تعمله انك تكون واضح بدون لف ودوران و تكون تصرفاتك من قبل و من بعد تثبت واقعك . يعني بالعربي ما تكون مليح بس لحتى تجر رجل العروس و بعدها ترجع لعاداتك . الحلو حلو بكل الاوقات مش شوي حلو وشوي مر.. انا وصلت فكرتي و بتمنى انك تكون قرات كلماتي و اكون قدرت امثل بهالكلمات نصيحة لو كانت بسيطة . و الله من وراء القصد.	24-12-2014 11:48 AM منتهى التبليغ عن إساءة
35 -	حط اسمك عند جمعية ... والله يوفقك ...وكل واحد أو وحدة مش متزوج كمان حطو اسماءكم	24-12-2014 12:31 PM بتهوووووون التبليغ عن إساءة
36 -	مساء الخير للجميع وللعندليب * مشاكس ما بدي احكيلك اسمه لانو مافي غيره لمسخم عدوار اما اخي السائل الله يعينك بس بصراحه ما حدا بعطي بنته لحدا محبوس بقضيه شرف الله يهديك .شايف كيف اعراض الناس مش لعبه وكيف الواحد بهمه سمعته في نصيحه حكتها (دمعه ممنوعه) مقنعه 100% الله يهدي بالك وسرك ويبعتلك بنت حلال	24-12-2014 01:18 PM راقيه التبليغ عن إساءة
37 -	تزوج اجنبيه..... بترتاح .... بتخدمك بعيونها و بروحها ... و لا تزت حالك على ناس ما بتستاهل	24-12-2014 01:52 PM بدي اساعدك التبليغ عن إساءة
38 -	حرام عليكو حطمتو الشب على فكرة هو ما عمل جريمة هي كانت غلطة وتعاقب عليها تعالو اندور كل واحد شو عندو بلاوي ومصايب فيكو بس الشاطر فينا اللي بيعمل حالو شريف مكة وهو مخبى بقشورو وبعدين من حقو انو ياخد بنت ما الها ماضي شنيع لانو غلطتو مش كبيرة الله يلعن مجتمهنا اللي ما بيرحم اللي بيغلط ولا بينسى ياخوي انشالله بتاخد بنت وي ما بدك بس ضلك دور في ناس لسا بتفهم سيبك من كل اراءهم الفراطة عالاقل انت تعاقبت على غلطتك بس غيرك عامل بلاوي ومخبيها بعدين يعني ازا سب على واحد ضروري تحكمو عليه ياخد وحدة مش محترمة والها ماضي والله كلام سخيف ومجتمع اسخف	24-12-2014 03:13 PM ان الله غفور رحيم التبليغ عن إساءة
39 -	اتجوز اجنبيه	24-12-2014 03:48 PM ناصح التبليغ عن إساءة
40 -	صحيح انو ما عندك حياء ولا مشاعر، عفكره صاحب الرساله بالرغم من غلطو طلع بفهم اكتر منك. هيك بتحكي... يلي الله كتبلها هيك تكون. بدل ما تكون بجنبها تخدمها وترعاها وتواسيها هيك بتحكي عنها. خساره تكون اخ واب لانسان سليم حتى. بعدين هدول اسمهم ذوي الاحتياجات الخاصه مش المصطلح الجارح اللي انت استخدمتو بحقها. عالاقل .. طريقها معروف بالحياه الاخره وين وانشالله طريقك ازا ما بتحسن تفكيرك اتجاها بكون عكس طريقها. الله يهديك ويبر والديك فيك.	25-12-2014 03:35 PM ال تعليق ١٣ التبليغ عن إساءة
41 -	يا جماعة اتقوا الله هو اخطأ واعترف هذا يكفي ارشدوه قولوا له تب الى الله وادعوا الله ان ييسر لك زوجة صالحة	25-12-2014 06:32 PM ام حسن التبليغ عن إساءة
42 -	الحق عليه هو الي طل......	25-12-2014 07:28 PM ....... التبليغ عن إساءة
43 -	ياجماعه الزلمه ماكفر وحكى كلام منطقي قال بدي بنت ماالها ماضي شنيع انا نفسي اعرف شو بزعل بهاي الكلمه حقو الزلمه بدو بنت نظيفه اذا انت وهو زعلان على كلمته روح خد انت بدالو بنت الها ماضي اما هو الزلمه حر مابدو بنت الها سوابق	26-12-2014 05:41 AM الفاضي بعمل قاضي التبليغ عن إساءة
44 -	أولا أنا بضحك عليكم ماعندي أخت معاقة . ثانيا حبيت أفرجي صاحب المشكلة كم إنه غلطه كبير ثالثا إنت أصلا مالازم علقت حضرة جنابك لإنه صاحب المشكلة طعن شرف وطعن الشرف إشي مش هين إلا إذا كنت مثله هذا إشي ثاني رابعا المساجين معروفين إنهم اصحاب مشاكل والباقي عندك.	26-12-2014 06:41 AM الزير سالم الى 40 التبليغ عن إساءة
45 -	اخي الله يفرجها عليك افعالك بعد السجن هي بتثبت شو انت وانا مع الرأي اللي حككا انك تروح على جمعيات مثل جمعية العفاف وهم بساعدوك في مشكلتك بس الاهم تكون تعلمت من خطأك ودائما ياشباب اعتبروا بنات الناس مثل خواتكم احنا بالجنوب هاذ الكلام بصير عليه قعدات حق عند شيوخ كبار .....الله يوفقك	26-12-2014 09:55 AM مش مهم التبليغ عن إساءة
46 -	ليش ليكون ساامع عني اني 24 سااعه بالسجن..لا ي افندي لا انا ولا احد من العيله دخل السجن الحمدلله...حنا عيلتنا عيلت شيوخ واكاابر وما ندخل السجن وحنا بندخل الناس ع السجن...ورجائنا لا تعلق ع الكلاااام	26-12-2014 12:07 PM الى تعليق 32 التبليغ عن إساءة
47 -	كلها علقت ع صااحب المشكله وبررتله مو بس اناا........مع احتررامي للجميع المتوااجدين هني ع سرايا....وهلاااابيكم زووود	26-12-2014 12:08 PM الحلااكله التبليغ عن إساءة
48 -	السلام عليكم اخي العزيز اولا الاعتراف بالذنب فضيله وثانيا الله يفرجها عليك الصبر كويس خلي ايمانك بربنا كبير.وبنات هالايام بدهم واحد تفصيل.ولما يجي الشب يخطب بنت قال ابوها بيعمل حاله زلمه ويروح يسال عن الشب وانا بقول اله اولا روح شوف بنتك شووو؟؟؟؟؟بيعملو حالهم غير شكل وانا بنتي لازم توخذ شب محترم.بس لازم يسالو عن دينو واخلاقه بعد السجن؟يمكن يكون خريج سجون بس الله هداه وصار شب خلوق؟؟...	26-12-2014 07:19 PM نبض القلوب التبليغ عن إساءة
49 -	يا هلا بيكي ومرحب وبكل اهلنا بالمفرق الحبيبة ( وشدي حيلك بالامتحانات )	27-12-2014 11:34 AM * العندليب * الحلااااكله التبليغ عن إساءة
50 -	والله لو اموت ما باخذ خريج حبوس	28-12-2014 06:13 PM والله لو اموت ما باحذ خريج حبوس التبليغ عن إساءة
51 -	انا مع 50	29-12-2014 08:57 AM انا مع 50 التبليغ عن إساءة
52 -	بدك وحدة ايش مالها؟؟؟؟؟؟؟؟!!!!!!!!!!!!!!!!! انت بدك وحدة مثلك يا شاطر	29-12-2014 05:51 PM ههههههههههههه التبليغ عن إساءة
53 -	بلا مؤاخذة ياصاحب المشكلةكيف انت بتفكر؟ وين عقلك ؟ كيف انت بتحكي بدك بنت مؤدب وانت ما عندك اخلاق؟ كيف بتسب مسبات بتهز عرش الرحمن وبنفس الوقت بدك وحدة مؤدبة ؟ الشغلة مش زابطة.	30-12-2014 06:46 PM ربى التبليغ عن إساءة