سرايا - سرايا - السلام عليكم.. أنا عمري 25 سنة، متزوجة من خمس شهور زواج تقليدي؛ بس حبيت زوجي وهو حبني. وهلأ أنا حامل في الشهر الرابع وهو سافر للخارج للعمل.
دايماً بيزعل من أمور بسيطة، حتى في الخطوبة؛ بس كنت بتحمّل وبصالحه، بس هلأ ما بتحمل لأني حامل وهو بعيد، ونفسيتي مش زي الأول.

هو ما بيتعامل منيح مع أهلي لأنه حصل خلاف معين وقت الخطوبة؛ وهو ما بينسى وكل شوية يجيب اللي فات ويزعل..
أنا ما بحب هيك وبقول له خلص إحنا هلأ تزوجنا وتصالحنا مع الجميع ، مع العلم إني هلأ عند أهلي لأني حامل وتعبانة، وهو طبعاً مسافر وانا دائما بزور والدته..
أنا بحب أعمل الصح واللي يرضي ربنا وبحكي معها كل يوم أو يوم بعد يوم، وأخته لما أروح من الشغل بمرّ عليها لأنها جنبي وأنا مش مقصرة معاهم.. لكن هم ما بيسألوا عني مع إنهم عارفين حملي متعب لكن ما حد إجا ولا زارني.

وهو ما اتصل علي عند اهلي ولا مرة ، وطبعاً انا متضايقة؛ بس مش قادرة أطلب منه إنه يتصل عليهم، وما عم بحكي شي قدام أهلي.
هو صحيح حنون بس عصبي و بيقلب من أقل شيء ؛ مع العلم إنه ماما اللي كان زعلان منها وقت الخطوبة اعتذرت له لما حست إنه زعل من كلامها وباست راسه .

معلش أنا طوّلت ولخبطت كتير؛ بس جواي أشياء كتير ونفسي أرتاح و حياتي تستمر وإنه جوزي يعامل أهلي زي معاملتي لأهله، ولو حتى ربعها، ويا ريت تردوا عليّ.. وشكراااااا لكم