ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

تعتذر " سرايا " عن نشر أي تعليق يحتوي أسماء داخل التعليق أو عناوين أو هواتف أو إيميلات .
كما ونرجو من الإخوة المعلقين احترام جميع المعلقين وعدم انتحال الشخصيات الأخرى وعدم تجريح أصحاب المشكلات المطروحة حفاظاً على الهدف من فتح باب التعليقات.

لاتغصبيها عليه بجوز بنتك اللي تنتحر ...خلص واضح مافي نصيب ..وازا خطيبها من هلا بهدد بالانتحار فهو مش مزبوط ..انسي موضوعه شطب ..خافي على بنتك اهم ..

أختي راحة ابنتك اهم من كل الدنيا أياكي ان تضغطي عليها اذا كانت كارهه لخطيبها

بما انه ما في مبرر مقنع ل بنتك انها تترك خطيبها، فيبدو انها مصابة بالعين او حد عامللها اشي والله اعلم، خديها على شيخ معروف ويعالج فقط وفقط بالقرآن وبالرقية الشرعية، واقرأي انت عليها وخليها تقرأ هي على حالها وتحصن نفسها ، والله يفرجها عليكم ويكتبلها اللي فيه الخير

أنتي خايفه عمشاعر خطيبها ومو خايفه عمشاعر بنتك البنت كارهيتو ولا إكراه في الدين ولا إكراه في الزواج

انصحك ان تتركيها تفعل ما هي تريده لان الحياة التي تبنى على اعدم اقتناع احد الاطراف بالاخر مع اكراه الفتاه على البقاء معه ستكون مليئة بالمشاكل بالمستقبل وستحملكم المسؤولية على ما اجبرتموها عليه صحيح انه لا يوجد حياة بلا منغصات ولكنه تكرهه وسيستمر الكرة الى بعد الزواج وستنشب مشاكل بينهم وقد تودي الى الطلاق عليه ان يتقبل رغبتها بالانفصال ويبحث عن غيرها

اختي الكريمة:

لا غصب على الزواج مطلقا وانتي استخير الله في مقصدك ولعل الله يسخر لكي ولابنتك الافضل وصدقيني ما راح ينتحر ولا يعمل شي اذا عندو دين واخلاق يمكن صدمة بالنسبة اله وربنا بعوضه بغيرها وبتناسى الامور مع الايام؟؟؟

وانتي مش طالع بايدك شيء واجبك كأم فالخيار الاول والاخير لبنتك فاعتقد انه هي حياتها واختيارها وصدقيني لو في نصيب للزواج كان ما بدر منها الرفض اصلا وما في افضل من تخطيط اله وقدر الله ماشاء فعل ؟؟؟.

وادعيله بان ربنا يجبر بخاطره ويعوض عليه وعليها بالخير وهاي حيلتك كأم ولازم هو يقدر موقفك دون الكره او الاغصاب

انا ما بدي اياكي توخذي بكلامي بقدر ما توخذي الفكرة نفسها .. بعرف وحدة عز المعرفة مرت بنفس ظرف بنتك ربنا يعافيها .. لانو هذا ابتلاء بلا شك ... ووالله انها مرحلة صعبة ... المهم كانت البنت ما تطيقو ولا تطيق ريحة عطرو حتى .. بفترة الخطوبة اللي المفروض تكون احلى فترة للمخطوبين ... الا انها كان ييجيها نفس شعور بنتك ... لدرجة انها كانت تطلب منو يباعد فترات الزيارة لعلها تشتاق .. "قال يعني" .. ولو انها عارفة مسبقا انو مافي امل تشتاق ... وهاي كانت عندها قناعة ... بس على اساس بتجرب .. بس بدك تعرفي انو البنت كانت كتيييييييير خلوقة وما عندها اي نوع من اللف والدران حتى ما نحكي والله بجوز بدها واحد تاني ببالها .. وغيرو وغيراتو ... مع انها كانت بالبداية حابة تفرح زي بقية هالبنات .... اللهم انو كان عمرها ما بيتعدى الـ 19 سنة ... في النهاية تزوجت ... وجابت بنت ولساتها حاسة انها مش طايقتو ... الا انها انجبرت من اهلها تظل معو ... لانهم كانوا حاسين انو الوضع مش طبيعي ... وفي نوع من السحر ... واجتهدت البنت واهلها على نفسها بقراءة القران والاذكار .... حتى ربنا شافاها .... وحالها هسا احلى منو مافي .... لدرجة انها صارت تغار عليه علىه .. بعكس قبل بجوز كانت تتمنالو الموت بمرحلة من المراحل.. بس ربنا فرجها عليها كونها لجأتلو ... وربنا ما بخيب اللي بيرجعلو .... حاشاااااااااااااااه جل وعلى ... بس بدي اقلك هالشغلة ... انها البنت ببداية مشكلتها معو ... ما كان عندها الجدية بالعلاج .. او حتى ما تفكر انها ممكن تكون مسحورة ... ورافضة تماما فكرة انها تصير او حتى تظل الو .... لكن لما بلشت بينها وبين نفسها تعترف وتقتنع انو الوضع مش سليم ... واخذت فكرة العلاج بجدية ... ساعتها بس بلشت تشعر بالتحسن .... ولو تشوفيها هسا ما شالله عليها .... ما بتصدقي انها هاي نفسها اللي كانت مجننه اهلها ... وعندها ولدين وبنتين .. الله يتمم عليها بالخير ويبعد عنها العين ...
هاي الايام بيتمنى الواحد ييجي لبنتو شب خلوق .. حتى ما يفلتو من ايدو ... لكن اولا واخيرا انت ادرى ببنتك والموقف اجمالا .. والقرار في النهاية الها والك لانها مسألة عشرة ... مش يوم ولا يومين ... الله يهديكي انت وبنتك ويلهمكم الرشد والصواب ... ولا تنسوا تعزمونا ^_^ .... دعواااااااااااااااااااااتكم

ما دام صاحب خلق ودين بنتك بدها شب فايع خلها تتركه وهو بلاقي بنات الحلال كثير والله بنات اخر زمن

بنتك بتحب واحد تاني و العلم عند الله ... تعرفت عليه جديد بعد ما خطبت او بتعرفه من زمان

الف عين تبكي ولا عين بنتي تبكي والي حكو ان البنت بدها شب فايع ولا البنت بتحب واحد ثاني حرام كل ما في الامر البنت حاولت انها تحبه ما قدرت والزواج أزا ما كان مبني على حب قوي ينهار من اول عاصفه وعواصف الزواج كثيره أقوى من أليكسا بدها قلب شجاع

الزواج قناعة ورضا وما دام ابنتك رافضته وما دام تفكيره ضحل الى هذه الدرجة وبهدد بالانتحار فانا رايي تخلص منه وتنهي الخطوبة

لا تغصبيها علا الزواج اذا هي حاطه في راسها تتركه رح تتركه وحتى ولو اجبرتوها واتزوجت خليها تترك وهي خاطبه افضل هاي حياتها خليها هي تخترها

بنتك بتحب مبينه بدها الي يضحك عليها

ردي على مشكلتك...الله اسأل ان يكتب الخير لابنتك حيثما كان ويرضها به...تقولي في رسالتك ان خطيبها ملتزم وخلوق...وبنفس الوقت تقولي انه سينتحر إذا تركته...اي التزام هذا الذي هو عليه...انصحك اخيتي بالجلوس مع ابنتك ومناقشة الموضوع معها بكل صراحة وبكل شفافية...حتى لو قلت لها هل هناك انسان اخر بحياتك...اهم شيء ان تشعر البنت انك ستقفين معها وان كل هدفك هو ان تكون ابنتك مرتاحة ومبسوطة بخطبتها وبزواجها...كما وانصحك ان تذكري ابنتك بأن الشيطان في مرحلة الخطوبة يزيد وساوسه للخاطبين..لأن هدف الشيطان الرئيسي هو عدم اتمام اي زواج وإن تم يسعى لإفساده....ونصيحة اخيرة انظري للتزام خطيب ابنتك وتأكدي من اخلاقة ومن دينه....ولا تنسي ان تدعي ابنتك تستخير وتستخير وتستخير...الله اسأل ان يصرف عنك وعن ابنتك السوء والفحشاء وان يرزق ابنتك الزوج الذي إن احبها اكرمها وإن كرهها لا يظلمها....محب فلا تلوموني

بنتك بتحب راقبيها وراقبي تلفونها ...........في شخص بحكيلها تفسخ الخطبة عشان يخطبها هو ((كلامي 100% ان شاء الله))
صارت معع اختي نفس القصة بالزبط واكتشفنا انو في واحد بضحك عليها وبحكيلها تفسخ الخطبة ........وبعدناه عنها ومشت الامور الحمد لله......

الحل سهل
دوري ورا بنتك مين الشخص التاني اللي بحياتها غير خطيبها لانه هو اكيد سبب طلبها بتركه
وراح تنحل باذن الله

خلها تتركه أفضل ما تسود عيشتها وعيشته وعيشتك كمان وتحملك المسؤولية

صلي استخارة

حاولتي تفهمي السبب الصحيح انه بنتك ليش به تتركه ممكن بتحب او بنات بلعبوا براسها وهاي كثيره افهمي بعدين حلي الموضوع عشان يكون حل جذري مش بس تقنعيها وبعد الزواج تخرب الامور

تصلى صلاة استخارة ودائما تقرا يس وتقول اللهم الهمنى الخير فى امرى