خانني .. ولكن اعترف لي .. هل أسامحه؟

20-11-2013 09:34 AM

تعديل حجم الخط:

سرايا - سرايا - من حوالي سنتين ونصف حاكاني ابن عمي وقال لي انه هو معجب في وبده ييجي يخطبني..
بس هو مسافر بأمريكا وقال لي بعد 3 شهور بده يرجع حتى يخطبني واتفقنا نحكي عالنت حتى يرجع...
وبعدها حبينا بعض كتير ولكن ساءت الأوضاع وما قدر ييجي .. وقلت له اني رح انتظره ..

وهو من البداية كان صادق معي بكل شي وحكالي انه كان عنده علاقات مع بنات بس هو تاب .. وانا قلت التائب من الذنب كمن لاذنب له ..وخاصة إنه كان صادق معي كتيير
ومن كم شهر بدأ يغيب عني ويتحجج بالدراسة .. وكل ما اسأله يقول لي مشغول .. وبهاي الفترة ماتت أمه وأبوه وكانت صدمة كبيرة ...

بعدها صار ما يحكي مع حدا ..
ومن كم يوم حاكاني وقال لي انه هو صار عنده صديقة وإنه غلط معها بسبب ظروفه النفسية الصعبة........

وقال لي انه هو بيحكيلي حتى ما يغشني .. ولكن أنا حكيت له إني ما عاد بدي إياه ابدا.. فقال لي هذه ضريبة الصدق؟؟ لانه كان بإمكانه ما يحكي لي وما كنت رح اعرف وخاصة انه انا في الأردن وهو بأميركا

أرجوكم تعطوني رأيكم ..وتساعدوني لأني أنا تعبانة كتير

طباعة

المشاهدات: 44108


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	20-11-2013 09:34 AM سرايا
2 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	20-11-2013 09:49 AM سرايا التبليغ عن إساءة
3 -	اذا بتحبيه سامحيه مافي رجل بالدنيا ما بخون بطريقة والتانيه ضلي انصحيه بعدين انتي ببلد وهو ببلد شي طبيعي خيانته الله يستر علينا وعليكي ويهديه	20-11-2013 10:43 AM قطر الندى التبليغ عن إساءة
4 -	يا اختي, انصحك بالبعد عنه, لانه حتى لو كان صادقا بتوبته, سيذكر انك تعرفيه حق المعرفة. و سوف يكرهك لمجرد ذلك. هو خطأ مرتين. الاولى عندما ارتكب الفاحشة والثانية عندما اخبرك لان ديننا يقول له الا يبيح بالفاحشة لان الله ستره بعدم كشفه وهو فضح نفسه, وذلك لانه لو تاب لن يستطيع ان ينسى انك بتعرفي انو سيء.	20-11-2013 10:44 AM محمود التبليغ عن إساءة
5 -	الغريب بالموضوع شو بدو فيكي وبرجع يحكيلك هاد في شي بمخو خليه يفحص	20-11-2013 11:32 AM الحل التبليغ عن إساءة
6 -	هوا بس بدوا يكرهك فيه لانو ما بدو اياكي. لو بحبك حتى لو غلط ما بحكيلك.	20-11-2013 11:44 AM طموحي املي التبليغ عن إساءة
7 -	بضل (.....) اعوج ما بنعدل ابدا ورح يضل يخونك كل ما عجبته وحدة احسن شي اتركي الله برزقك غيره والغربة صعبة بتخلي الشيخ ازعر وبتخلي الواحد يتنازل عن كل مبادئه واخلاقه بحجة ان الله تواب رحيم بعمله العمله بعدين ميييييييييييييييين يسامحني انا هيك صار مع زوجي كان منيح وبالغربة صار اسوء من السيء	20-11-2013 11:59 AM lsoso التبليغ عن إساءة
8 -	ابن عمك لعوووووووووووووووووووب ونسوانجي وبدل ما يرجع لربه لما مات ابوه وامه حل المشكلة بصديقة (....) هذا الانسان نسوانجي وعينه زايغة ولن تجدي السعادة معه وسينسيك عقلك ويسلبك شخصيتك ابتعدي عنه بعدالسماء عن الارض	20-11-2013 01:46 PM ورد الحمزات التبليغ عن إساءة
9 -	الي يخون يكون طبع فية وعمرة ما يتغير اتركية احسن لان الحياة مع الخائن جحيم وخاصة عندما يكون عندك وعقلة عندها	20-11-2013 02:05 PM زهرة الياسمين التبليغ عن إساءة
10 -	نحنا بشر وكل منا بغلط،ما في انسان معصوم عن الخطأ،والاعتراف بالذنب فضيلة ،صحيح غلط بس اعترف لحتى ما تنغشي فيه لا تصدي وتلوميه لحتى ما يرجع ويتمادى بالغلط،عليه بالتوبة والاستغفار المستمر وادعيله بالهداية .	20-11-2013 02:48 PM شو سهل الحكي التبليغ عن إساءة
11 -	والله يا اخت انصح بالابتعاد عنه واختار من هو صاحب دين وخلق اقول لك ذلك عن تجربه زوجي كان يخوني في بيتي وعلى فراشي ويقسم لي انه تاب وهو يكذب	20-11-2013 04:06 PM الصابره التبليغ عن إساءة
12 -	ابن عمك لعوب وغير ناضج ومكابر ما اصعب العيش معه و ابتعدي عنه وانسيه واحمدي الله لم تقع الفاس في الراس لانه من النوع اللي(......)	20-11-2013 06:06 PM ورد الحمزات التبليغ عن إساءة
13 -	صرتي فاسده عني الحق علي اني اعترفتلك (.....)	20-11-2013 08:02 PM الخائن التبليغ عن إساءة
14 -	نصيحة ما بدك اياه لانه عنده علاقات مع نسوان "والله اعلم كم مرة خبص فيها والي يعمل هيك شي مستحيل يرجع عنه "" وفي مثل يحكي ذيل الكلب ما عمرة انعدل """" ونسوان امريكا اغلبيتهن امراض يعني بكرة يجيكي مرض وانتي ما بتعرفي	21-11-2013 08:44 AM الزواهره التبليغ عن إساءة