سرايا - سرايا - انا فتاه عمري 24 سنه طلعت على هالدنيا وانا شايفة مشاكل والدي والدتي وكل ماتزعل والدتي تروح لعند بيت جدي وكنت بس انا معها ﻻني كنت قريبه من امي وبيت جدي اكتر من عيله والدي ما كانوا يحبوني ﻻنه كانوا بدهم البكر للعيله يكون شاب مش فتاه..

وفي يوم امي حملت وجابت اخوي وبعدين اختي وبعدين اخوي التاني وصرنا اربعه اطفال وبعد ما كبرنا ووعينا عالدنيا امي انفصلت عن والدي وظلينا محاكم وصراخ ومشاكل وين ما نروح ننطرد من البيوت اللي بنروح عليها

وبعدين امي لجات لحمايه اﻻسره مشان تاخد أطفالها لصالحها وهون ربنا وقف معنا قرر رجال بيساعدنا انه يتزوج من امي مشان يحمينا للعلم هو غير متزوج وتزوجها وعشنا معاهم وامي حملت وجابت اغلى واحد بالعيله غالي علينا كتيرر وظلينا عايشين والحمدالله حتى اجت الصاعقه الكبرى .....

انا طول حياتي ما كنت قريبه من والدي ما احكي معاه بالاشهر ﻻنو كنت متضايقه منه وين ما نروح بيلحقنا..

وبيوم شفت والدي وكان تعبان كتير وصافن فيّ وبده يحكيلي شي بس مش عارفه شو هو او بالاحرى ما كان قادر يحكي وروحت على البيت وحكيت ﻻخواني شفت ابوي شكله تعبان ..

بيني وبينكو ما صدقته بس شفته وراح اخوي وشافه ورجع ببكي وبيحكي والدي مش متذكرنا وﻻ عارفنا فرحنا ونقلناه على المستشفى وطلع عنده سرطان منتشر بكل جسمه ووصل للدماغ وبعدها دخل غيبوبه وبعدها اعطاكو عمره

بس انا حاسه حالي راح افقد عقلي ﻻني مشتاقيتله ..ما توقعت يروح عني هيك وبسرعه انا والله كنت بحبه والله بيعلم بحالتي .. نفسي اكون مكانه هاد بيظل والدي .. ويوم الجنازه بتيجي عمتي طبعا اللي عرفتها بعد 24 سنه ﻻنهم ما كانوا يتقبلونا في بيت اهل والدي وكانو يظلهم يطردوا والدي وهم سبب بكل شي .. اجت العمه بتحكي لأخي: ابوك مات وهو غضبان على اختك ..طبعا انا هون كان فيّ عقل وطار.. انا والله بحياتي ما كان قصدي اجرحه بشي بس كنت مقهوره ليش تخليت عنا ليش وليش وليش وهو هلأ مش هون يجاوبني .. مات راح لبعيد كتير.. بس انا والله بحبه والله وفاته غيرت حياتي كامله

الله يرحمه برحمته ويغفرله وسامحوني بس جد حابه تساعدوني