أراها كل يوم .. ولا أقدر أن أكلمها !!

06-12-2013 12:21 PM

تعديل حجم الخط:

سرايا - سرايا - انا شاب عمري 24 سنة لي اخ يكبرني باربع سنوات .. ولي ابنة عم احبها جدا ولكن نحن نعيش بعائلة النظام عندهم ان تزوج الاخ الاكبر اولا وان نسكن جميعا بنفس البيت الكبير جدا بيت العائلة وكل عيلة بجناح خاص ( غرفة وحمام ) والكل يشترك بالصالون والصالة والمطبخ والماكل وكل شئ ..

المهم اخبرت اهلي برغبتي بالزواج علما ان اخي الاكبر لم يمانع وقال لهم عادي لكن اهلي متزمتين .. وقالوا الا اخوك الكبير اول ..

المهم.. في يوم جاءت امي فرحة وتزف لاخي انها وجدت العروس المناسبة له ..وكانت الطامة الكبرى انها ابنة عمي التي احبها .. وعندما اخبرت امي بالامر قالت : " بلا حكي فاضي بكره بجوزك اللي بلاقيها مناسبة الك بلا حب بلا هبل "..

وحكيت لاخوي اني بحبها وحكى : "شو اعمل انا ؟؟ انا ما بدي اتجوز اصلا بس انت عارف اهلك وقوانينهم "..
وفعلا صار العرس وتجوزها وصرت اشوفها كل لحظة بالبيت بكل مكان ..

نفسيتي تعبت كتير وهي كمان وخايفين نوقع بالغلط وما كان قدامي غير اني اطلب نقل عملي إلى جامعة أخرى بمحافظة تانية بسكن بعيد عن أهلي ومع هيك اهلي رفضوا الامر ..
شو اعمل انا هلا قلبي يعتصر اني بشوف حبيبتي كل لحظة وما بقدر احكي معها وصارت لغيري .. وهي كمان بس تشوفني بتهرب بس لمتى ممكن نتحمل ؟؟؟
ارجوكم افيدوني ..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 50331


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	06-12-2013 12:21 PM سرايا
2 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	06-12-2013 12:23 PM سرايا التبليغ عن إساءة
3 -	سامحني بهالكلمه عيب وحرام حرام حرام ما بصير شو عم تحكي انت	06-12-2013 01:34 PM مجنونه بس بفهم التبليغ عن إساءة
4 -	ما بني على غلط فهو غلط وما دام صار اللي صار احترم زواجهما لانه عرضك وشرفك فلا تلوثه واسرع في الزواج من اخرى ويجب ان تنسى زوجة اخيك ابنة عمك حبك السابق والذي اصبح من الماضي	06-12-2013 01:38 PM ورد الحمزات التبليغ عن إساءة
5 -	هاي مشاكل كلها كزب؟ بعدين صرت انا يا واحده مخرب الدنيا روحي شوفي الفساد يلي موجود في الحياه هي وقفت علي ؟؟ ارجو النشر يا مشرف الموقع امانه	06-12-2013 01:49 PM واحد الى مشرف الموقع التبليغ عن إساءة
6 -	اتجوز بسرعه لان اذا بضلو انت وياها هيك انا متاكد رح توقعو بالغلط	06-12-2013 02:10 PM العشق الممنوع التبليغ عن إساءة
7 -	السلام عليكم انا احترم تعليق الاخوه مجنونه بس بفهم وهي فعلا تفهم وورد الحمزات صديقي هي الان زوجه اخوك ولازم نعنبرها اختك وتحبها كانها اختك هي شرفك وعرضك ولازم تخاف عليها وانا انصحك اذا وسوسلك الشيطان الزم ذكر الله والاستغفار لاتخلي الشيطان يسيطر على عقلك حط مخافه الله بين عيونك	06-12-2013 03:36 PM حمزه التبليغ عن إساءة
8 -	الحمو الموت. اتزوج بسرعه لحتا تندمج بحياه جديده	06-12-2013 04:21 PM سمو الورد التبليغ عن إساءة
9 -	وانا برضو بحترم شبابنا الي بحطو مخافة ربنا بين عيونهم و كتيييييير بزعل وانا عم اسمع مشاكل متل هيك عم تصير ببلدي الحبيب الي هو مثال للشرف والنقاء والعادات الطيبه الي ما في بلد بالعالم مهما اطورت وتقدمت بضاهي الاردن بالشهامه والشرف ما بتحس بعضمة شعبنا الا لما تتغرب اه والله صدقا ربنا يحمي الاردن من كل مكروه تحياتي	06-12-2013 05:01 PM مجنونه بس بفهم الى حمزه التبليغ عن إساءة
10 -	جمعة مباركة ... عنجد انا بعتزر منك عشان انا سبب في جرحك من الكلام من الأخوة المعلقين... عنجد بتاسف منك من الجميع هون من مشرف الموقع كمان ... انتي كمان شخصية حلووة وجزابه ودمك عسل كمان ومتواضعه كتير والله ... على كلن بتمنالك التوفيق والهنا والفرح في حياتك يلا سلام يا بنت الحلال واسف كمان مره تحياتي الك ارجو النشر وشكرا يا مشرف موقع	06-12-2013 05:21 PM واحد الى مجنونه بس بفهم التبليغ عن إساءة
11 -	انت كل شئ بتحطو على اهلك والظروف ؟؟يا اخي هاي حجج ...اطلع من البيت وسيبك من الهبل انو عادات اهلك ....مبين انك لسى ماصرت رجال ناضج كل شئ اهلي اهلي رفضو ...ارحمنا ....يعني لما يصير غلط اهلك شو راح يعملو فيك ؟؟؟انت بتشتغل مش زغير تتحجج باهلك .....هلا البنات يادوب اهلهم يحكموهم ....اتركك من قصص مغصوبه يافلان ..	06-12-2013 07:29 PM nadeeeen التبليغ عن إساءة
12 -	انا مقدر انك بتحبها بس هيك الحياه وما بصير تظل تفكر فيها كحبيبه حرام روح دور عحب جديد والله لا تنسيك ابو ابوها	06-12-2013 08:17 PM تيماء عبويني التبليغ عن إساءة
13 -	لعلينا وعليك ولش بتعتزر ؟؟ شو صار؟؟؟ حصل خير كتير عادي الي صار ضحكنا ونكتنا وغيرنا جو شوي مع اني ما بعرفك ولا بتعرفني والاخت معاها حق لان لازم نعطي مجال للناس تطرح ارائها في المشكله صدق بنبش الاخبار تنبيش من الزهق هون وبقرا كل حرف بنكتب وكل مشكله طبعا يمكن في مشاكل صعب تتصدق بس كل شي بالحياه بصيرش عرايك هههه وهاد ما بمنع انك تتصور وانت نازل الدرج وازا ما بتقدر وانت طالع الدرج ههههه وشكراا	06-12-2013 08:41 PM مجنونه بس بفهم الى واحد التبليغ عن إساءة
14 -	لك شكري واحترامي يا سيد حمزة ورعاك الله	06-12-2013 10:51 PM ورد الحمزات الى حمزة التبليغ عن إساءة
15 -	حاسس حالي بفلم هندي	08-12-2013 02:39 PM نسرو التبليغ عن إساءة