ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

يا اخوي البنت توجهي بتحكيلي الله يعينها الله عينها على توجهي وعلى خطيبها كمان يا اخوي بعد التوجهي ضلك علم فيها شو ما بدك بس هي عندها ضغط نفسي الله يعينها وبعدين بتحكيلي توجهي يعني عمرها 17 سنه لازم تكون انت الاب والاخ والصديق وكل شي البنت الان بتفكر كيف تخلص توجهي وانت بتحكيلها عن مستقبل شوف على النت في مجال علم النفس كيف تفكير البنات في سن معين وانت لازم تكيف حالك مع تفكيرها لحد ما تخلص لانه انت ضلك ابعثلها اشياء وحاضرات دينيه واذا رسبت بتوجهي بتحط الحق عليها انت المفروض لما تروح عليها تخفف عليها تسمعلها الكتب تشيل هل الهم يلي هو توجهي عنها وسلامتك

زي ما بتحكي انها لسة طالبة اكيد رح يكون تفكيرها لسة مو ناضج والتغيير بده وقت مو كن فيكون.الالتزام في الدين يحتاج الى جلوس وتفيكر عميق والى قناعة (لا اكراه في الدين) . لا تبني حكمك عليها بسرعة اعطيها وقت .بس شكلك من الناس اللي بتحب تفرض رأيك باجبار الطرف الاخر وهاد الشي بخلي الناس تنفر منك .مادامك بفترة الخطبة زي ما بتحكي حببها فيك مو تنفرها منك ومع الزمن ما بيصير غير اللي ربك رايده

يزلمه الرسول قال بالرفق واللين وهاي بنت صغيره وكلشي بالتدريج بس انتو المتشددين فاهمين الدين غلط..الدين مو بالكتب والمحاضرات الدين بالقلب يا شيخ ..ولو قرأت الكتب يمكن ما يتغير شعورها ولا يزيد ايمانها بس لما تتزوجوا لا تخليها تصلي او تصوم بلغصب لانه اذا غصبتها يمكن تسوي هلاشي قدامك وتبين انها راضيه ووراك تتركه اما لما يكون برضاها وبنصيحه لطيفة بتتغير الامور

bro,
i faced the same problem you are facing 2 years ago, u need to keep balance between being soft and hard, and she will learn with time, and when she is in your house its all different
now just make sure that she don't talk about your problems to anyone espicially her family o twakl 3la allah!
sorry i don't have arabic in my office

والله يا حبيبي وضعك صعب البنت لسا صغيره وبتعرفش مصاعب الحياه اللي بعمرها بضلهم يسمعو اغاني ويفرفشو انا مش عارف شو بدي انصحك احكي مع اهلها وشوف شو بصير

اخي الكريم::ردي على مشكلتك في عدة محاور....المحور الأول مشكلتك وحلها....المحور الثاني:نصيحتي إليك المحور الثالث:من القلب إلى القلب....المحور الأول :مشكلتك وحلها...إن من الأمور المعلومة ما يلقيه الشيطان من الخواطر والوساوس والشكوك حتى يفرق بين المرء وزوجه كما جاء في الحديث ان رَسُولُ اللَّهِ صَلَّى اللَّهُ عَلَيْهِ وَسَلَّمَ قال إِنَّ إِبْلِيسَ يَضَعُ عَرْشَهُ عَلَى الْمَاءِ ثُمَّ يَبْعَثُ سَرَايَاهُ فَأَدْنَاهُمْ مِنْهُ مَنْزِلَةً أَعْظَمُهُمْ فِتْنَةً يَجِيءُ أَحَدُهُمْ فَيَقُولُ فَعَلْتُ كَذَا وَكَذَا فَيَقُولُ مَا صَنَعْتَ شَيْئًا قَالَ ثُمَّ يَجِيءُ أَحَدُهُمْ فَيَقُولُ مَا تَرَكْتُهُ حَتَّى فَرَّقْتُ بَيْنَهُ وَبَيْنَ امْرَأَتِهِ قَالَ فَيُدْنِيهِ مِنْهُ وَيَقُولُ نِعْمَ أَنْتَ قَالَ الْأَعْمَشُ أُرَاهُ قَالَ فَيَلْتَزِمُهُ "وأنت بمجرد عقدك على هذه المرأة ، صرت زوجاً لها ، ولا ينبغي للإنسان أن يحل عقد الزوجية لمجرد الشكوك ، بل لا يكون ذلك إلا لأمر يقيني ، متأكد .ولا تعجب من عدم الوئام التام المطلوب ، فهذا أمر طبيعي ، لا سيما وأنك بعدُ لم تدخل بها ، ولا تدري لعلك إن تركتها أن لا تجد مثلها ، ولعلك إن كرهت منها اليوم خلقاً ، أن ترضى منها أخلاقاً أخر .فأخشى ما نخشاه عليك أن تكون في حال رهبة وخوف من الارتباط المقبل مما يجعلك تستحضر في ذهنك الجوانب السلبية وتنسى الجوانب الحسنة الإيجابية ، فلذلك جاء في الحديث قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا يَفْرَكْ مُؤْمِنٌ مُؤْمِنَةً إِنْ كَرِهَ مِنْهَا خُلُقًا رَضِيَ مِنْهَا آخَرَ" ونذكرك أن تمام الوئام المطلوب إنما يكون بعد الزواج فتجد أن المرأة إن سكنت بيت زوجها ووصلها خيره ، فإنها تنقاد معه أيسر مما كانت قبلُ ، وهذا أمر مجرب محسوس . فلذلك لا ينصح بتطويل مدة العقد ، وينصح بالإسراع والتعجيل بالزواج ، حتى لا تزيد المشاكل وتتكاثر .والمرء تشتد همته لما منع منه ، ويشرئب قلبه له ، حتى يسيطر عليه الهم والغم ، فإن هو ظفر بما أراد ، ندّمته نفسه ، وضعفت همته ، وبدأ ينظر بالعين الأخرى ، حتى إن كثيرا منهم - بعد نيل المراد - يشتكي من ذلك ، حتى يبدأ بالوسواس : لعله سحر ، أو عين ، أو مس....قال الإمام ابن القيم في "الجواب الكافيفإن كثيرا من الناس يزيد رغبته في المرأة إباؤها وامتناعها لما يجد في نفسه من ذل الخضوع والسؤال لها ، وكثير من الناس يزيده الإباء والامتناع زيادة حب كما قال الشاعر :وزادني كلفاً في الحب أن منعت ... أحب شيء إلى الإنسان ما منعَ " واما قولك(وكنت اريد منها ان تتعلم امور الدين فكل ما بعثت لها محاضرات وكتب اجدها لا تسمعها)، ثم محاسبتك لها على التفريط في ذلك ، بل وقسوتك عليها من أجل هذا !! فهذا أمر عجيب جدا ، لا سيما وأنها ما زالت في بيت أبيها ، وما زالت في طور الدراسة الثانوية ، صغيرة السن ، … إلى آخره من المبررات الواضحة العذر .فأنت تطالبها بالفضل وتعتب عليها فيه ! وقد كان الأولى بك في هذه المرحلة ، المطالبة بالعدل ، من غير عتب .فانصحك أن تبقي على خطيبتك ، ولا تتعجل في حل ما بينكما ، بل على العكس ، أغلق أبواب الوساوس والفرقة ، وعجل بإتمام زواجك ، ولعل الله أن يقر عينك بها ، لا سيما وهي لك محبة ، وفيك راغبة......المحور الثاني:نصيحتي إليك:1..اصبر على خطيبتك وراعي ظروفها فما زالت صغيرة....2.استغل حب خطيبتك لك بمناقشة الأمور التي ترغب ان تغيرها فيها وذلك بعد اقتناص الظرف المناسب...3...ركز على الأمور الرئيسية لطرحها على خطيبتك (اساسيات الحياة الزوجية )ودع امر تعليمها امور الدين وسماعها للمحاضرات وقراءة الكتب الدينية لفترة ما بعد الدراسة وحتى بعد زواجك...4.انصحك باستماع محاضرة بعنوان فهم النفسيات بين الزوجين..فهي محاضرة رائعة تساعدك على فهم نفسية خطيبتك....كما وانصحك بالدخول لموقع الشيخ جاسم المطوع ففيه من المحاضرات والمقالات ما تساعدك على تخطي خطبتك ودخولك الزواج بنجاح...انصحك اخي بقراءة مقالة بعنوان الشيطان والزواج...5.تصرف مع خطيبتك التصرف الذي يناسب سنها ..وعاملها كما تحب ان تعامل اي فتاة مخطوبة من تقديم الهدايا لها وارسال الرسائل الغرامية لها...واسأل دائما عن دراستها وبين لها انها مرحلة وتعدي 6. .انصحك أن تستشير – من أهل التقى والعلم والحكمة – من يدرك بيئتك التي أنت فيها ومالها من تداخلات وتشعبات ، وعليك بالتوكل على الله والدعاء والإلحاح على الله ، والاستغفار في الأسحار ...حتى يصرف عنك الله الشيطان ووساوسه....المحور الثالث:من القلب إلى القلب...الله اسأل ان يصرف عنك الشيطان ووساوسه وان يزرع حب خطيبتك في قلبك ويزرع حبك في قلبها وان يجملها في نظرك ويجملك في نظرها...وينزل عليكما رحمة من عنده تسعدوا فيها ولا تشقوا بعدها ابدا....اللهم اجعل خطيبته كما يحب ويرضى...اللهم فقها في الدين وعلمها ما تجهله...اللهم ارزقها النجاح في الدنيا والآخرة....واسأل الله ان يفرج همك وينفس كربك ولا يدع لك حاجة من حوائج الدنيا والآخرة إلا قضاها لك....محب فلا تلوموني.

خف عليها شوي مش هيك الي بدو يعلم ويرشد انا مش ضد الي بتعمله بس راعي فرق سن الي بينك وبينها تذكر حالك وانته بسنها كيف كنت عايش وكيف كان تفكيرك .

بعدين كل شي بلكلمة طيبة بمشي حاله بتمنالك توفيق

يا رجل بنت اليوم الي عمرها 18 مو مثل بنت زمان يعني بعدها طفله وتفكيرها غير ناضج بدك تطول بالك عليها وخلي هاي الشغلات بس تخلص توجيهي . ما بكفي التوجيهي لحالو؟ اي اتقي الله فيها. شو انتا متجوز ماكينه

يا اخي كان أخذتلك وحده دارسه شريعه وخلصت من هالشغله كلها والله الدين معروف صلاه صوم مخافة الله وبس من غير لا تسجيلات ولا اشرطه

اخي العزيز
الجواب لما انت فيه سهل فالاسلام حث على التكافؤ بين الزوجين لان الله خلقنا و هو اعلم منا بانفسنا....انصحك بنصحها و اطلاعها على ما يدور بخاطرك وبناءا على ردة فعلها يكون التصرف...... و لكن ما يبنى على خطا يبقى خطا....اسال الله لك التوفيق و استعن بالاستخارة

اخي الكريم الغلط عليك انت بدك وحدة مثقفه ومتدينه مو بنت لسا طالبة توجيهي ليش من الاول ما اخذت وحدة تكون ب مستواك التعليمي طبعا كل شي قسمه ونصيب بس البنت ما عليها حق لما ما تقرا الكتب ولا تسمع للتسجيلات الي انت تجيبلها اياهم لانو دراستها اكيد اهم من الكتب وهي بده تدرس حتى انها تتتمكن من انها توصل لمستواك الي انت تحكي عنو

أخي العزيز، خطيبتك زي ما انت بتحكي بالثانوية يعني لسه صغيرة، ومهما توقعت منها نضج في التفكير، رح يكون عندها مشكلة في اتخاذ القرارات، والزواج قرار مصيري بالنسبة الك والها، وانت بتحكي انه في خلافات كتير بينكم، وبطلت تحسها زي ما انت بدك، وانتوا لسه عالبر، فإذا من الآن بطلت تحس بميول تجاهها، وانتوا لسه بفترة الخطوبة يعني المفروض تكونوا كتير مبسوطين مع بعض ومش مصدقين متى تتزوجوا، بنصحك انك تستخير ربنا بالانفصال بطريقة دبلوماسية بحيث انك ما تجرحها، لانه حسيت سبب الخلاف جوهري بالنسبة الك، يعني من الأساسيات بشريكة حياتك، فاختصر على حالك وعليها بدل ما تقضوا حياتكم بنكد ومشاكل لا سمح الله، وتندم فيما بعد انك كملت معها وانت كنت حاسس انها مش البنت اللي بتمناها.
ونصيحة بناء على تجربتي الشخصية لا ترتبط ببنت عمرها أقل من 18 لأنه مهما كانت واعية رح تتغير طريقة تفكيرها ونظرتها للأمور ورح تصير أوعى بعد كم سنة وتختلف عندها كتير من المقاييس، والبنت على مقاعد الدراسة (المدرسة) بتكون كتير عاطفية وقراراتها عالأغلب من قلبها والعقل دوره شبه معدوم.

والله يختارلكم الأفضل :)

انت اخترتها وانت تعلم حجم البون بينكما فاصبر عليها وحببها في الدين ممن خلال تعاملك معها ورفقا بالقوارير فما اكرمهن الا كريم وما اهانهن الا لئيم

المهم انها تكون بنت حلال وصالحة

مش مهم انها تكون طالبة علم شرعي

الصحابة نفسهم ما كانوا كلهم علماء بس كلهم كانوا صالحين

ولو بدك طالبة علم شرعي كان من البداية لازم تاخدها طالبة علم اما الان وقد كتبت كتابك فمن غير اللائق انك تطلق بدون خطا حقيقي من البنت

والله يختار الخير للجميع

هلا انت اصبر عليها لحتى تخلص توجيهي بعدين احكيلها انت كيف بدك اياها تكون معك وما بتوقع انها راح تزعل لانها راح تتفهم موضوعك لانو كل شب بدو يخطب بدو تكون البنت مثل ما بدو وعلى زوقو ا *
والله يوفقكم ويديم المحبة والرحمه بيناتكم

لا إكراه في الدين مش هيك تعلمها او تثقفها بالدين
بعدين لاتنسى عمرها
اكيد لسة ماوصلت لمرحلة تكون بنفس مستوى تفكيرك

أعتقها لوجه الله تعالى

يااخي خطيبتك لسه صغيره وهي كمان تانويه يعني هي بدها تدرس صحيح يعني ما بتقدر تطلع لمواضيع تانيه المهم كتبها الله يعينها انت هدي حالك وطول خطوبتك اذا شفت انه انتو مو قادرين فتفسخو بالخطبه افضل اذا ضل الوضع والفروقات صعبه طلاق بعد الزواج صعب الك وللبنت وخصوصي الها ادرس وضعك منيح واستخير والله يهديك للخير

يعني خاطب بنت لسه طفلة حرام ﻻ مشاعرها وﻻ احاسيسها واضحة افرض بدها تكمل جامعة بعد التوجيهي هل رح توافق او رح تمنعها ويمكن هي بس تكمل تعليمها تشعر انك مش اﻻنسان المناسب الها

يعني انت من كل عقلك عم تحكي يزم البنت صغيره ... كل عمره 17 يعني عباره عن طفله لسى بتلعب اي بيت و اي مسؤليه عم تحكي انت ...... انداري عنك... بس تصرفك مو صحيح انك تخطب بنت لسى بسن المراهقه .....

و اخطب بنت قريبه من عمرك ... مو بنت من جيل اختك ... يزم والله حرررام عليك ...



فكر بالمستقبل اي بيت و عائله من طفله رح يتكون ..!!!!!

عفوا يعني انت بدك نصيحة بكلمه طيبه بتمنى انك تتعامل معها بكلمه طيبه بتخليها تبكي ليش يمكن البنت مضغوطه من الدراسه اصلا لساتها مراهقه وصغيره لا تثقل عليها حرام ولا تتركها لانها مش مناسبه لتفكيرك مش مشكلتها هاي انت خطبت بنت صغيره اتحملها لتكبر وتوعى اكتر لا تعاقبها على شي انت غلطت فيه

اعطيها فرصه ودعو الى سبيل ربك باحكمه والموعظة الحسنه

اعطيها فرصة وفهمها موفقك من ناحيتها وان شاء الله تكون زي مابدك الله يوفقك معها ويستر على كل البنات ويعطيهم الازواج الصالحة ويبعث للشباب البنات الصالحات ويبعثلنا كل خير بالدنيا يارب

اصبر عليها بعدها صغيرة ومش عارفة مصلحتها فإذا بتحبها ظلك معها واصبر

رايح تخطب طفلة و حاي تقولي شو اعمل !!! طفله يا ناس طفلة ! لابسه مريول مدرسه و بدها تنط و تلعب قال فقه و تشريع !

اصبر عليها واحكي معها على مراحل وان شالله امورك بتسير احسن

اصبر

يازلمه اتقي الله بألبنت .لسه كل الاخوان بحكولك لساتها طفله

اولا : البنت صغيرة ........تانيا :صل استخارة تفسخ الخطوبة ولا لأ ...........