ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

شاوري جوزك و شوفي, بس اكيد هو زهقان منكم كمان

بما انو فيه شقه في الاردن ليش متردده ارجعي انتي والاولاد ازا انتي برأيك افضل هيك

ليس لديك مشكلة بما انه دخلكم جيد ومو بحاجة انك تعملي وضيعو الاولاد والزوج .... ظروف العمل في دول الخليج لجميع العاملين هناك مثل ظروفك تماما لكن بعد ان ينهي الازواج عملهم بخرجو لترفية زوجاتهم واولادهم واماكن الترفية كثيرة في الخليج وهذي نعمة لا تخربي حياتك بيدك وعيشي حياتك على طبيعتها
والاهم من كل ذلك انت وزوجك واولادكم مبسوطين ومتفاهمين
فلا تفكري فقط بنفسك وتكوني انانية والزوجه اولا واخيرا ما الها الا بيتها وزوجها واولادها

هو صح الروتين قاتل بس انتي ممكن اتغيري الجو ولكن ازا شايفة انو ترجعي فارجعي ازا شايفتو انسب واذا راضي جوزك

بالنسبة لوضع البلد ممتاز، واسألي أهلك أقرب الناس إلك، وإذا ظروفك بتسمح انك ترجعي وعندك بيت (أهم شي) ارجعي لأنه حرام الأطفال مش ذنبهم، وانت حكيتي (إنطوائيين) يعني حرام يضل هدا الوضع، وإن شالله زوجك ظروفه بتتحسن وبيستقر معك ومع الأولاد.

ما بنصحك ترجعي وتتركي زوجك لوحدة واذا فكرت ترجعي لازم تكون مع كل افراد العائلة

أزا أرجعني أنتي وأولادك زوجك رح يتزوج اختاري

عزيزتي انا مغترب وعندي زوجتي واولادي الاربعه وعندي بيت بالاردن ومع هيك ما بنصح اي انسان انه يعيش بعيد عن زوجته واولاده وخوصوصا بضروف الحياة الحالية وبنفس الوقت الشيطان شاطر وممكن يغري الزوج او الزوجه بعمل المحضور وساعيتها رح يندموا على القرار ورح يلعنوا الغربه

الحل الوحيد تحاولي تعيشي مع زوجك وبخصوص الفراغ وانطوائية الاولاد انا عايش بالسعودية اكثر بلد خليجي متشدد ومع هيك مبسوط انا وزوجتي واولادي والحدائق والمهرجانات ماخذه وقتنا كله

شكرا لكل من كتب النصيحة لي فعلا القرار بحاجة لتفكير و استخاره

يااختي والله الحاله تعبانه خليك جنب زوجك افضل بعدين ما بتعرفي زوجك شو نيته الرجل مو منيح يقعد بدون ست تدير بالها عليه واتلبيله احتياجاته وفهمك كفايه خليك جنبه احسن واخرتها رح ترجعو رح ترجعو اصبري واتحملي

أنصحك بعدم العودة بدون زوجك إلا إذا كانت هناك ظروف قاهرة تستدعي ذلك . أنا مغترب واضطرت عائلتي للعودة إلى الأردن عند كبر الأبناء وأصبحو ا في الجامعات .. وأنا كذلك أحضر إلى الأردن كل شهرين وأحياناً أقل ويحضرون عند في الإجازات ومع ذلك فالحياة غير مريحة ..

انا مثلك محتارة وعايشة بالسعودية بس الفرق انه انا دكتورة في الجامعة و قرفانة وزوجي بشتغل والاولاد زهقو حياة السعودية ..بس بالنهاية لازم اظل مع زوجي لانه الشيطان شاطر علي وعليه

استخيري الله استخيري الله

أنصحك بعدم العودة بدون زوجك مهما كانت الظروف وانتو هيك عيله واحلى شى بالحياه تشوفى عيلتك كل يوم ومين بيئولك انك راح تكونى سعيده بس تبعدى عن زوجك وهلا اولادك بحاجه لاب حنون يكون جنبهم وخاصه اذا كانو كبار ...... هادا من بعد تجربه طبعا وانصحك بعدم التفريق ما بين الاب والاولاد مهما حصل ......

السلام عليكم ورحمة الله وبركاته انصحكي اختي بصبر حتى ياتي الفرج وحاولي ملء وقتكي بالاستغفار وطاعة الله سبحانه وتعالى ونسال الله تعالى لكي الثبات

ما دمتي موظفة وجامعية والبلد عندنا بحاجة الى كل الكفاءات الجامعية مثلك بسب هجرة الخبرات والكفاءات العالية وحاجة سوق العمل عندنا الى كل جامعي او جامعية للعمل هنا في خدمة الوطن بدلا من ان نقوم بإستيراد الخبرات والكفاءات من خارج الوطن ... وعلينا ان نعمل جاهدين لزيادة نسبة الخريجين الجامعين حتى نقوم بتلبية ولو جزء بسيط من حاجة سوق العمل المتزايدة باضطراط

الى تعليق 12 صراحه كلامك بالصميم اما الغربه معا او لا لان ذلك يلحق بالضرر والشيطان شاطر ززز

صار الك 15 سنه وهلا قرفتي وجوزك طيب مو قرفان والمسكين بشتغل وبتعب عشانكو ارجعي بتريحية وبرضو بتخدي راحتك بالاردن ز

نصيحتي لك ان تبقي مع زوجك في غربته...خاصة وان الأطفال معكم....وحاولي ان تشغلي نفسك بامور تعوض عنك الغربة...تستطيعي ان تتعلمي وفقهي نفسك بأمور الدين ...تستطيعي ان تنتسبي لأحدى مراكز تحفيظ القرآن..وحضور المحاضرات الدينية...وبخصوص انطواء اطفالك لا بد ان تبحثي انت وزوجك عن طرق ووسائل حتى تغيروا من طبع اطفالكم....تستطيعي ان تتعرفي على بعض العائلات الملتزمة وتعملي معها علاقات...نسقي مع زوجك بحيث يكون هناك برنامج للخروج وذلك يعتمد على طبيعة عمل زوجك....وإن كان ولا بد ...تعودي لبلدك انت وزوجك انت تعودي لوظيفتك وزوجك يسعلى لإيجاد عمل يناسبه بما ان السكن متوفر لديكم فتكون مشكلتكم سهلة إن شاء الله....الله اسأل ان يفرج همك وينفس كربك ويكتب لك الخير حيثما كان ويرضك به....محب فلا تلوموني