سرايا - أكدت الفنانة ميار الببلاوي أنها تتمنى عدم عرض بعض مشاهدها من فيلم "ديسكو"، الذي عرض سنة 1993، خاصة بعد ارتدائها الحجاب.
وقالت ميار الببلاوي خلال حوارها مع الإعلامية بسمة وهبة في برنامج "العرافة" المذاع عبر قناتي النهار والمحور: "في مشاهد كثيرة في فيلم ديسكو كنت مش عايزة أعملها، ولا كنت عايزة ألبس مايوه، ولا مشهد عمرو عبد الجليل، ولا مشهد شريف منير، الحاجات دي كلها عملت مشاكل، وأنا الحمد لله اتحجبت ومش عايزة حاجة زي دي تتعرض ولا حد يجيب سيرتها".
وأضافت: "أحد المشاهد كان لا يليق برمضان، وأنا كنت بنت عندها 19 سنة وفرحانة بالتمثيل أمام نجلاء فتحي وصلاح ذو الفقار، لكن أنا تربيت في بيت متدين وكنت صايمة، وصورنا أسبوعين في الديسكو في النهار في رمضان، وطلبت منهم أصور المشهد بعد الإفطار لكن رفضوا".
وتابعت: "في اليوم ده دخلت الحمام وقفلت الباب على نفسي، والمخرجة إيناس الدغيدي اتعصبت والدنيا اتقلبت، وأنا عمالة أعيط".
وردا على سؤال ماذا حدث بعد ذلك، قالت ميار الببلاوي: "الأستاذة نجلاء فتحي أقنعتني وقالت إن رمضان إحنا مش بناكل فيه علشان نبقى زي الفقراء، وعلشان الفقراء لا يحسوا إننا نأكل وهما لأ، وفتحت الباب لكن صورت المشهد بعد الإفطار".
الرجاء الانتظار ...