بقلم :

صيدلي ... يا صيدلي ... يا صيدلي بدي دوا الها وبدي دوا الي ... قلبي قلبي صاير شعلة نار وقلبه قلبه عم يغلي غلي .... عجل عجل يا صيدلي !!!. الاسعار مولعة .... مولعة .... وبتشوي شوي !!. والحكومة نايمة ..... والشعب عم يقلي قلي ؟؟. قلي وشو بدك يا مخلص ويا ولي !!. وهو راكب شبح ... بتضوي ... ضوي !!. قلت له الله يرحم جدك اللي كان رصيدة "تيس وطلي" وبغل اعور يمشي ... ويحبي ... حبي ...!! واليوم عندك قصور وخدم وحرس بتلاع العلي !!. ومصانع وشركات ومؤسسات قلي بالله عليك من وين يا علي ؟؟؟. طبعا صيدلي الحكومة عندنا مين هو يا حلوين ؟؟, وزير المالية ولا وزير التموين " سقا الله " على ايام وزير التموين ووزارة التموين !!!. لا هذا ولا هذا هما الطفرانين والكحيانين امثالي والغلابى والمساكين الي تتجاوز نسبتهم ال %95 دفاعين الضرايب وما ادراك ما الضرائب خاصة بعد القانون الجديد ؟؟؟. رئيس حكومتنا المحبوب بالطبع الله يخليه النا نازل اعفاءات ورشاوى واعطيات وماسك هالختم ونازل " طج " اجبد ولا تجبد يعفي ويعطي ويستدعي طبعا للي مثلي الاستدعاء ؟. رئيس حكومتنا قلبه مثل النار يغلي غلي اولا لأنه الكرسي طاير طاير مثل النار من كثر الطخ من شلة "بندلي " وعلى جنبه وزير ماليتنا رافع قانون الضريبة الجديد وملزق بالكرسي ويغني " ويلك يا اللي تعادينا يا ويلك ويل " ثانيا عجز الموازنة اللهم الاكبر وأنخفاض الايرادات من كثر الاعفاءات وتحصين الامتيازات للشلل والمافيا بأسم القانون والدستور ففي هيك اوضاع لمين بده يتوجه بأيده الفارغة بدو يتوجه النا المواطنين الغلابى ويغني يا صيدلي يا صيدلي ويا صيدلي بدي دوا الها وبدي دوا الي .. الميزانية .. الميزانية ..ما غيرها ؟؟. طبعا رئيس حكومتنا بطلته البهية انا بدي اجاوبه واقوله ( غني لي شوي شوي غني لي وخد عيني ) ما انت عارف البير وغطاه من كثر الفقر بقول آه... آه والمي مقطوعة يا أفندي والضرايب صارت مثل الجبال والمواطن ظهره ... ظهره منحني !! يا فرغلي ..يا فرغلي ؟؟. طبعا المية ببعض المناطق الها 3 شهور ما وصلتهم لانه الصيدلي صرف وصفة الدواء من دون ما يرجع للشعب وضل يسوف بمشروع الديسه الاستراتيجي 20 سنة دراسات وتحليلات وميزانيات وحساب كلفة كل يوم يرتفع اكثر واكثر وشروط وامتيازات واملاءات وترتيبات وموت يا كديش لما يجيك الحشيش !!!. والله صيدليتنا فاضية يا دولته الا من شوية ادوية خربانة ومزورة اتلفت كبادنا قبل ما نتلفها ؟؟؟. وفرغلي ... يا فرغلي ... يا فرغلي بدي برشامة الو وبرشامة الي والكرسي صاير صاير مثل النار وبدي ابرده بشوية كيوي ... وشوية جلي َ!!!. كيوي ... كيوي يا فرغلي ... كيوي ... كيوي يا فرغلي !!!. الكاتب الصحفي والشاعر نايف حطاب السليم