نسخة عن أمه !!

06-04-2014 09:14 AM

تعديل حجم الخط:

سرايا - سرايا - انا انسانة بسيطة ومتواضعة وعاطفية كتير وزوجي انسان صادق ومحترم لابعد الحدود
بس مشكلتي اني بحسه بده اياني نسخة عن امه ...!!
انا بعترف انو امه ست بيت مكافحة ربت وعلمت واشتغلت وتعبت حتى بغياب زوجها معظم الوقت عنها..
بس في شغلة الاكل.. كل طبخة لازم تكون " كوبي" عن طبخة امه لدرجة مستفزة.. يعني لازم امه تشرح له الطبخة بالتفصيل الممل وبعدين لازم انفذها حرفيا لانه اي شي مختلف بتبطل تعجبه!
هلأ بعضكم رح يحكي لي سايريهم واعملي اللي زوجك بده اياه واكسبي محبته ورضاه ...
بس يا جماعه انا بشر مو ملاك يعني ما بقدر اضل امثل وكل طبخة احكي مع امه وتقعد تشرح لي وتعيد وتزيد مرتين وتلات نفس الحكي .. ويا ريت بس اول مره وخلص!
صرت عاملة الكبسة 100 مرة ولهلأ بترجع بتعطيني الوصفة السحرية!! وقيسوا على كل الطبخات!! غير الاضافات اللي بتزيدها وانا شخصيا ما بحبها .. متلا لازم احط حمص مع السبانخ وبروكلي مع الفاصولياء وغيره كتير!!
هلأ من كتر ما عم أعترض زوجي صار يمشي لي مرات رغبتي ..بس مرات بس تعطيه الوصفة ويكتشف اني مو عامله متلها ببطل ياكل وبزعل وبعمل مشاكل!!
منطق هالحكي وانا والله ما بعرف انافق وامثل بحكي لي سايريني وانا مش قادرة ..
بحكي له انا مش امك وما بقدر اكون متلها ..
شو رايكم انا صح ولا غلط ..؟!!
ورجاءً ما حدا يغلط على زوجي ..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 36900


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	06-04-2014 09:14 AM سرايا
2 -	روحو اتغدو كل يوم عندها وهيك بترتاحي وبتريحي والعشا مقدور عليه حمص فول بيض...	06-04-2014 09:33 AM متابعه التبليغ عن إساءة
3 -	تعتذر " سرايا " عن نشر أي تعليق يحتوي أسماء داخل التعليق أو عناوين أو هواتف أو إيميلات أو صفحات فيسبوك . كما ونرجو من الإخوة المعلقين احترام جميع المعلقين وعدم انتحال الشخصيات الأخرى وعدم تجريح أصحاب المشكلات المطروحة حفاظاً على الهدف من فتح باب التعليقات. *********************** لإرسال مشكلاتكم أو مشاركاتكم للنشر على الموقع نرجو إرسالها على زاوية ( أرسل لنا ) أعلى يسار الموقع وكتابة ( زاوية أريد حلا ) في خانة العنوان	06-04-2014 09:43 AM سرايا التبليغ عن إساءة
4 -	عزيزتي الاستقلال حلو في حياة الانسان انت مش غلط وانت مش مجوزه العيله لكن الالفه اكويسه	06-04-2014 09:52 AM زيزوزيزو التبليغ عن إساءة
5 -	عن جد الله يكون بعونك عليكي بالدعاء والاستغفار فالاستغفار حل لكل شيء	06-04-2014 09:59 AM من الى صاحبة المشكلة التبليغ عن إساءة
6 -	بدهاصبر معلش جربي اعملي اشي امه ما بتعرفها موغلط لو تطبخي عند امه اريح وانضف مارح تخلص من الحال الا بعد وفاة امه اله يطول عمرها واحتسبي مو هالمشكله تفرجي حواليكي رح تحمدي ربك ع حالتك	06-04-2014 11:26 AM انداري التبليغ عن إساءة
7 -	في عند النساء شيء غريب وخاصة في وصفات الطبخ او الحلويات مستحيل تعطيك الوصفه 100% الا يكون شيء ناقص	06-04-2014 11:28 AM المهندس التبليغ عن إساءة
8 -	iاعزمي حماتك واحكيلها اليوم عملت طبخه كتير زاكيه و بدي اشوف رأيك فيها,,,,,,, اكيد رح تنبسط اليوم الثاني اعملي شيء جديد ,,, او طبق حلوي و احكي لجوزك بدي اذوق عمتي و اشوف شو رأيها,,,, مره علي مره اذا كان طبخك زاكي رح تحبه وهي تصير تطلب منك تعمليلها,,, الطبخه الفلانيه الموضو ع بسيط جدا بدو مسايره و الامور بتصير تمام	06-04-2014 01:27 PM وحده التبليغ عن إساءة
9 -	أنا من رأيي تحاولي تخلي والدته تأثر عليه..يعني تشكي لها إنه ما رح تقدري تكوني متلها - مع إنه إنت بتحترميها وبتعملي بعض الأكلات متلها - وأنه لا شيء يبادل الأم ولا طبخاتها الخاصة المميزة.. وتاني شي تعزمي والدته عندكم على أكلات خاصة إنتي تعمليها بطريقتك ولما تعجبها وتمدحها هو بيعرف إنه طبخك كمان مميز وبطريقتك إنت.. وخاصة لو طلبتي من حا=ماتك إنها تتصل فيكي يوم وتطلب منك طبخة عزمتيها عليها.. ويكون هالحكي أمام زوجك..ساعتها كتير رح يتأثر وممكن يثق جدا يعطيكي الحرية بطريقة الطبخ ..والله يوفقك	06-04-2014 01:56 PM أنثى مفكرة التبليغ عن إساءة
10 -	بدي اسألك لو طلب منك تكوني مثل امك مش امه وتعملي نفس طبخات امك وتحكي معها باليوم 14 مرة تزعلي	06-04-2014 02:47 PM فراس التبليغ عن إساءة
11 -	ولك انتي ان اهبلة احكيلة روح عند امك او خلي امك تبعتلك اكلة وهيك هو وهي بزهقوا وبعجبهم اكلك هههههههههه	06-04-2014 03:42 PM لانا التبليغ عن إساءة
12 -	اتغدي عندها كل يوم وريحي حالك من الطبيخ	06-04-2014 03:43 PM memo27 التبليغ عن إساءة
13 -	يالطيف على هيك نفسيات تخنق الابداع...هو مافي حدا يعرف يطبخ غير امه شو هالثقه العمياء....كل وحده الها نفس غير عالطبخ....طريقتنا تختلف حتى عن امهاتنا في طريقة الطبخ....شو هالاحكام التعسفيه اللي تخفي وراها اشياء اشياء راح تكشفيها بعدين...انتي الك شخصيه مستقله عن امه وما يطلعله انه يجعل منك نسخه منها...قوليله انا بدي اياك زي ابوي	06-04-2014 04:05 PM laura التبليغ عن إساءة
14 -	اسمعي لما تتصلي فيها عشان الوصفه احكيلها مرت عمي انا بحب اشهق عالملوخيه بالله تيجي تشهقي انتي بخاف جوزي يعرف شهقتي عن شهقتك او عال تلفون و هيك بتزهق حالها هيه وبتبطل ترد عليكي يعني بتخاف عالقصبات عندها واحكيلها انا بشهق عكل الأكل عشان الطبيخ نفس كيفني معك	06-04-2014 06:53 PM هبله التبليغ عن إساءة
15 -	لا تخلي حد يتدخل ببيتك و ام زوجك فالاخرين لا يعلموا الخصوصيه و ما حد ح يتأثر اذا صار مشكله عندك او كبر براسك بكل بساطه، انت ادرى بزوجك و اهله... اكيد في مدخل ما خطر على ببالك الموضوع بسيط و حله انت ادرى به لا زوجك على خطىء و لا انت و لا والدته	07-04-2014 12:26 AM من اربد التبليغ عن إساءة
16 -	مهو لو شاف طبخك احسن من طبخ امه كان نسي طبخ امه بس اذا طبخك ما بوازيها اكيد رح يقول لك اتعلمي ,, يعني اذا عملتي الكبسه 100 مره وما زبطتيها او بالاصح ما عجبته ,, اكيد بدك تعديل	07-04-2014 08:38 AM القبطااااان التبليغ عن إساءة