أهل زوجي يريدون أن أعيش معهم

13-03-2014 09:13 AM

تعديل حجم الخط:

سرايا - سرايا - أنا متزوجة من سنة تقريبا و عندي بيبي .. المشكلة في أهل زوجي .

هو عنده أخ واحد ولكنه مصاب بالتخلف العقلي.. "يعني هو شاب و لكن عقله عقل مراهق "
أهل زوجي بدهم أقعد معهم في بيتهم على طول - حتى لو في غياب زوجي و غيابهم - عشان أونس ابنهم المريض وأهتم به ، مع العلم إنه بيقدر ينزل يشتري أكل و شرب لنفسه .. وأحيانا بحس تصرفاته كأي رجل عادي سليم ..

انا حاسة إنه الموضوع هيك حرام !!

و المشكلة إنهم زعلوا لما عرفوا رأيي .. و على فكرة انا وزوجي إلنا شقة بس هم ما بدهم أعيش بعيد
و زعلانين مني جدا ..و كان عندهم أمل إني أعتبره أخوي ..وأنا والله بعتبره أخوي فعلا .. بس ما بدي اتخطى حدود الدين .

و البديل هو إن أهل زوجي ( و بالتالي زوجي ) رح يقلبوا علي ..

شو الحل برأيكم؟؟

طباعة

المشاهدات: 45602


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	13-03-2014 09:13 AM سرايا
2 -	يعني لا اعتراض بس هو أنتي ًمتأكده بس اخ واحد الي عنده تخلف عقلي بالعيله ولماذا أنتي الي تونسي اخوه ما تقعد العيله كلها بلعبو صلح مع بعض طبعا لا ترضي يا عمري اي أنتي يا دوب تونسي جوزك هههههه	13-03-2014 09:20 AM هبله وافتخر التبليغ عن إساءة
3 -	be careful, dont accept! you may fall in haram!	13-03-2014 10:54 AM 11yazan التبليغ عن إساءة
4 -	أنا متفق تماما مع التعليق الأول ... يا أختي إرضاء الناس غاية لا تدرك .. واذا زوجك واحد من هالناس اللي ما عندو استيعاب ولا كرامة ولا حتى غيرة على زوجته فالله الغني عن هيك زوج (مع اني شايف في نوع من المبالغة بالموضوع)، بس أقلك شغله .. الموضوع بإيد زوجك ، حاولي تقنعيه بالعقل والله الموفق.	13-03-2014 12:58 PM 100 flower التبليغ عن إساءة
5 -	اقلبي عليهم ... بس بالعقل	13-03-2014 02:11 PM amr التبليغ عن إساءة
6 -	بدهم ياكي تكون خدامة في البيت الهم و ممرضه للاخوه و زوجة لابنهم التاني .. اياكي توافقي ولا بتروح عليكي يا مسخمة	13-03-2014 02:16 PM Joud التبليغ عن إساءة
7 -	هاي مش عيشه	13-03-2014 03:40 PM سلمى التبليغ عن إساءة
8 -	لأ وألف لأ... مهما كان وحتى لو كان هناك سبب أقوى ... مثلا حتى لو كان المريض بنت مش شب, برضه لأ, طالما ما بدك معناتو لأ, عزيزتي انت عندك كيان وصاحبة قرار على نفسك في أمور حياتية مثل هاي, الزواج ليس شراء جواري, الزواج عقد بين اثنين حقوقهم وواجباتهم خمسين خمسين... لا تهيني إنسانيتك... تذكري دائما إنك خليفة الله على الأرض.	13-03-2014 03:46 PM Jamal التبليغ عن إساءة
9 -	هاي انا من الجزائر مافي الي ترحيب حااااااار	13-03-2014 04:54 PM ملاك الجزائر التبليغ عن إساءة
10 -	تقعدي عندهم علشان نتونسي الشاب في اي عصرر انتم عايشين يا بنت الناس عيشي ببيتك ويقلبوا زي ما بدهم وريحي راسك من وجع الدماغ	13-03-2014 05:35 PM ورد الحمزات التبليغ عن إساءة
11 -	يعني الخطا كله في زوجك اذا فعلا عقله وتفكيره متل المراهق ما لازم يخليكي لحالك معه اولا حرام يعني خلوه تانيا انت عندك بيبي بدك تدري بالك عليه مو فاضيه عندك بيت وبيبي والبيبيات جايين كمان علا الطريق انك لاتردي علا الحكي انت امتى ما بدك تروحي عليهم روحي وامتا ما بتقدري لا تروحي في بيت وطفل والمفروض انهم ما يزعلو لانو هاي حياتك	13-03-2014 11:01 PM امير التبليغ عن إساءة
12 -	اهلا وسهلا	13-03-2014 11:08 PM الى تعليق رقم ٨ التبليغ عن إساءة
13 -	يعني انا مش عارفه كيف بفكروا هدول الناس حرام البييي ا!! اذا عقله هيك يا رب تسامحني ممكن ياذيها و انت حايكون عينك عليه و لا عالبيبي عشان ما يساويلها شي! اوعك تطلعي من بيتك اللي بيطلع من داره بيتقل مقداره !	14-03-2014 03:57 PM zozo التبليغ عن إساءة
14 -	لا ما تقبلي ابدا ..انتي مش مهرج.مش بهلوان .....ولا عاملة سيرك..انتي زوجة الك كيانك الخاص.الكريم ..المحترم ..مشكلتهم تنحل.. ماشي الحال بس مو على حساب حياتك الخاصة ..على هالحكي لو ضليتي ببيت اهلك وما تزوجتي كان احسن ...	15-03-2014 07:12 AM SAFEERA التبليغ عن إساءة
15 -	ردي على مشكلتك...بداية اثمن لك حرصك على دينك وعلى بيتك ...ومجرد طرحك للمشكلة يدل على حبك لبيتك ولزوجك ..اخيتي....تستطيعي ان تتصلي على دار الإفتاء التابعة لمنطقتك...او دائرة افتاء عمان وتبيني لهم المشكلة وحالة اخ زوجك...عندها تعرفي رأي الدين في مثل هذه الظروف...ومن الفتوى تناقشي الموضوع مع زوجك وأهله....كما وانصحك بقراءة كتاب بعنوان حماتي ازمة في حياتي كتاب رائع يبين لك كيفية التعامل مع اهل الزوج ...وكيف تكسبين زوجك عن طريق اهله....الله اسأل ان يفرج همك وييسر امر ويكتب لك الخير حيثما كان ويرضك به اللهم انزل عليها وعلى زوجها رحمة تسعد فيها ولا تشقى بعدها ابدا...محب فلا تلوموني	15-03-2014 11:25 AM محب فلا تلوموني التبليغ عن إساءة
16 -	اوصيك بان تكوني مع زوجك دائما	16-03-2014 04:26 AM 333333333 التبليغ عن إساءة