حرية سقفها السماء

وكالة سرايا الإخبارية

إبحــث في ســــرايا
الإثنين ,10 ديسمبر, 2018 م
طباعة
  • المشاهدات: 31517

أريد الزواج بمن تكبرني بعدة أعوام

أريد الزواج بمن تكبرني بعدة أعوام

أريد الزواج بمن تكبرني بعدة أعوام

03-09-2018 09:09 AM

تعديل حجم الخط:

سرايا -

مرحبا
أنا عمري 28 و بدي أتزوج من بنت عمرها 33 سنة عجبتني و حسيتها أحلا من بنت 20 سنة بوجهها و جسمها و ما شالله عليها من أسرة محترمة .

الكل بشجعني عليها
بس انا بدي أستشيركم .

و ادعولي بالتوفيق






طباعة
  • المشاهدات: 31517
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
03-09-2018 09:09 AM

سرايا

2 -
اسمع.. بداية الناس ما بتخلي حدا بحالو ولو بدك تسمع للناس عمرك ما رح تعمل اشي.. عشان هيك صح في فرق بالعمر بس ما زال شايفها البنت الي حبها قلبك والبنت الي ممكن تسعدك وحاسة براحة تجاهها ف وين المشكلة.. أنا بقول عادي .. العمر مش عبرة .. مش المهم دارس شو وهي دارسة شو .. المهم العقل والتفاهم ز. أنا بقول توكل على الله ومبارك مقدما .. ما زال مقتنع سيبك من كلام الناس لأنه انت الي رح تتزوج
03-09-2018 09:14 AM

رحمه

التبليغ عن إساءة
3 -
وصفك للبنت جنسي و جمالي اكثر من انه زوجه
حاول تعيد التفكير بنظرتك و اعرف حالك ليش بدك اياها
03-09-2018 09:46 AM

يا سلام

التبليغ عن إساءة
4 -
اتوكل. على الله وتزوج. الف. مبروك. مقدما.
03-09-2018 09:53 AM

مها احمد

التبليغ عن إساءة
5 -
مجنون ..سيكون هذا فاشلا بعد سنوات عندما تتقدم بالسن ولا تلبي رغباتك
03-09-2018 10:20 AM

سسسسسسسسسسسس

التبليغ عن إساءة
6 -
وين المشكلة عادي تزوجها مش غلط

هو إحنا يلي بدنا نتزوجها ولا إنت ؟
03-09-2018 10:39 AM

وين المشكلة

التبليغ عن إساءة
7 -
كلامك يا صاحب المشكلة صحيح .



مش شرك الصغيرة تكون أحلا

كثير بنشوف كبار و حلوات أكثر من الصغار .

فعلآ



بشجعك و تزوجها ما دامك مقتنع فيها .

ألله يوفقك
03-09-2018 11:37 AM

أبو ريماس

التبليغ عن إساءة
8 -
اتوكل على الله
03-09-2018 02:01 PM

لين

التبليغ عن إساءة
9 -
بنت وحلوة بوجهها و بجسمها ومن اسرة محترمة وعزباء وعمرها 33 سنة = مستحيل ان تكون غير متزوجة .....................
03-09-2018 02:41 PM

الى 28 سنة

التبليغ عن إساءة
10 -
حضرة جنابه صاحب التعليق الرابع شكله مراهق و مش واقعي ههههههههه

شو رأيك كل ما إنها زوجته تصير مش حلوة يروح يطلقها و يشتري عروس صغيرة كل ما تكبر عروس يرجع يشتري عروس صغيرة لبين ما إنه يختير ههههههه .



مهو صاحب المشكلة بحكيلك بنت ال33 أحلا من 20 سنة

إذا من هسا بنت العشرين مش حلوة إيش حال بعدين لعاد ؟

معناها هيك الكبيرة طبعآ أفضل .

اختار الكبيرة يا صاحب المشكلة و توكل على ألله .
03-09-2018 08:44 PM

إلى سسسسسسسس

التبليغ عن إساءة
11 -
توكل عألله و تزوجها

كتير بنسمع متل قصتك فهالشي صار عادي جدآ ، بل حتى موضة .
04-09-2018 09:23 PM

أم تولين

التبليغ عن إساءة
12 -
طيب مهو من كلامك انت مقرر انك تزوجها حلوة وجسمها حلو وبنت عائلة محترمة والاكثر من هيك كل الناس إللي بتعرفها وبتعرفك بشجعوك على زواجها فاصبح شو دورنا إحنا يلي ما بنعرفك ولا بنعرفها..وكمان بتطلب ندعيلك بالتوفيق فليش السؤال...
05-09-2018 04:01 PM

...............

التبليغ عن إساءة
13 -
إلى رقم (8):

ليش مستغرب أنه بنت بهيك مواصفات لسى مش متزوجة.

طب يمكن نصيبها ما إجى، أو يمكن ما إجاها حد بالمواصفات اللي بدها إياها.
06-09-2018 09:56 AM

أمل

التبليغ عن إساءة
14 -
البنت ما دامها حلوة ما بتعنس إلا من الأربعين من عمرها فما فوق .

و عدا عن هيك بالمواضيع الخاصة بحياتك كلها لا تحط كلام الناس بمواضيعك الخاصة بالأهميات لإنك إنت يلي بالنهاية رح تتزوجها بغض النظر سواء هي نفسها أو غيرها البنت يلي رح تتزوجها بمجرد ما تصير مشاكل زوجية و خلافات فصدقني بهالساعة الناس ما رح تنفعك ، لهيك ما دامك مرتاحلها معناها توكل عربنا و اخطبها

و لا تنسى إنه هالموضوع أصبح رائج في كل مكان إنها تكون الزوجة أكبر من زوجها ، يعني ما حدا عمره تضايق أو تطلق لإنها زوجته أكبر منه

بالعكس كثير بنسمع عن هيك زيجات و بكونوا أسعد زوجين .

فأنا بحكيلك اخطبها و توكل عري
06-09-2018 10:04 PM

أبو أيهم

التبليغ عن إساءة
15 -
من فتره شفت واحد كمان حاطط نفس المشكله ( يعني هو انسب كان بينهم سنتين بس ونا بلاقي هيك مناسب وجدا كانه مافي فرق)

بس يا جماعة جلطونا عاجباكم البنت شو بدكم بالاراء وانت عارف الي بيعطي الراي شو وضعه ولا بتاخد برايه خدلك تعليق ٤

مش فاهمة صح انه الشورى مطلوبه بس بعرفش الزواج اشي تاني . ان صرت متزوج وماعجبتك مرتك اهلك مابنفعوك

الي عاجباكم خدوها .

والي علق تفكيرك جنسي يعني مهو حكى عشكلها ليه بس تخطب شو بتشوف اول وهو كمان وبقلك عجبتني!

والي علق فيها هالمواصفات = متزوجة

هو اه المفروض بس كانه في قدر وارزاق وحكمة . ترا التاخير احيانا منحة من الله للبشر بتعرفيش شو البنت مرضيه الله بشو واخرها لشو السبب ترتاح من الهم عالبدري.
07-09-2018 05:29 AM

مريم عاصم

التبليغ عن إساءة
16 -
اولا ... صلي صلاة استخاره بدل الناس افضل.

ثانيا اذا ما كان اساس الزواج قائم على التكافؤ من حيث الفكر والدين والعمر رح يضل الزواج مزعزع.

انا بقول والله اعلم ابحث عن بيت الدين ثم الجمال ...واذا كانت اصغر منك افضل ، بس انه تكون اكبر منك مش حرام ... بدك تكون فاهم انه بدك تجيب منها ولاد والمراه بعد الاربعين بصير في خطره على الحمل ، كله بايد ربنا ..

لذلك صلاة الاستخاره والدين هما الاساس. وما خاب من استخار

08-09-2018 11:16 AM

محمد

التبليغ عن إساءة
17 -
الاستخارة قبل اي شيء لان الله اعلم بحالك وحال البنت وهل تصلحوا وفيكم خير لبعض او لأ

الاستخارة، هي طلب الخيرة في شئ ما، ومن يستخير الله فهو يطلب منه الخيرة في أمر ما من أمور الحياة، ليدله الله عز وجل علي الأفضل، وأن الاستخارة في الإسلام سنة كما أجمع علي ذلك العلماء.



وصلاة الاستخارة، هي صلاة يقوم بها الشخص المسلم، عندما يقدم علي عمل ما، راجياً الصواب في الطلب، فيستخير وقتها الخالق، وذلك في جميع أمور الحياة فإذا كانت استخارة للزواج من شخص معين، أو للعمل في مكان ما، أو لشراء أي شئ وغيرها من الأمور الدنيوية.

اما بعد الاستخاره انا ارى اكبر سنه او سنتين لا يشكل عائق بصفوف الدراسه بكونو مع بعض متل الجامعات اما ٥ سنين ربما يكون هناك فرق . ولكن لايعني انه ممكن لا تتفقوا

بالنسبه لاكبر او ان الزوجة اكبر فهو موضوع لا يشكل خلافات كما يقال فقط نحن اعتدنا ان المراه اصغر اذا اقضل وهو غير حقيقي .

فيه بنات اصغر ومسترجلات وفي عقلهن خاف بشو صح انه لازم اصغر!

بالنسبه للاطفال فبايامنا ٣ اطفال اصبح كثير وبنت ببدايه الثلاثين ليش مارح تقدر تجيب! بحملوا وعادي !

بالاخر نصيحتي مش كل يوم ممكن تلاقي حد يعجبك

وهي مابتم يمكن انت لاقيت كل المواصفات بس العمر مش زي مابدك بعدين تلاقي العمر زي مابدك والاهم مش زي مابدك
09-09-2018 02:34 AM

انا مع محمد الاستخاره قبل كلشي

التبليغ عن إساءة
18 -
شي طبيعي

ماحد حط قوانين الاكبر والاصغر الي في بلادنا وبلاد الشام ولا باقي الدول عادي

هو بس المفضل تقارب الاعمار مش حد اكبر من الثاني

بس انت طالما بتسال بدك لو تزوجت تنسى موضوع العمر مش تخليه حجة لكل شي وتقعد تتخيل اي مشكله سببها العمر

ترا اي اشي ولا خلاف عادي بصير كمان لو اصغر منك لو وحده تحت ال٢٥ ( القناعه كنز لا يفنى ) يعني لو تزوجت اقتنع
10-09-2018 09:33 PM

عادي

التبليغ عن إساءة
19 -
تزوج وتوكل عالله

عارف شو ممكن العمر نطلعله انه ملتكونش حلوه

وبنروح للصغيره عشان الشكل

طيب اذا حلوه بشكلها وجسمها كمان طب شو ضل

12-09-2018 06:59 PM

رامي

التبليغ عن إساءة
20 -
عادي جدآ

و فعلآ ما حدا وضع قوانين إنه لازم الرجل أكبر من المرأة .

بالعكس الرجل و المرأة بمارسوا أدوارهم كأزواج بغض النظر مين يلي الأكبر أو أصغر

المهم المرأة بتظل مرأة و الرجل بظل رجل .



و لازم تعرف إنها هالعادات و التقاليد بإنه الزلمة يكون أكبر من زوجته عادات.بالية و عفا عليها الزمن .

هسا صار كله يتزوج هيك

و إنها المرأة تكون جميلة و ما دامها جميلة ما بتعنس .

و ربنا يوفقك .
14-09-2018 09:57 PM

فريال

التبليغ عن إساءة
21 -
اه اتزوج والله يتمملكم عخير ويوفقكم ويبعد الحساد والغيورين عنكم
15-09-2018 04:32 PM

اسيل البطاينة

التبليغ عن إساءة
22 -
نصيحة اخ

احنا زيكم عاداتنا المره اصغر وبتلاقي ناس بتقنعنا انه بتكبر قبلك وبتمرض

شوف القدر والمستقبل ماتفكرش فيهن هاي من ربنا لو انا ٢٠ سنه ممكن امرض او اموت فليش نفكر بهيك اشياء

عشان هيك انت ما سالت الا البنت عاجبيتك ورايدها وهاض بحد ذاته كنز ماتفرطش فيه

والله الدنيا صعبه احنا مضطرين نتحمل ناس بنطيقهاش بالشغل وبالتعاملات وبالقرايب حتى

خلي عنا اشي حلو بحياتنا

ترا عادي ممكن تتزوج عهوى غيرك وتعيش وتكمل وتستمر الحياه لانه واجب وبدك تكمل بس مش زي لما انت مع انسانه حاببها ورايدها وعاجباك

مكون اسره هيك هيك ليش مش مع حد عاجبني انا

صح الا ماتلاقو عيوب وفش اشي كامل بس لما توخد وحده عاجباك من كل شي والله غير

وتوكل عالله والله يوفق
16-09-2018 03:59 PM

ياسر الخطيب

التبليغ عن إساءة
23 -
يعني انت كاتبلنا نقلك لا اصرف نظر

بتستنى حد يقلك بدكاش!!!!

لاسف واضحه ومبين انه عادي اتزوجها طالما عجبتك من كل النواحي
18-09-2018 11:41 PM

زياد

التبليغ عن إساءة
24 -
توكل عالله

وعن تجربه
19-09-2018 06:17 PM

العبدللات

التبليغ عن إساءة
25 -
يعني طالما عاجبيتك

اكيد ماحسيت بانها اكبر

المرفوض والغلط لحالك بتحس فيه

فلشو التردد وكانها مشكله !
23-09-2018 03:08 PM

رهف

التبليغ عن إساءة
26 -
انا ابني من ٣ سنين اجى بيقلي بده يتزوج بنت اكبر منه

وانجنيت وبهدلته ورفضنا رفض تام

وبعدها والله شفته انخطف لونه ومو مبسوط عطول

وكان قايلي يا بتزوج هالبنت يا مابتزوج وطنشت قلت فتره وبتمرق

والله وبعدين فكرت بيني وبين حالي انه من شو انا خايفه

اي شي ممكن يصير مع هالصبيه رح بصير مع الصبيه الاصغر

خايفه من الناس يقولو اخد اكبر هي العالم بحبو الحكي لو تزوج ملكة رح يحكو عليها فلا بشتري سعاده ابني وراحته

وفعلا ماندمت البنت اكابر وزوق طلعت ومحترمه وفيها كتير مزايا وما اختارها ابني الا دق قلبه لالها

والحمدلله

مع انه كتار من الي بعرفهم بلشو يطلعو عيوب بعد الخطبه بس العالم هم هيك ومش كل من اعطى نصيحه صادقه
28-09-2018 04:20 PM

جمانة

التبليغ عن إساءة
27 -
ونا خطرلي نفس الاشي

بدات احس كل الي بنكتب كذب في كذب والمشكله بتنعاد مرات كثير يا اما صاحب المشكله كذاب واصلا لو فيها هالمواصفات ما اجى سال

ها احنا واحناندور عرايس ليش بنلاقيش حلوات ولا حتى وسط

وان لاقيت فيها حلاوة بتلاقيها ناصحة ولا قصيره عالارض او بلاقيها مش دارسه ونا مهندس بدي بنت دارسه وبديش اقعد ادرس واعلم واعيش بجو امتحانات شو جابرني عهيك شغله

وهسه بتقول حلوه وجسمها حلو ومحترمين و٣٣

انا بس الاقي اي عمر يئسنا

هاي يا صايباها عين قوية يا انها مسترجله مهو فش غير هيك سامع هيك بنات حلوات بس بتصرفن زي االرجال كاسرات وقويات وبكونن بدهن يتحكمن وحتى صوتهن بتميزوش عن الشباب ( حسن صبي زي مابقولو)

يا سيدي الله يبعتلنا الي بنتمناه

وبكفي يا جماعه خيالات
29-09-2018 12:41 AM

الى ٨

التبليغ عن إساءة
28 -
الى ٢٧ انا متابع للمشكلات الخاصه بالزواج كوني مقبل عالزواج وبدور

بس كميه الجهل بتعليقك رهييبه

شو مسترجله ومش مسترجله والشب بقلك عجبته يعني امور شكلها وشخصيتها هو حسمهن

السوال واضح اتزوجها وهي اكبر مني او لا

وكمان صحيح العين حق وممكن فعلا حسد وعين وفعلا يقال انه حتى ممكن كان رح يصير الاعظم وحسب تعلق الشخص بربه فتيجي بتاخر زواج اهون من صحة ولا حتى موت

بس لازم يكون يا جماعه ايمانكم بربنا اكبر وفيه اقدار وارزاق وحكم وتدبيرات مش كل شي بنطلعله سبب متخلف

ونا ماكنت بدي اعلق عهاي المشكله كوني ماجربت بس فعلا انا حوالي ناس كثير عادي متزوجين اكبر وامورهم ماشية وكل واحد عقله براسه بيعرف خلاصه
29-09-2018 07:57 PM

عالم عقولهم متحجره!

التبليغ عن إساءة
29 -
هو احنا صايرين مقسومين قسمين كل قسم غير

بتحكو عن الينت وكانها ختياره

انا عموي ٢٩ وشهرين بصير ٣٠

عادي شكلي ماختلف عن وانا ٢٥ ولا بميزو اني اكبر من بنات الي اعمارهم ٢٥

والدنيا تغيرت كل صحباتي هلا لسه بتزوجو

01-10-2018 01:34 AM

سيرين

التبليغ عن إساءة
30 -
صح معك حق بحكوا عبنت باول الثلاثين كانه ختياره فيه واحد قبله كمان سائل عمره ٢٨ وبنت ٣٠ يعني خير شوهالفرق المرعب

شوكاينه متل قصه ميرفت امين بالسبعين وبدها تتزوج شب

عادي مافي فرق سنه او ٣ اكبر ويمكن تكون احسن واحلا وافضل منك

وازجوكم افهموا الزمن تغير بطلت البنت لازم تتخرج وتتزوج بس تعرف وتشوف الدنيا عايدين هالزوج ويابتصيب يا بتخيب

الكل هلا البنت بتبدا تفكر ع٢٧ طبعا مع القدر والنصيب

والبنت الحلوه والمحترمه الي باخر العشرين او وصلت ثلاثين بتكون مكتفيه من كل اشي وبتدور عشب تحبه وتاسس معه عيله صح مش مارد يحقق احلامها او عريس لقطه وخلص

فعلا هالصفحة بحس انه الناس قديمه ومش معاصرين التطورات
08-10-2018 03:09 PM

الى سيرين

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم