سرايا - سرايا- روت امرأة قصة نالت إعجاب مستخدمي مواقع التواصل الاجتماعي، عن هدية فاجأها زوجها بها وهى نائمة.

وقالت المرأة: "أنا زمان من ٢٢ سنة كنت لسه متجوزة جديد، وبعت شبكتي من ورا أهلي عشان أساعد زوجي، ولحد الآن محدش عرف إني بعتها".

وأضافت: "كانت ظروفنا صعبة جدًا لأن زوجي ربنا يبارك فيه يارب كان بيصرف على أمه واخواته ٤ كمان معانا، وكانوا في جامعة وثانوي وهو كان قيلي قبل الزواج وخيرني، وأنا وفقت لأني حسيته راجل وحنين".

وأوضحت: "بعد سنتين من زواجنا وربنا أكرمنا ببنتي الكبيرة كانت وش السعد علينا، وزوجي اتثبت في شغله وابتدى الخير يزيد في بيتنا وفي يوم لقيته جاي من شغله بالليل، وجايب معاه علبة حلويات ومصمم إني أفتحها وأكل منها..الساعه كانت ٢ بالليل وأقوله أنا تعبانة نخليها الصبح يقلي خلاص هنزل وأجي الصبح!".

وتابعت: "فتحت العلبة وجايبة طبق عشان أحط فيه الحلويات لقيت علبتين صغيرين في وسط طبق البسبوسة، ولقيته بيقلي دول أقل حاجه أقدر أقدمهالك عن إنك مستحملة العيشة الصعبة دي معايا.. وساعتها من كتر الفرحة بقيت أعيط ومش عارفه أرد عليه حقيقي كانت مفاجأة جميلة لأنها كانت أول مكافأة تجيله بعد متثبت في شغله، رغم إن زوجي ربنا يباركلي فيه يارب ويسعده ويرزقه الخير كله جبلي بعد كده دهب كتير جدًا إلا إن دول أعز عندي من أي دهب جاني، لأننا كنا فقراء قوي بجد فكانت فرحتهم كبيرة إنه قدرني وفرحني".

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا