حرية سقفها السماء

وكالة سرايا الإخبارية

إبحــث في ســــرايا
الخميس ,28 مارس, 2024 م
طباعة
  • المشاهدات: 11775

تامر حسني يرد على اتهامات أحمد السقا

تامر حسني يرد على اتهامات أحمد السقا

تامر حسني يرد على اتهامات أحمد السقا

11-10-2020 06:37 PM

تعديل حجم الخط:

سرايا - فند الفنان تامر حسني كل الاتهامات الموجهة إليه من صديق عمره الفنان أحمد السقا، بسبب ظهور الأخير في فيلم "الفلوس" كضيف شرف، مؤكدا أنه لم يكن يتمنى أن ينشر هذا الرد المطول ولكن الجمهور من حقه أن يعرف الحقيقة طالما أن السقا وجه اتهاماته علنا عبر برنامج "السيرة".
ونشر تامر حسني ردا مطولا عبر خاصية الاستوري بحسابه الشخصي على موقع انستقرام قال فيه: حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط، لإن الحاجات دي لا يمكن تفوتك وأنا كنت أتمنى مكتبش الكلام دا هنا بس عشان بعد كلامك في التلفزيون، الجمهور الكريم بقى ليه حق إنه يفهم الصح.

أضاف: عشان أفكرك بس، أنت كلمتني وقولتلي خبر في موقع وعليه صورة افتراضية للفيلم وكاتبين إنك بطل في الفيلم، وأنا رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا لأن الفيلم متباع للخارج والداخل باسم أخوك تامر حسني وأصلًا أفيش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش وعلم من إيه الحقيقة كان ممكن تزعل لو الكلام دا نزل على صفحتي أو صفحة الشركة المنتجة.

وتابع قائلًا: وأنا شرحتلك دا من سنة واتكلمنا بعدها مرتين، مرة عيدت عليك في عيد ميلادك والتانية بخصوص برنامجك لو كنت لسه زعلان كنت هتقولي ساعتها، الفيلم بقاله سنه يا أحمد، أخيرًا بقى مستحيل الشركة تروج أو أنا أفوت أو اسمح باستخدام اسمك كبطل للفيلم وأنت مش فيه، لإن دا هيعود علينا كلنا بالضرر لإن الناس هتدخل الفيلم مش هيلاقوا الكلام دا فيبقى احنا كدا بنضحك على الناس وضرينا الفيلم ولأن أكيد يشرفني إن احنا نمثل مع بعض بطولة مشتركة لأنك حبيبي بجد ونجم أنا بحبه من قلبي فعلًا.

وعن مشاركته بمسلسل ولد الغلابة كضيف شرف الحلقة الأولى قال تامر: وبعدين يا حاج أحمد لما أنا جيتلك مسلسلك حصل اجتهادات كتير من محبينك الكرام شويه يقولوا المسلسل بطولتنا وشويه يقولوا لا دا ضيف شرف بس وأنت عارف إن عمري ما عملتها وطلعت ضيف شرف غير ليك، دا أنت طلبتني أجي أصور الساعة 8 الصبح كنت عندك في نص ساعة عشان فكرة طلعت في دماغك فجأة وجيت لإنك غالي عندي أوي أوي فوق ما تتصور، وكنت بفرح باجتهادات محبينك ومحبيني حتى لو صورتي صغيرة أو كاتبين بطولة أو ضيف شرف كل دا مش فارق لإني جيت أخدم صديق عمري وأتمنى أي كلام يصب في مصلحة مسلسل أخويا وينجح ويكسر الدنيا، أنت حبيبي يا أحمد وصديق عمر عشان كدا أنا مش هزعل منك معلش طولت في الكلام لإن برضو زعلك يعز عليا.

يذكر أن أحمد السقا كشف عن وجود "زعل" من تامر حسني بسبب موقف حدث في فيلم تامر الأخير "الفلوس" وأثر شخصيا ومهنيا على حياة السقا، وردا على سؤال الإعلامية وفاء الكيلاني في الحلقة الأولى من برنامج "السيرة" الذي تقدمه على قناة DMC: امتى آخر مرة كنت فاكر إن حد أخوك وطلع مش أخوك؟"، قال السقا: "أنتِ عارفة إني بتكسف ومش هقول، لكن المرة دي هقول، أنا في حد زعلان منه وحتى الآن مقولتلوش، أنا زعلان من تامر حسني، أنا بحب تامر جدا ولو مش بحبه مش هزعل منه.

تابع قائلا: زعلان منه عشان هو في فيلم (الفلوس) كلمني وقالي إنه عايزني أعمل معاه مشهد، وهو الحقيقة كان جاملني في مسلسل (ولد الغلابة)، وبعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده، مرة قالي دول فانز، ومرة قال دول الشركة المنتجة، قولتله أنا معرفش حد منهم يا تامر أنا معرفش غيرك، ودي أثرت عليّا جدا نفسيا وفي شغلي.

ونفى السقا أن يؤثر هذا الموقف على علاقته المتينة بتامر حسني وقال: مش هتأثر.. لو قابلني حاليا وقالي كلمتين حلوين الموضوع هيخلص.. لكن أنا زعلت، لأن أنا لا يمكن أعمل فيه كده، ميصحش كده، وهو كان بإيده يمنع الكلام ده، لكن اللي حصل حصل وأنا مسامحك يا تامر لكن مشاكلك كترت.


لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا






طباعة
  • المشاهدات: 11775

إقرأ أيضا

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم