أيها أصح .. أهلي يأخدوني أم سلفي ؟

09-06-2014 08:37 AM

تعديل حجم الخط:

سرايا - سرايا - انا حابه استشيركم بشغله محيرتني
انا نازله اجازه عالاردن كمان اسبوع ومعي ٣ اطفال - زوجي نازل بالسياره بعدي باسبوع
هلأ انا كنت حابه بابا ييجي ياخدني من المطار- تفاجأت انو زوجي حاكي لأخوه ييجي ياخدني من المطار- قال : مش حلوه بحقهم الناس يحكوا عليهم انه ما سالوا
هلأ مش هون المشكله.. المشكله انه عيب لما ييجي ياخدني احكي له وصلني عند اهلي .. وصار لازم اضل عندهم كم يوم - انا ما بتفرق عندي بضل.. بس كنت حابه اقعد عند اهلي اسبوع قبل ما ينزل زوجي عشان لما ينزل اضل معه بقية الاسبوع
هلأ برايكم شو الصح ؟؟ اهلي ياخدوني- وإلا سلفي واروح عندهم- وإلا احكي له يوصلني عند اهلي؟؟
وكمان حماتي بيتها - ماشاء الله - مليان قاعد عندها سلفي متزوج وإخوانه وأخواته اللي مش متزوجات- يعني لما آجي رح يفضوا لي غرفه.. ويناموا إخوانه بالصالون -
اسفه عالاطاله!!

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 65956


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	09-06-2014 08:37 AM سرايا
2 -	عادي لاتتدقي على شيء مش محرز بس روحي عند دار حماك زي ماطلب زوجك - والمسا او ثاني يوم بيجو اهلك وبسلموا عليكي وبعد جيت زوجك بتروحي كل يومين عندهم مش غلط ولاتفكر ي زياده :P	09-06-2014 08:41 AM اختي التبليغ عن إساءة
3 -	انتي ماتعرفي؟؟ صار عندنا تكسي مميز	09-06-2014 08:45 AM مجنووووووووون التبليغ عن إساءة
4 -	حبيبتي الاصول اصول انزلي اول يوم عند اهلة انت واولادك وثاني يوم استاذني منهم وروحي عند اهلك	09-06-2014 09:00 AM زهرة الياسمين التبليغ عن إساءة
5 -	الاولى ان تذهبي الى بيت اهل زوجك وتسلمي على الموجودين وتنامي تلك الليله ثم بعدها تذهبي الى اهلك وهذه وجهة نظري	09-06-2014 09:05 AM رقيب التبليغ عن إساءة
6 -	فعلا الفاضي بيعمل قاضي الناس بايش وانت بايش الظاهر انك انت وحدة فاضية اشغال وفاضية بال لانو مشكلتك تافه ولا شكلك كمان بتتحالي يعني كانك مش مصدقة حالك لا تصدقي حالك ما طار طبر ورتفع الا كما طار وقع وباذن الله رح توقعي روحي لاقيلك شغلة اتسلي فيها احسنلك فعلا الناس فاضية اشغال	09-06-2014 09:08 AM الحلو التبليغ عن إساءة
7 -	اختي العزيزه الحل الامثل احكي الى ابوكي يحكي لزوجك انو بنتي بدها تبقى عنى لما تيجي من السفر واطلعي من الموضوع على شان ما بتصير مشاكل	09-06-2014 09:09 AM حويطي التبليغ عن إساءة
8 -	أنا برأيي مشكلتك مش مع سلفك هيه بالنقاش مع زوجك بالتفاهم وفهميه إنو ما عندك مشكلة إنو يوخدك سلفك من المطار وبتروحي عند حماتك بس لنفس اليوم بدون ما تنامي انتي واولادك وبيجي ابوكي بوخدك من عند حماتك ,, كله هاظا التفاهم مع زوجك.	09-06-2014 09:09 AM محمود حسان التبليغ عن إساءة
9 -	ما ابيخ موضوعك	09-06-2014 09:10 AM وحده التبليغ عن إساءة
10 -	المفروض اهلك يوخدوكي من المطار لانه زوجك مو معك و بعد يومين تروحي انتي عند بيت حماتك علشان يشوفوا الاولاد و تسلمي عليهم هدا الصح بس في ازلام بحبوا يبينوا لاهلهم انهم هم الكل بالكل و هم المسؤولين عن عيلتهم في حالة غيابهم المهم انتي خبري زوجك بانك بدك ابوكي يوخدك و شوفي رأيه.	09-06-2014 09:18 AM رغد التبليغ عن إساءة
11 -	يا ستي نسقي انتي مع ابوك يجي ياخدك من المطار على اساس انهم اكيد رح يسألو في بنتهم وعادي خلي سلفك يجي كمان بس كوني متأكدة انو اهلك يكونوا موجودين وقت ما توصلي عشان ما تنحرجي بعدين بيتم اللقاء في المطار عادي اكيد رح تروحي مع ابوكي طبيعي جدا بس هون شو بتحكي لاهلك وقدام سلفك بعد ما تسلمي عليهم بما انا شفناكم والحمد لله خذني يا بابا خليني اسلم على دار حماي وخليهم يشوفو الاولاد شوي بتروحوا مع ابوكي عند دار حماك واكيد رح تروحي مع ابوكي بعد ساعة او ساعتين طبيعي لانو ابوكي ما رح يتركك بهيك بتكسبي كل الاطراف وما في داعي جوزك يكون كثير بيعرف خلي كل اشي يبين على اساس اهتمام من اهلك كمان اذا عجبتكم الفكرة ردولي خبر هههههه	09-06-2014 09:37 AM شو المشكلة التبليغ عن إساءة
12 -	عنجد يا لها من كارثة	09-06-2014 09:58 AM هبة التبليغ عن إساءة
13 -	[[ جد يزعحني بعض الردود اللي ما الها قيمه ]] ي اخي قل خيرآ او اصمت حبيبتي اخواني المعلقين ما قصرروا وانتي شوووفي الانسسب واختاري وان شاء الله توصلي بالسلامـــه انتي واسرتكك„„	09-06-2014 10:45 AM بنـت الباديــه التبليغ عن إساءة
14 -	خلي حدا من اهلك يجي يوخذ الشنط اهم اشي وانتي روحي عند اهل جوزك مش فارقه اهم اشي الشنتات واللي فيهن	09-06-2014 10:46 AM جبص اندبورد التبليغ عن إساءة
15 -	احلى لااااااايك للعالم اللي عندها زوووووووق	09-06-2014 11:18 AM 1+3+4 التبليغ عن إساءة
16 -	أستخيري بحياة شبابك يا شابه هاي مشكله ههههههه	09-06-2014 11:44 AM هبله التبليغ عن إساءة
17 -	خلى اهلك يوخذوكي افضل لان الرسول قال الحمو الموت فيجب الاعتذار منة ومن ترك شي لله عوضة الله خير منة	09-06-2014 12:11 PM الحل الدين التبليغ عن إساءة
18 -	مشكلة معقده جدا لا بد انو تتدخل منظمة الصحة الدوليه والامم المتحده	09-06-2014 01:35 PM خلف التبليغ عن إساءة
19 -	ولله في خلقه شؤون	09-06-2014 01:50 PM متطفل التبليغ عن إساءة
20 -	المفروض انو سلفك مش محرم لك ولا محرم عليكي ولذلك الواجب انه اخوكي او ابوكي يوخذك من المطار لبيت زوجك وبعدين انت بعد موافقة زوجك اتقرري المبيت وين /////// هذا هو الحل حسب العادات والدين	09-06-2014 01:54 PM صخري التبليغ عن إساءة
21 -	هاي مشلة المغترب اللي ماعنده بيت ببلده على كل حال تصرف حلو انه ييجو دار حماكي ياخدوكي من المطار ومش غلط حدا من اهلك كمان يكون موجود ويستقبلك والكل بروح عند دار حماكي وكوني محضرة هدايا دار حماكي واتغدي او اتعشي معهم وانبسطوا وبناء على كلام زوجك لامه انك رح تضلي عند اهلك لغاية ماهو ييجي من السفر روحي مع اهلك .وانتي والاولاد بهالفترة احكي تلفونات مع خالتك(حماتك) كمان خصوصا انه جوزك مش مطول وانا مع التعليق رقم 1+3+4	09-06-2014 02:06 PM لانا التبليغ عن إساءة
22 -	لبش عاملها مشكله من الذوق والاصوال انك تروحى على بيت اهل زوج ك لانهم مشتقين لاوالاد مو حجه انك وين بتنامى واكيد بيت اهللك مو اوسع من بين اهل زوجك بتروحى يومين بعدين على بيت اهللك بس انت مو حبه اهلل زوجك	09-06-2014 02:54 PM منى التبليغ عن إساءة
23 -	الاصول ان وصلك سلفك ان تبقي يوم او يومين عندهم وبعدها استاذني من حماتك ان تقضي ما تبقى من وقت عند اهلك وقبل وصول زوجك بالسلامة = ان شاء الله = مع العلم ان الحياة معهم كما وصفتيها خانقة ولا حرية لك وستبقين مقيدة اليدين والتفكير	09-06-2014 03:31 PM ورد الحمزات التبليغ عن إساءة
24 -	كل البنات الي بعلقو هسا بتبلش عندهم الفلسفة كلهم فهمانات ما شاءالله	09-06-2014 03:51 PM اردني1 التبليغ عن إساءة
25 -	يا صاحبة المشكلة شكلك جد بنت ناس وبتسالي عشان ما تخلي حدا يوخد منك موقف يسعد دينك ما ارقاكي لو نزلت مع جوزك احسن اهيب الك واريح لراسك والله عن تجربة	09-06-2014 04:15 PM لااااااااا مستواكو اعلى من هاي المشكلة التبليغ عن إساءة
26 -	انا لو محل زوجك بخلي اهلك يوخدوكي. بس شو بسير مرات انو بدو يرضي والديه اذا هما طلبو. روحي عند اهلو يومين اليوم الثالث بيجو اهلك يوخدوكي	09-06-2014 05:03 PM عايش بعطارد التبليغ عن إساءة
27 -	احب ان اعلق على ما استدلت فيه ان قول الرسول الله صلى اللله عليه وسلم ((الحمو الموت )) هذه المراة فقط ضيفة الى الاردن يعني ما راح تسكن مع العيلة زوجها كراهية ذلك في ا لحديث يريد الاطالة في بقاء مع ابو زوجها او مع افراد عائلة زوجها	09-06-2014 05:13 PM الى الحل الدين التبليغ عن إساءة
28 -	عادي اختي بصير خلي سلفك يؤخذه من المطار اذا هاي رغبة زوجك ونامي عندهم ليله وثاني يوم استأذنني من دار حماك روحي عند اهلك زوجك لازم يقدر هذا الشيء انك مشتاقة لأهلك. بتفاهم كل شيء بنحل وما اكرمهن الا كريم وما اهنهن الا لءيم تصلي بالسلامه ان شاء الله تعالى ودمتم	09-06-2014 05:22 PM اخر يوم مشمس التبليغ عن إساءة
29 -	باين انه انتي ما حاسبه حساب اهله بالهدايا مشان هيك ما بدك تروحي عندهم ........ الحل سهل هدايا اهلك قسميهم بينهم وهيك بتكوني حليتي المشكله	09-06-2014 07:25 PM سهله التبليغ عن إساءة
30 -	احسنلك لاتنزلي وحاولي تلغي السفر او بتزلي معاه بالسياره وتحججي انك خايفه عليه ينزل وحده بالسياره	09-06-2014 08:09 PM الزبيدي التبليغ عن إساءة
31 -	جد بتحكي انت ولا بتمزحي اما مسخره روحي دوريلك عمشكله اكبر من هاي لا توجعي راسنا تفاهه	09-06-2014 10:42 PM مونه التبليغ عن إساءة
32 -	لو انا مكانك بنام عند اهل زوجي ليلة مشان يشوفو الاولاد وثاني يوم ييجي حد من اهلي يسلم وتستأذني وتروحي ع اهلك	10-06-2014 03:17 AM انا التبليغ عن إساءة
33 -	اللي نفسي افهمه , ليش مستعدة تطلبي رأي 100 شخص غريب و تنقلي اللي يصير بحياتك ! و ما مستعدة انك تجلسي مع جوزك .. تتفاهمي معه وتشاركيه رأيك ؟؟!!!!	10-06-2014 10:08 AM مش فاهم ! التبليغ عن إساءة
34 -	حدسي بقولي والله اعلم انه القصه مش انك مش عارفه وين تروحي او تنزلي هذا اكيد متفق عليه مع زوجك لكن القصه فيها وما فيها خايفه على الهدايا يسبقوا عليها قبل اهلك .........	10-06-2014 12:23 PM زيزوزيزو التبليغ عن إساءة
35 -	عنجد انك وحده صغيرة عقل مش هالشغلة الي بدها كثثير تفكير اقعديي يوم عند اهل زوجك وبعدين روحي عند اهلك	10-06-2014 03:42 PM سارة التبليغ عن إساءة
36 -	السلام عليكم اختي... انا مع صخري 100% الاصل انه اخو زوجك غير محرم لك...و الاصل والدك او اخوك يأخدوكي من المطار.. و لطالما بيت حماتك مليان و يوجد شباب غير محرمين عندها...انزلي عند اهلك استر و افضل اعف... زوري بيت حماك زيارة و رحي عند اهلك..و نامي عندهم مع زوجك	10-06-2014 04:08 PM اختك في الله التبليغ عن إساءة
37 -	حبيبتي انتي هلأ ضيفه عند اهبك لا تفكري حالك لساتك ببيت اهلك والمفروض اهلم يجو تاني يوم او انتي بتزوريهم بس بالببدايه بتروحي ع بيت حماكي هيك الاصول بعدين مو قضيه هاي بتفكري باشياء بسيطه وبتعقديها لي....	10-06-2014 07:16 PM سنسونه التبليغ عن إساءة
38 -	الى رد اختي في اللع هاي مو نصيحه شو يعني سلفها يطلع ياخدها وين اللمشكله بعدين لي ما تنزل عند بيت حماها شو فيها هدولاك موجودين افرضي انهم موجودين ع طول قال نامي عند اهلك انتي وزوجك ههههه .....جد ناس بتئهر	10-06-2014 07:23 PM سنسونه... التبليغ عن إساءة
39 -	المفروض نحكي مع كوفي انان لحل المشكلة العويصة شكلك مش مصدقة حالك	10-06-2014 11:47 PM الزير التبليغ عن إساءة
40 -	يا اختي اهلك اولى ياخدوكي من المطار... وطالما في شباب و البيت مليان عند حماتك نامي عند اهلك لحد ما يجي زوجك بالسلامة... زوري بيت حماكي نهار كامل..نهارين...تلاتة...بس لا تنامي حتى يجي زوجك الحمو الموت يا اختي..اتقوا الله يا عالم	11-06-2014 07:47 AM meee التبليغ عن إساءة
41 -	القصد تنام عند بيت حماها مع زوجها...بوجوده افضل و اريح	11-06-2014 07:49 AM الى سنسونة التبليغ عن إساءة
42 -	دائماً ما استرق النظر الى تعليقاتك يا هبله ولكن تعليقاتك اليوم مو حلوى	11-06-2014 08:02 AM محمد كريشان التبليغ عن إساءة
43 -	تعالي عنا حل وسط	11-06-2014 08:19 AM ميمو صرصور التبليغ عن إساءة
44 -	شو حلو ومو حلو انت فايت على محل كنافه ههههههه	11-06-2014 12:10 PM هبله / كريشان التبليغ عن إساءة
45 -	اخيتي تستطيعي ان تناقشي الموضوع مع زوجك ...واظن انه لن يعترض على ذهابك لأهلك..وتستطيعي ان تقولي له ان يرسلك اولا لبيت اهله تسلمي عليهم وتجلسي عندهم كم ساعة ثم يوصلك لبيت اهلك .....الله اسأل ان يرزقك وزوجك حياة سعيدة لا تشقي بعدها ابدا...اللهم اسعدها وزوجها في اجازتهما....محب فلا تلوموني	11-06-2014 12:56 PM محب فلا تلوموني التبليغ عن إساءة
46 -	هههههه دائماً استرق النظر الى تعليقاتك التي تدل على بساطة قلبك	12-06-2014 12:05 PM محمد كريشان التبليغ عن إساءة
47 -	ليش ما تجي مع زوجك	12-06-2014 06:02 PM خوات التبليغ عن إساءة
48 -	الحمد لله مستحيل اكره إنسان لو كرهني ربنا لا ينظر الى صورنا ولكن الى قلوبنا وكل عام وانت بخير عشان رمضان قرب وعشان كاس العالم كمان الي أكيد رح اتسمر قدام التلفزيون لآني بحب كرة القدم بشكل مو طبيعي والله جد لا تستغرب يعني هو بس الشباب هههههه	12-06-2014 10:12 PM هبله /كريشان التبليغ عن إساءة