حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 السبت ,22 سبتمبر, 2018 م يوجد الآن عدد (4880) زائر
طباعة
  • التعليقات: 16
  • المشاهدات: 27117

ماذا اسال البنت لما اروح اطلبها للزواج

ماذا اسال البنت لما اروح اطلبها للزواج

ماذا اسال البنت لما اروح اطلبها للزواج

09-09-2018 01:24 PM

تعديل حجم الخط:

سرايا - مرحبا انا بدي اتزوج بس على شو لازم اسال على البنت قبل ما اروح اتزوجها
وكيف بدي اعرفها اذا مناسبه الى او لا






طباعة
  • التعليقات: 16
  • المشاهدات: 27117
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
09-09-2018 01:24 PM

سرايا

2 -
هو الزواج بطيخه صعب تعرف كل اشي قبل ما تتزوج

وعادي تكونو بالخطبه سمن على عسل وبعد الزواج لا

بس اهم اشي برايي انا تشوف دينها

صلاة علاقتها بربها فاطفر بذات الدين تربت يداك هذول الاشياء بخلنها تصونك وتسعدك

شوف علاقتها باهلها البنت الودوده مع اهلها بتكون كذلك مع زوجها

وشوف انت قديش مرتاحلها وهل بينشرح صدرك بالقعده معها

وعاجباك لانه كله هاد باثر ععلاقتكم وهي هل مرتاحه معك وبرضو مرتاحه الك

غير هيك تفتشش كثير واتدور لانه كله عالفاضي
09-09-2018 01:42 PM

فهد

التبليغ عن إساءة
3 -
بتسال عن اهلها ( المقصود العيله الصغيره ام اب اخوه مش العشيره بحالها ) اخلاقهم حياتهم

بتقعد مع ابوها او ولي امرها بشكل عام بتشوف كيف هو بيءته تفكيره

مهذب ولا لا طماع محترم

هاد بالاول

بعدين بتشوف مثلا قرايبهم بتسال عن اخلاق هالعيله

بعدين شوف البنت قابلها احكي معها من قعده بتبين هي عهواك او لا

كلامها تفكيرها شكلها دينها

وخلص

غير هيك ماحد بضمن لحد اشي

وما تعقدش حالك كثير عجبتك بنت واهلها كويسين اعقلها وتوكل

وتاكد انه الطيبون للطيبات
09-09-2018 07:41 PM

ام يوسف

التبليغ عن إساءة
4 -
بسيطة...اسالها اذا ادق الباب ولا بلاقيه مفتوح
10-09-2018 01:13 PM

منى محمد غصاب النمر

التبليغ عن إساءة
5 -
اسألها سؤال واحد وهو هل يوجد شخص في حياتك ويجب ان تتحمل مسؤؤلية الجواب هي فقط
10-09-2018 01:35 PM

عماد

التبليغ عن إساءة
6 -
اهم شىء انت نفسك على ايش بتركز والمقومات الهامة حسب الدين المال والجمال والحسب والنسب والدين فاظفر بذات الدين ترتبت يداك يعني وركز على الام لانها نفس امها بتصلي اخوانها كويسين سمعتهم كويسة متعلمة ثانوية بارة باهلها ربة بيت مش شغل طلعات وبناطيل وجروبات فيس بوك وسواليف صادقة وصريحة نظيفة تهتم بنظافة البيت والله يوفقك
10-09-2018 02:59 PM

القلب الكبير

التبليغ عن إساءة
7 -
خذ رقمها أثناء الجلسة الشرعية

و احكي معها لفترة بسيطة و هيك بتتعرف عليها أكتر .
10-09-2018 08:38 PM

فدوى

التبليغ عن إساءة
8 -
بصراحه الله يعين الي بدكم تتقدمولهن هاد النوع من الشباب

بتسالو شوبدنا يعني لو اي حد وصى اي اشي بدكم تنفذوه ولا تحطوهن باختبارات

يا شيخ روحو شباب غريب ومش عارفين تختارو مره مهو المستقبل مبين معكم مين ما قلكم اي كلمه رح تسمعوها ولا قعده شباب بتخوتو توخذ الحكي عمحمل الجد

مش صعبه يعني بنت بتتوافق مع دينك علمك بيئتك مرتاحلها عاجبيتك وخلص
10-09-2018 09:41 PM

!

التبليغ عن إساءة
9 -
والله هالشي محير لأنك ما راح تعرفها صح الا لما تتزوجها غير هيك طق حنك وحكي فاضي منها بكون
10-09-2018 11:47 PM

عاشق

التبليغ عن إساءة
10 -
تعليق ٨ معك حق

هو فيه مقومات اساسيه لكل شخص

مثلا بدك متعلمه حلوه محترمه

لقيت الصفات بتقعد مع البنت حكي عابر بس تشوف اسلوبها ومدى القبول بينكم

اويابتقتنع وبتتزوج يابتكون لسه محتار فبتستخير يا من اولها مابترتاح

ونصيحة تقعدش تسال فش حد بغطي مطرح حد انت الي بدك تتزوج ويمكن تشوف ببنت معينه اشي وتحبه هم مايشوفوه

وحكي كثير وتعارف انساك منه وخطبه طويله برضه انساك منها

والدنيا فش فيها اشي كامل

يعني اكيد بعد الزواج بتطلع عقبات وخلافات الزوجين بدهم ياقلمو حالهم ويعرفو كيف يندمجو مع بعض واول سنه اصعب سنه مش زي ما متعارف انها احلى اشي لانه بكون كل طرف لسه بدخل التاني عحياته وعشان هيك انشراح الصدر والقبول بعتبرهن اهم اشي وانت بدور عالعروس
11-09-2018 01:09 AM

Ehab

التبليغ عن إساءة
11 -
طبعآ أقل شي للجلسة الشرعية ساعتين

بتسألها كلشي

بهاللحظة بتعتبرها صديقتك

احكيلها ميولك و اهتماماتك و شو إنت بتحب بالزوجة و شو ما بتحب

مثلآ اذا كنت ما بتحب انها المرأة تشتغل احكيلها و كلشي كلشي من البداية قبل المفاجآت المستقبلية لازم تتفادوا المشاكل المستقبلية قبل ما يوقع الفاس براسكم

يعني لازم يكون في صراحة مطلقة بين الطرفين

يعني لو لا سمح الله طلعت البنت مريضة لازم تعترفلك أو إنك عندك مرض معين لازم تعترف طبعآ ..

لحتى ما توقع الوقعة يلي أنا وقعتها مع خطيبي بعد اسبوع من الجكوبة طلع بعاني من العجز الجنسي و العقم ، الشي يلي خلاني أستعيد حقي منهم و أفسخ ..

أبغض شي الكذب

خاصة إني أنا كنت صريحة معه لأبعد حد لدرجة إني دخلت عليه بدون مكياج .. و هو حضرته مخفي عني شي متل هيك بسبب حادث كاين عامله و مأثر عخصوبته و أخفى عنا هالموضوع إنه مأثر عخصوبته و نسبة الشهوة عنده معدومة !!!!

و حسبي الله و نعم الوكيل بكل كذاب و بكل واحد بمشي مصلحته عحساب الآخرين .

و للعلم أنا عمري 26 و هو عمره 27

يعني أكبر مني بسنة يعني بعز شبابه يعني المفروض يكون عنده مشاعر رومنسية تجاه خطيبته بس هو نهائي نهائي ..

أنا يلي ماكليتها لو استمرت خطوبتنا و تزوجنا ..

بس الحمد لله تم الفسخ

و أنقذت حالي و بكفي إنه أجى عليي بكذبة بلش حياته معي بكذبة فإيش حال باقي حياتي كاملة معه ؟ رح تكون طبعآ مبنية عالكذب .

فلذلك نصيحتي لكل خاطب و كل مخطوبة لا تكذبوا عالطرف التاني بأي شي لإنكم حتى و لو تزوجتوا فأكيد الطرف التاني رح ينظرلكم مدى الحياة باحتقار .

لهيك الطلاق و الفسخ كثير بهالبلد

من كثر الكذب و الصدمات المستقبلية . يعني العروس بتعمل حالها قمة بالإيجابيات قدام خاطبها و كذلك العريس و بعدين بنصدموا بالواقع و هالشي بخليهم يفسخوا لإنه حياتهم بالبداية كانت مبنية عالخداع و الغش أو الكذب .





11-09-2018 07:42 AM

عن تجربة

التبليغ عن إساءة
12 -
الله يعوضك وحاسس فيكي

بس واحد لسة مقبل عالزواج

ليش هالحكي اي سديتو نفسنا

يعني لازم تعقدو العالم يصير الشب متخيل الكل كذاب وعنده مشكله مخبيها والبنت كذلك

احكيله نصيحه حلوه تفتح النفس مهو الشك والحذر الزايد كمان بدايقن

وفيه ناس بردو وبتاثرو باي اشي
11-09-2018 07:00 PM

الى ١٠

التبليغ عن إساءة
13 -
أنا صاحبة تعليق 10

بس يلي بدي أحكيلكياه

إنه هذا هو الواقع .

أنا بشتغل بتسويق ميداني لفلاتر تنقية المياه بشركة

فبما إنه ميداني عالبيوت

لهيك أنا شفت العالم و قعدت و دردشت معهم

و يمكن حوالي صرت فايتة على ألف بيت من خلال شغلي و كنا أنا و زميلاتي ندردش مع هالناس و مع ذلك والله العظيم والله والله والله إنه الطلاق كثيييير .. إذا إنت يا صاحبة تعليق 11 شفتي بحياتك تلات أو أربع حالات طلاق

أنا
12-09-2018 02:09 AM

إلى 11

التبليغ عن إساءة
14 -
إذا إنت يا صاحبة تعليق 11 شفتي بحياتك أربع حالات تعليق بحياتك

أنا شفت حالات طلاق بالمئات والله العظيم و كل قصة محزنة و مؤثرة أكتر من يلي قبلها و فعلآ ما في وحدة بترضى بالفسخ أو الطلاق بدون سبب ..

بس والله العظيم من كثر ما شفت طلاق بهالدنيا إني خفت أتزوج بالرغم من إني هسا دخلت بالسبعة و عشرين و قبل أسبوعين أنا فسخت خطوبتي ..

يعني تأنيت كتير كتير كوني عارفة بهالحياة و أنا فيي عادة كل ما يتقدملي عريس بوقت الجلسة الشرعية بطلب رقمه لحتى نتحاكى عالواتس أو مكالمات لفترة معينة و طبعآ بإشراف أهلي

كل هذا لحتى قدر استطاعتي أتفادى المشاكل المستقبلية و أعرف طبع شريك حياتي كويس كويس لحتى ما أوقع الوقعة يلي بوقعوها الناس و أضطر للفسخ أو الطلاق و مع ذلك بالرغم من الحذر وقعت .

و احنا هون لوين رجعنا ؟ لنفس السبب

يلي هو الكذب و التدليس

و احنا بهالحالة شو نعمل ؟

احنا سألنا عن الجماعة و طلعوا مناح

بس أنا خطيبته يا دووب عرفت عن هالموضوع

فكيف تامنهم جيرانهم يعرفوا ؟ يعني جيرانهم ما بعرفوا عن موضوع عقمه فاحنا احكيلي كيف بدنا نعرف هالشي لحالنا ؟

خصوصآ إنه زواج تقليدي و عن طريق شغلي الميداني

فتت على أهله و كانوا ملائكة ما شاء الله ..

و طبعآ دايمآ هيك الناس ببينوا ملائكة لما يتقدموا لبنت بس هذول بالذات حسسوني إني رح أتدلل عندهم و كتير أقنعوني بالزواج من إبنهم لدرجة إني أثناء ما كنت أستخيرله بنفس الأثناء تقدملي واحد وظيفته مرموقة و كمان عن طريق شغلي

و تخيلي كيف هذلاك الجماعة يحكولي بدنياك لا توافقي على هذلاك و هذلاك يحلي لا توافقي عهذلاك بس من غبائي رحت وافقت عالجماعة يلي شارييني زيادة عن اللازم و قلت خلص هذول أفضل و هسا هذاك الأولاني خطب و أنا فسخت خطيبي

يعني لا إني كسبت هذاك ولا هذاك

و حسبي الله و نعم الوكيل بكل كذاب .



بتحكيلي لا تحكي هيك ؟

مهي 90% من حالات الطلاق سببها الغش و الخداع

يعني عمستوى إنها البنت تفوت بالمكياج هذا لحاله خداع

و أنا الحمد لله لحتى أتفادى المشاكل و إنهم الجماعة ما ياخذوا عني فكرة مش كويسة مستقبلآ والله إني ما بحب أخدعهم ولا بشي

لدرجة إني بفوت بدون مكياج ..و كلشي كلشي بحكيه عن حياتي حتى و لو سلبي و حتى ولو إني عارفة إنه هالشي ممكن ينفر العريس مني بس أنا ما بدي تكون حياتي مبنية عالخداع

بالعكس بحب أظهر الأشياء السلبية قبل الإيجابية .. لحتى أنعم بحياة مستقبلية كويسة



و حتى و لو ما تم نصيبي

والله مهي فارقة معي

و الخيرة فيما اختاره الله يعني أنا حاليآ بدعي ربنا إنه يكتبلي الخير حيث كان سواء بالزواج أو بالعزوبية المهم ربي يكتب الخير

فلا تفكري إنه كل متزوج مرتاح أو مبسوط ..

ربنا يهدي بال الجميع .. قولوا آمين
12-09-2018 02:29 AM

أنا صاحبة تعليق 10

التبليغ عن إساءة
15 -
إذا إنت يا صاحبة تعليق 11 شفتي بحياتك أربع حالات تعليق بحياتك

أنا شفت حالات طلاق بالمئات والله العظيم و كل قصة محزنة و مؤثرة أكتر من يلي قبلها و فعلآ ما في وحدة بترضى بالفسخ أو الطلاق بدون سبب ..

بس والله العظيم من كثر ما شفت طلاق بهالدنيا إني خفت أتزوج بالرغم من إني هسا دخلت بالسبعة و عشرين و قبل أسبوعين أنا فسخت خطوبتي ..

يعني تأنيت كتير كتير كوني عارفة بهالحياة و أنا فيي عادة كل ما يتقدملي عريس بوقت الجلسة الشرعية بطلب رقمه لحتى نتحاكى عالواتس أو مكالمات لفترة معينة و طبعآ بإشراف أهلي

كل هذا لحتى قدر استطاعتي أتفادى المشاكل المستقبلية و أعرف طبع شريك حياتي كويس كويس لحتى ما أوقع الوقعة يلي بوقعوها الناس و أضطر للفسخ أو الطلاق و مع ذلك بالرغم من الحذر وقعت .

و احنا هون لوين رجعنا ؟ لنفس السبب

يلي هو الكذب و التدليس

و احنا بهالحالة شو نعمل ؟

احنا سألنا عن الجماعة و طلعوا مناح

بس أنا خطيبته يا دووب عرفت عن هالموضوع

فكيف تامنهم جيرانهم يعرفوا ؟ يعني جيرانهم ما بعرفوا عن موضوع عقمه فاحنا احكيلي كيف بدنا نعرف هالشي لحالنا ؟

خصوصآ إنه زواج تقليدي و عن طريق شغلي الميداني

فتت على أهله و كانوا ملائكة ما شاء الله ..

و طبعآ دايمآ هيك الناس ببينوا ملائكة لما يتقدموا لبنت بس هذول بالذات حسسوني إني رح أتدلل عندهم و كتير أقنعوني بالزواج من إبنهم لدرجة إني أثناء ما كنت أستخيرله بنفس الأثناء تقدملي واحد وظيفته مرموقة و كمان عن طريق شغلي

و تخيلي كيف هذلاك الجماعة يحكولي بدنياك لا توافقي على هذلاك و هذلاك يحلي لا توافقي عهذلاك بس من غبائي رحت وافقت عالجماعة يلي شارييني زيادة عن اللازم و قلت خلص هذول أفضل و هسا هذاك الأولاني خطب و أنا فسخت خطيبي

يعني لا إني كسبت هذاك ولا هذاك

و حسبي الله و نعم الوكيل بكل كذاب .



بتحكيلي لا تحكي هيك ؟

مهي 90% من حالات الطلاق سببها الغش و الخداع

يعني عمستوى إنها البنت تفوت بالمكياج هذا لحاله خداع

و أنا الحمد لله لحتى أتفادى المشاكل و إنهم الجماعة ما ياخذوا عني فكرة مش كويسة مستقبلآ والله إني ما بحب أخدعهم ولا بشي

لدرجة إني بفوت بدون مكياج ..و كلشي كلشي بحكيه عن حياتي حتى و لو سلبي و حتى ولو إني عارفة إنه هالشي ممكن ينفر العريس مني بس أنا ما بدي تكون حياتي مبنية عالخداع

بالعكس بحب أظهر الأشياء السلبية قبل الإيجابية .. لحتى أنعم بحياة مستقبلية كويسة



و حتى و لو ما تم نصيبي

والله مهي فارقة معي

و الخيرة فيما اختاره الله يعني أنا حاليآ بدعي ربنا إنه يكتبلي الخير حيث كان سواء بالزواج أو بالعزوبية المهم ربي يكتب الخير

فلا تفكري إنه كل متزوج مرتاح أو مبسوط ..

ربنا يهدي بال الجميع .. قولوا آمين
12-09-2018 03:03 AM

أنا صاحبة تعليق 10

التبليغ عن إساءة
16 -
فعلآ كتير من ىلناس خداعة

بل كتير كتير

و في منهم أنذال بقولوا للمرأة أنا عندي بيت و لما إنها تتزوج بطلع بضحك عليها !!!!!

مع إنه فرق شاسع بين العريس يلي عنده بيت و بين العريس يلي ما عنده بيت .



فأحقر الناس هو يلي بخدع خدعة قوية متل هيك .

و البنت الهبلة هي يلي بتظل عايشة معه بدون ما تفسخ .

خليه عبرة لمن يعتبر

لحتى لما ييجي يخطب بنت تانية و تعرف سبب الطلاق الأول مباشرة ترفضه لإنه واحد خداع و خلينا نشوف كيف الكذب رح ينفعه .

فأفضل شي للطرفين يكونوا صريحين بكلشي أمام بعضهم

و يتعرفوا كويس عبعض .

12-09-2018 09:04 AM

أنا مع تعليق 10

التبليغ عن إساءة
17 -
يا جماعه ماتعقدو بعض

السوال واضح : ننصح حد بده يتزوج

النصاءح المقدور عليها

ونتوكل عالله

مش معقول محدش يسوق لانه الحوادث زادت علينا بس نعمل بالمعقول مانسرعش

بحاله صاحب السوال انا بس بنصحك انه انت اختار ثم انت ثم انت ، انت الي رح تقعد معها وتعيش معها وتشوفها

يعني الي رح تعجب غيرك يمكن ماتعجبك انت والعكس والي بقنعك مابقنعهم والعكس والي بتعجبك توكل عالله مش كل مره بتنعاد تلاقي وحده تعجبك

عجبتك البنت شكلا وخلقا وتصرفات اسال عن اهلها وعنها

اما الامور الغيبيه يا جماعه توكلو عالله وتعقدوش غيركم

لا حول ولا قوه الا بالله
12-09-2018 06:45 PM

11

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم