ضايعة ومش قادرة أتحمل أكثر

26-07-2014 09:03 AM

تعديل حجم الخط:

سرايا - سرايا - أنا يا جماعه بأختصار الدنيا ضايقه فيّ
انا بنت الحمدلله ملتزمه وصاينه حالي وان شالله اكون راضيه ربنا بكل تصرفاتي

انا بأختصار تعبت من الحياه وتعرضت لأكثر من صدمة بحياتي حولتني لأنسانه عصبيه ودايما ضايق خلقي وما بتحمل شي ولا بقدر اطيق اي شي وبسرعه أعصب .

وهاد الاشي مأثر على حياتي كتير .. اول تأثيره في البيت باستمرار وأنا وأمي مش متفقات هي عصبيه وانا بعصب وبتضايق وبعدها بس بدقيقه اتضايق وأندم وحتى بشغلي ما الي خلق على الناس نهائيا

غير اني كرهانه الحياه ودايما حزينه وما في اي شي ممكن يبسطني او يطلعني من هالحاله .
وصلت لحاله صرت افكر أوخد فيها أدويه مهدئه بس انا خايفه انه فيها حرام كمان انه بتعملي أدمان ومشاكل,وكتير في ناس تموت من جرعات زائده...غير أني مش مقتنعه بهالأشي أصلا

وكمان انا طول عمري الحمدلله بنضرب في المثل بالأخلاق والأدب والعلم الحمدلله
انا يا جماعه ضايعه ومش عارفه شو اعمل !!
واللي يحكي صلي ..وصلتك بربك ومن هالحكي
أنا الحمدلله محافظه على الصلاه وقراءه القران
ولكن يا جماعه هاد اشي نفسي خارج عن كل الظروف والأراده
مع العلم ولا أي شخص بعرف بحالتي هاي
شو أعمل!!!!!!؟؟؟؟

طباعة

المشاهدات: 89652


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	26-07-2014 09:03 AM سرايا
2 -	بنصحك كا ما تإصبي تعدي للعشره يعني عودي حالك على التأني قبل التلفظ بالفاظ مؤذيه. والعصبيه من الشيطان ما تخليه يفوز عليكي. وبنصحك تقومي بنشاطات تطوعيه في جماعات بتنظم اعمال تطوعيه اسبوعيا شاركي معهم و حسي انك عم تعملي خير للناس	26-07-2014 10:16 AM كوكو عاشور التبليغ عن إساءة
3 -	اختي العزيزة مشكلتك انه نتيجه الصدمات اللي تعرضتي لها صرتي عصبيه . كان لازم هاي الصدمات اذا تجاوزتيها انها تخليكي اقوى وثقتك بنفسك اكبر . وقتها ما رح تكوني عصبيه بهذا الشكل . بس اعتقد انو عصبيتك هي اصلا من طبيعتك ومش نتيجه الصدمات اللي تعرضتي لها . ما في حدن تعرض لصدمات اكثر مني لكن اتحدى اذا في حدن اهدأ مني لاني اصلا شخصيتي هادئه .	26-07-2014 10:54 AM هدوء ما قبل العاصفه التبليغ عن إساءة
4 -	شكر اللـــه على نعمه عبادة ... فنعمة الصحة شكرها بحسن العبادة ....ونعمة المال ...شكرها الزكاة والصدقة ... .ونعمة العلم ...وشكرها بنقله الى الناس بأمانة .... .ونعمة السُلطة ...وشكرهانصرة المظلوم وإقامة العدل ...فالشًكر من جنس النعمة قال عليه الصلاة والسلام :’’يا أبا هريرة كُن وَرعا تكن تكن أعبد الناس , وكُن قَنعا تكُن أشكر الناس ,وأحب للناس ما تحب لنفسك تكُن مؤمنا ,وأحسن جوارك تكُن مسلماً ,وأقلُ من الضَحك فإنَكثرة الضحك تميت القلب’’ . ...إذا كنتَ في نعمة فارعها ...فإنَ الذنوب تزيل النعم ...فحطها بطاعة رب العباد ...فرب العباد سريع النقم ....وإياك والظلم مهما استطعت ....فظلم العباد شديد الوخم ....اللهم صل على محمد وعلى آله وصحبه أجمعين	26-07-2014 11:21 AM همسة إيمانية.....بالشكر تدوم النعم التبليغ عن إساءة
5 -	يعني انتي حاطه مشكلتك وقد ما شوهتي صورة حياتك حسيت انك قاطعين الك بدل الهويه شهادة وفاه وشايليتها اثبات شخصيه وكاتبه مافي اشي بطلعني من هذا الشي ولا بريحني ومستحيل أضحك وصليت ومو مرتاح انتي بدك واحد معه مصباح علي بابا والمارد او بدك الفيلسوفه سنسونه هاي قرابت افلاطون وجوجل ههههههه	26-07-2014 01:37 PM حبيب الروح التبليغ عن إساءة
6 -	يبدو والله العليم انك مش متزوجة وما بعرف كم عمرك ؟ ووجهك بوجه امك وعاملات زي الضراير وهالحكي بسير كثير بس اذا عصبيتك بتوصلك تعصبي على امك معناته انت عندك اشي غلط بصلاتك وعلاقتك بربك لانه الانسان شديد الارتباط بربنا قدرته على حمل الهم ومقاومته اكبر ,لانه دايما بشعر بقرب ربنا منه وانه الله اذا أحب عبدا ابتلاه مش هيك ادعي ربنا ييسر عمل تفشي غلك فيه وزوج صالح تتهني معه وينسيكي الازمات ودايما حطي ببالك الضربة التي لا تقتلك تزيدك قوة وارضي امك قبل لا يفوت الاوان وتخسري راحة البال وسلامتك	26-07-2014 01:40 PM مجرد راي التبليغ عن إساءة
7 -	اتزوجي	26-07-2014 01:58 PM الزواج التبليغ عن إساءة
8 -	بس تتزوجي رح تنحل هاي المشاكل ان شاء الله	26-07-2014 02:20 PM مهند التبليغ عن إساءة
9 -	فعلا الزواج هو الحل....يا اخوان انا شب كانت الدنيا ضايقه فيا وللاسف الاشي المخجل تعودت على المشروبات المحرمه وصرت ادخن كثير واي طلعه بطلعها بجرب كل شي من حبوب ومن قصص الله بيعلم فيها ......... بس ربك العظيم هداني على ايد بنت حلال سمعتني كلمتين كنت اتمنى الارض تنشق وتبلعني بعدهم ...والحمدلله هي الان زوجتي على سنة الله ورسوله من اكثر من سنه ومن يومها الحمدلله تغيرت 360درجه للافضل...بحمد ربي كل يوم لانه رزقني زوجه اقرب ما تكون للملائكه افديها بروحي وربي شاهد وهي بالمثل ...الزواااااااج افضل حل للشب والبنت ....ولا حد يتحجج بالطفر ..والله العظيم ربك بيسرها ما بتعرف كيف وليش... وخففو المهور وخففو على الي طالب الحلال الحلال الحلال الحلال يا ناس	26-07-2014 02:28 PM ماهر- اختي حل مشكلتك عندي وعن تجربه ؟ التبليغ عن إساءة
10 -	مش بحاجة لادوية ولا شيخ و رقية حدا يضحك عليكي انتي بحاجة لرضا بحياتك وعن نفسك رغم الي خسرتيه او الي مريتي فيه لازم ما تقكري بالماضي والي صار فيه لازم تزرعي جواتك من جديد انسانة ثانية كلها امل وثقة بالله ثم بحالك وحياتك واتدعي ربنا لا تخافي بكرا بتنسي كل هاد الي بتفكري فيه وبتتزوجي وبصير عندك اولاد وبنات حلوين علميهم من صغر عالصلاة ودايما تالعي معهم بالحكي والارشاد لحتى يطلعو فهمانين ... ربي يفرحك ويشيل همك اتدعي بكل صلاة	26-07-2014 02:32 PM عابر سبيل التبليغ عن إساءة
11 -	انا لدي نفس مشكلتك والاسباب عديدة.. لدي وظيفة جيدة جدا لكن في بعض الاحيان لا استطيع التركيز باي شئ لايام ولا استطيع التنفس بشكل طبيعي طوال تلك الفترة و اصحاب العمل متعاونون لاقصى الحدود وفي نفس الوقت احس باني اضرهم ببقائي اعمل لديهم.. ..............والله من وراء القصد	26-07-2014 04:28 PM نفس المشكلة التبليغ عن إساءة
12 -	هههههه اسمعي نصيحة اخونا حبيب مسكين لانو وع باب الله والله يفرجها عليكي وعلى هالزلمه المعتر بس مش فاهمه انا شو خص سنسونه بهاي المشكله لهدرجه يعني نرفزتك يا عمي اتوكل عالله وعالج نفسك وانا معك اول المشجعين.....	26-07-2014 05:33 PM عزيزي حبيب التبليغ عن إساءة
13 -	انا مو عارفة ليش احنا الشعب الاردني عصبي و بضايق و بدمر من اتفه الاسباب...شوفوا اهل غزة...شوفوا العرب شو بصير فيهم.....الله يستر من الايام الجاية. خدي الامور ببساطة ما دام انتي بخير و امك و اهلك بخير احمدي ربك .	26-07-2014 05:47 PM انسانه التبليغ عن إساءة
14 -	لاوالله مش ملاقيه حدا يضربها لحتا تفووووق هاي قله دين حبيبتي ومن اعرض عن ذكري له معيشه ضنكا هاد الي انتي فيه وسواس شيطان عشان الحرام ديري بالك عنفسك اهم وملحقه عقرف الزواج والهم خليكي هيك احسن نصيحتي تقربي من ربك	26-07-2014 06:08 PM لارا التبليغ عن إساءة
15 -	الا بذكر الله تطمئن القلوب .......... اكثري من الاستغفار	26-07-2014 07:08 PM ......... التبليغ عن إساءة
16 -	بنصحك تحبي الحب بغير كل حياتك ارتبطي مع شخص ولكن احسني الاختيار ربنا يبعتلك نصيب منيح من عنده	26-07-2014 09:06 PM سالي التبليغ عن إساءة
17 -	كل مصيبة ـماعدا المصيبة بالدين ـسهلة ويمكن تجاوزها ووحدة بنضرب المثل بأخلاقها لا تضعف ولا تغلق ابواب الدعااااء بوجهها التمسي رضا والدتك ولا تعامليها كم لو كانت صديقتك وغضبتي منها واعيدي حساباتك بخشوعك بالصلاة اماا علاقتك بالناس فالكل معرَض للصدمات فلا تيأسي من رحمة الله حتى لا تكوني ظالمة ابواب الله دائما مفتوحة	26-07-2014 09:10 PM ملتزم والحمدلله التبليغ عن إساءة
18 -	يا أخوان انا والله ما في أطيب من قلبي انا قلبي جدا طيب وعشان هيك انا تعبانه ومش قادره اتحمل النفوس وضروف الحياه الصعبه وانا مش متزوجه وبطلب من رب العالمين يرزقني يزوج صالح مناسب الي اكيد رح تتغير حياتي	26-07-2014 09:27 PM صاحبه المشكله التبليغ عن إساءة
19 -	ما عندكي سالفة غيرك عايش في العدم	26-07-2014 09:33 PM fj,g التبليغ عن إساءة
20 -	ع فكره انا ما بتتخوث والا بتسلى انا جد تعبانه وانا ما بشكي لحدا انا شكوتي لرب العالمين فقط وبحب اسمع من الناس الطيبه والزوق ممكن كلامهم بخفف عني ويدعمني وسلامتك.	26-07-2014 09:34 PM صاحبه المشكله الى رقم 4 التبليغ عن إساءة
21 -	حبي الحياه	27-07-2014 03:49 AM ابو وليد التبليغ عن إساءة
22 -	شوفي لك شيخ يقرأ عليك الرقية الشرعية	27-07-2014 03:49 AM عبدالله الكرك التبليغ عن إساءة
23 -	يا بنت الحلال احمدي ربك عنعمة الصحة وانو خلقك كاملة ومش ناقصك اي اشي شو يحكي الاعمى ولا الي مش قادر يمشي ولي معو حصى بالكلى باليوم بروح مرتين وثلاث يعمل غسيل بالمستشفى ولا شو يحكوا اهل غزة الواحد دارة سويت بالارض واولادو ماتو واتشرد ولا هو لاقي حدى يعينوا ,الله يكون بعون الناس عمصائبها .	27-07-2014 04:03 AM استعينو بالصبر والصلاة التبليغ عن إساءة
24 -	1- اكثرو من الاستغفر فانهوا مفرج للهم. 2-من كثر ما قريت انا وانا وانا واضح انك شايفه حالك توضعي لله المشكله فيكي موب بالناس اذا اموك ما تفهمتي معها كيف رح تعيشي مع ناس غريبه بس تزوجي ؟؟؟؟؟ 3-على العموم كلنا عصبين بس الناس تكثر من قول انت عصبي رح تاخذ فكره انك فلاً عصبي بس اي واحد ممكن يكون عصبي او هادي كله بيده موب بيد الناس. 4- نصيحه لاتنزوجي لانه رح يكون انتقال من وضع سيء الى اسوء اذا ما علجتي وضع هذا. 5- كله هذا رائي الي عندي وانا عارف انك ما طلبتي رائي وكله تجاهل ويختفي ريئ من البرنامج على العموم الله يهديكي	27-07-2014 05:25 AM موب مهم الاسم التبليغ عن إساءة
25 -	نفس مشكلتي لا راحت ولا اجت حاسيتك كإنك بتحكي عني	27-07-2014 08:45 AM زينة التبليغ عن إساءة
26 -	اختي أنا عمري 29 سنة متلك بالزبط الحمدلله دائماً و أبدا .. الله يرزقني و اياكي و "زينة-تعليق 24" و بنات المسلمين الزوج الصالح الرضي الهني الملتزم اللي عندو مخافة الله عسى الله يهون علينا وحدتنا و حياتنا أقو ل تعليق 6 و 7 ..اخوتي في الله ادعولنا بالفرج و الزوج الصالح لأنه الزواج ليس بأيدينا و نحن نتمناه.. الله يفرجها عالجميع	27-07-2014 11:24 AM اختك في الله التبليغ عن إساءة
27 -	اتفق معكم جزيئا ..انا عندي 29 سنة و نفس مشكلتها... و الحل فعلا الزواج و الحلال الحلال الحلال...نعم الحل الامثل للشباب و البنات... ادعولنا بالفرج ...بالله ادعولنا بظهر الغيب .. اختكم في الله	27-07-2014 11:27 AM من اختك المسلمة الى 8 و 9 التبليغ عن إساءة
28 -	بين فترة وفترة اعملي زيارة لاحد الاقارب او صديقة او اخرجي في رحلات مع صديقات وفيات او مخلصات بمعني اعطي نفسك راحة والله الموفق	27-07-2014 11:47 AM كركيه التبليغ عن إساءة
29 -	الي بطلعك من ازمتك وبخفف من عصبيتك الزوااااااج	27-07-2014 01:00 PM ورد الحمزات التبليغ عن إساءة
30 -	أنا أحكيلك شو تعملي إعمليلك كاسة شاي وروقي وفكري مين من صاحباتك القديمات بتعرفيها كويس تكون ضحوكة وبشوشة ، إتصلي معها وإعملي بينك وبينها زيارات وخططوا مع بعض على التجمع مع كل صاحباتك بالمدرسة والجامعة وخليك على إتصال صدقيني تغيير الروتين بحسن من نفسيتك للأفضل بإذن الله	27-07-2014 02:27 PM إبن العقبة التبليغ عن إساءة
31 -	شو هواياتك؟ اقرأي، اعمال يدوية، اعمال تطوعية واتوقع الاخيرة كثير بتريح النفسية، واذا اجاك خاطب ابن حلال وافقي	27-07-2014 02:36 PM maha التبليغ عن إساءة
32 -	انصحك بقراءه كتاب اسمه السر للكاتبه رواندا بايرن وادعيلي	27-07-2014 02:45 PM maen.hawartheh التبليغ عن إساءة
33 -	بشكر كل شخص حكا كلمه حلوه ودعالي ويا رب كل شخص دعالي بالخير ربنا بعطيه اكتر منه :)) بالنسبه للدعاء الحمدلله انا مستمره عليه والله أدعي ليل نهار وبكل وقت وساعه...ربي يستجيبلي ان شالله ويفرج همي وكل عام وأنتم بالف خير أصدقائي	27-07-2014 07:05 PM صاحبه المشكله التبليغ عن إساءة
34 -	أخواتي اللواتي لم يتزوجنَ بعد :^: لمَ لا تضعنَ أسماءكن عند (جمعية العفاف ) فهناك شباب لديهم مواصفات معينة يريدونها في الزوجات قد تنطبق عليكن ولا شيء في ذلك وهو من باب السعي في الرزق مع الدعاء والله اعلم	28-07-2014 06:54 AM الى أخواتي البنات التبليغ عن إساءة
35 -	دائما رددي دعاء لا اله الا انت سبحانك اني كنت من الظالمين	28-07-2014 12:15 PM ابو جود التبليغ عن إساءة
36 -	روحي دوري على ابن الحلال وخلص او انو ملي حياتك بالكتب والقراة والابحاث صدقيني رح تنسي الموضوع	29-07-2014 03:17 PM رأيي التبليغ عن إساءة
37 -	خلي راقي شرعي يرقيكي لأنه أحتمال يكون في عندك سحر وسألي مجرب	29-07-2014 08:30 PM ابوينال التبليغ عن إساءة
38 -	وانا اعاني من نفس مشاكلك وانا عصبيه اول تاثير البيت والعصبيه والهموم ودائما مخنوقه	31-07-2014 02:46 PM زهرةالامل التبليغ عن إساءة
39 -	اقترااااااح رااااائع	31-07-2014 04:50 PM الى رقم 33 التبليغ عن إساءة
40 -	؟؟ لا يحمل الله نفسأ الا وسعها !!!! ألفرج أقرب من ما تتصوري !!!	31-07-2014 09:26 PM أمير ألاحزان التبليغ عن إساءة
41 -	ولك هاى الدنيا ما بتسو شي انبسطي ليش خالقه نكد الحالك ......... طيب حبي الحب كثير حلو بنسيكي اشياء كثير وا اذكر الله .......... ولويش تعصب وتمكتي حالك يعني عاجبك سكري ........ العصبي بتسوي سكر ي................. وامك وشو ما بدها اعمليلها وساعديها ومستحيل انو تسرخ عليكي .................. لا اذا في هناك سبب االحياه حلوه بس نفهمها ....	31-07-2014 11:59 PM دانيا التبليغ عن إساءة
42 -	جربي وشفيلك شيخ يقرا عليكي رقيه شرعيه	01-08-2014 01:42 AM البخيت التبليغ عن إساءة
43 -	كوني مع الله ولاتبالي .. ا دوري على نقاط ضعفك انتي اكثر الناس بتعرفي بايش مقصره	01-08-2014 05:37 AM Mohammed التبليغ عن إساءة
44 -	انصحك بصبر والصلاه وان تشغلي وقتي بالاشياء التي تحبينها قراءه او كتابه او مشاهده صور جميله بما فيها المناظر الطبيعيه ومجالسه الناس الذين يبثون الطاقه الايجابيه والسعاده وملاعبه الاطفال الصغار لانهم صادقين وان تتحدثي مع نفسك بان مبسوطه وسعيده وحياتك جميله لانه يؤثر بشخصيتك بس بدون متشعري والاهم ان لا تشكو همك للناس لان نظره الحزن سوف تزيد همك همك اشكي همك لله وهذا طبعا بدعاء ((وان بعد العسر يسرا))	03-08-2014 06:41 AM موسى التبليغ عن إساءة
45 -	جربي قيام الليل و لا تنامي بعد الفجر و ادعيلي	04-08-2014 09:27 PM ابو ابو محمد التبليغ عن إساءة