ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

مرحبا اختى لازم تتزوجي ليش ضلك هيك من غير ارتباط زوجك المتوفي الله يرحمه ليش الرجال بسرعه بتزوجوا بس تتوفى زوجته بدون تردد يعني ما بصدقوا بالنسبه لاهل زوجك اذا بدهم اياكي لاخوه اذا كان الشب محترم ليش لا والافضل براي خذي واحد غريب لانه اذا اخذتي اخو المرحوم رح دايما تتذكريه وتحزني ويؤثر على حياتك القادمه مع تمنياتي لكي بالتوفيق وكل شي نصيب

لو انك شب كان قلتلك انه ربنا راضي عليك اللي رجعك عزابي ولا ترجع تغلط وترمي حالك بهالمصيبه كمان مره .... لكن بما انه مو شب حرام تضلي بدون جيزه لانه اللي فهمته انه كثير عرسان بتقدمولك وغيرك بتعنس وهي بتتمنى تكوّن اسرتها وبيتها الخاص!!!!

أولا: أهل زوجك ما الهم علاقة فيكي، يعني ما تفكري بموضوعهم إذا انتي ما بدك تتزوجي أخو المرحوم.
ثانيا: الإقبال على هالخطوة أكيد رح يكون صعب بالبداية، لكن فيما بعد رح تنسي وربنا بيصبر العبد، وإلا ما ييجي يوم وتعيشي حياتك الطبيعية.
حقك تتزوجي وتنجبي وتصيري أم وتأسسي عيلة، استخيري ربنا وإن شالله ما بتشوفي إلا الخير :)

اعملي استخارة وشوفي كيف ربنا بمشي الأمور للأفضل. و ما في داعي تخافي ربنا بختار النا الاحسن في جميع الأمور .

صباح الخير عزيزتي انتي اكتر وحده عارفة وضعك وحجم معاناتك من اي ناس تانيين..واحسن الله عزاءك في زوجك اللي يبدو انه كان رجل طيب الله يرحمه...بس انتي لساتك صبية وما عندك اولاد شو المانع تبدي حياة جديدة بعد الاتكال على الله مع اي شب من اللي بتقدمولك...افضل اشي بالدنيا النا هي ان تكون الوحدة ست بيت وهيك ما حدا بنشغل باله عليكي...ام بالنسبة لطلب دار حماكي انك تكوني زوجة لابنهم التاني هادا دليل محبتهم الك بس صراحة المسالة مش سهلة بدها تفكييير وبس لعلمك صارت وامورهم تمام ...حابه احكيلك شغلة في بنات كتير بنات عائلات مرتبة وعلى خلق ودين بستنوا لو فرصة وحدة لحتى يفتحو بيت..الله يفرج همك وييسر امرك

على بركة الله .. اتزوجي اخو وين المشكله!

اذا كان زوجك الله يرحمه منيح فذكراه ستكون دائما بالبال و ان كان غير ذلك فسامحيه فهذه من سمات الزوجة الصالحة و أنت كذلك ان شاء الله...

و أما بموضوع الزواج، بنظري اختاري صح بعقلك... و أنت أدرى بمن يريد الزواج بك لحياه حسنه تملؤها المودة و الرحمة و أهله يحترمونك

انا برايي ازا تقدملك واحد كتير كويس ليش لا لانه بوقتنا العزبيات يا دوب متزوجات ولساتك صغيرة ، وبكره يجيك ولد او بنت يحملوكي عند كبرك فكري في هاده النقطة ولا تنسي تستخيري وربنا يستر علي جميع البنات....

حبيبتي ....زوجك الله يرحمو ويجعل مثواه الجنه صعب اي حد يعطيك رائيو بهالموضوع لانو هاد شي داخلي بيعتمد على احساسك ونفسيتك ....لازم انتي الي تتخذي هاد القرار لوحدك بدون اي ضغوط من حد او تدخل من حد لانو هاي حياتك ومستقبلك انت...عشان ما تندمي بيوم من الايام وتئولي انتو جبرتوني او ضغطتو علي واثرتو على قراري لا تتخدي هالقرار الا وانت واعية ومدركه لكل جوانبو وايجابياتو وسلبياتو وتاثيرو عليك ...بالنسبة للزواج من سلفك انا بالنسبة الي بشوفو صعب كنتييييييييييييير لانو زوجك المرحوم رح يضل عايش بالنص بينكم ورح تضلي تسترجعي حياتك وذكرياتك معو الموضوع مش سهل انتي بدون ما تتزوجي سلفك مش عم تنسي المرحوم كيف لما تتزوجي وترجعي تعيشي بين اهلو والذكريات ترجع وكل شي عشتي معو يرجع .....وعالعموم عليك بالاستخارة ثم الاستخارة واسمعي عقلك وقلبك شو بيئولولك وموفقه يا رب

لا تخافي ولا عبالك بالعكس لازم تتشجعي لهاي الخطوة لانه لازم تكملي مشوار حياتك بعدك باول عمرك بس اختاري صاحب الخلق قبل كل شي لانه هو الي رح يسعدك واعملي استخارة واتوكلي على رب العالمين بالتوفيق يا رب

وديت تعليق الي الظهر على هذا الموضوع وما طلعتوه,ممكن اذا تكرمتوا طلعوه..بامان الله

اركبي القطار بسرررررعه نصيحه مني

بدك نصيحتي اقبل لان الستره للبنت مطلوبه وبمجتمعنا العين دايم ع المطلقه والارمله وزي مابحكو ظل زلمه ولا ظل حيطه بالتوفيق

الطياره أسرع شو هال نصايح هاي صايره نصايحك جديه لازم تغير أسمك لعاقل ما شا الله عنك الله يتمم عليك وجمعه مباركه. عليك وعلى الجميع شايف شو منيحه صايره الحمد لله دعواتك مستجابة فضيلتك

فلتحيا كل أمراه كانت عزباء ام متزوجه ام ارمله ام مطلقه فالزواج لم يزدها كرامه والطلاق لم يتقصها أنوثه

الله يعطيكي الي فبالك امييييييييييييييين ويتمم عليكي كمان وجمعه مباركه علا معاليكي....

صلي صلاة استخارة قبل رجل يطلب للزواج .والله الموفق

اسأل الله المغفرة لزوجك....ونصيحتي لك ان تقبلي بالزوج الذي ان احبك اكرمك وإن كرهك لا يظلمك...وعليك بصاحب الدين والخلق....فهي وصية الرسول لك حتى تدوم حياتك ...وإياك من وسوسة الشيطان بالخوف من الزواج الجديد...بل انت بعد وفاة زوجك اصبح لديك خبرة بالزواج وخبرة بالرجال فاقبلي بالزوج الذي ترتاحي له ويرتاح لك....ومجرد طرح اهل الزوج فكرة تزويجك من اخيه فإن دل يدل على انك امرأة مرغوب بها...ولولا اخلاقك وطباعك وتعاملك الحسن مع اهل زوجك لما فكروا بالمحافظة عليك خاصة وانه ليس لديك اولاد منه...فالخيار اخيتي لك...واكرر (إذا اتاكم من ترضون دينه وخلقه فزوجوه...)...واعلمي ان امرأة بلا زوج مسكينة حتى لو حملت جميع الشهادات ووصلت لجميع المناصب فهي بحاجة لزوج تسكن إليه ويسكن إليها...فأنت لا زلت صغيرة والحياة امامك فلا تدعي للشيطان سبيل إليك....الله اسأل ان يرزقك الزوج الصالح الذي يحبك ويصونك ويحافظ عليك وتشعري معه بالسعادة المرجوة من الزواج....اللهم انزل على زوجها رحمة من عندك...وانزل عليها رحمة تسعد فيها ولا تشقى بعدها ابدا....محب فلا تلوموني

يا اختي استخيري ربك وضلك صلي وادعو ربك يختار الخير وضلك احكي حسبي الله ونعم الوكيل

صلى صلاه استخار وتوكلي على الله ولات تقطعي نصيبك
لو انو لا سمحا الله انتي توفيت كان جوزك ما صدق ورح يتزوج بنت 14
فاتوكلي على الله ورجل ما عليهم امان

برأيي ما تتزوجي أخوه المرحوم لإنك ما رح تنسي الأولاني ورح تسيري تقارني بينهم . بعدين إحمدي الله إنو ما عندك أولاد عشان تكملي حياتك طبيعي بدون مشاكل مع أهل الزوج المتوفا . ولساتك صغيرة توكلي على الله واستخيري وتزوجي وعيشي حياتك لإنو الفرص الي بتيجيكي هلأ ما رح تيجيكي وإنتي أكبر . بعرف وحدة تزوجت غلى 24 وبقيت معه سنة وجابت بنت وتركت و البنت معها وصار عمر الام 33 سنة ولسا رافضا الزواج عشان بنتها وكمان خايفة من الفشل مرة تانية غير إنها ما أعطت حالها ولا غيرها فرصة التعرف على حدا ولا الزواج أصلا .. من جديد بدت تفكر لكن ما عملت إشي لانها خايفة عشان بنتها ومو الكل بيأبل يتزوج وحده معها ولادها .حالها متل حال كتير من البنات . إما إنتي أدامك الفرصة وتوكلي على الله واستخيري كتير واستغفري كتير . والله يوفأك

الحياه ما بتوقف يا عزيزتي وبعدين المرحوم مات ما طلقك او خانك يعني العيب مش فيه ولا فيكي ,, ابقيه ذكرى حلوه بقلبك وما تشعري فيها الشخص الجديد لانه الرجل بغار حتى لو من الميت ,,, والزواج ستره ولا تتاخري لانه بعد كم سنه قناعاتك بتتغير والسن بتقدم وما بتقدري تحصلي على الزواج بعدين ,,, اتوكلي على الله وما ترفضي,,, الله يوفقك بالنسبه للزواج من اخوه انتي مش مضطره لانه ما في اولاد عندك عشان يكون العم اولى باولاد اخوه ,,, ما رح يكون في مقارنه بس ابعدي احسن غيري وجوه واشخاص وعادات بتنسي اسرع

صلي استخارة