سرايا - متى لازم انك خلاص توقف الصبر و انك تطلق زوجتك؟! انا متزوج منذ خمس سنوات الى الان و عندي ولد بعمر ٣ سنوات ، تزوجت بنت من اسرة طيبة جدا و ملتزمين و طوال الخمس السنوات بزواجي كان حب وايام حلوة كثير و زوجتي احبها كثير وما اتخيل حياتي بدونها ولكن فيها شي غريب انه كل كذا شهرين بالكثير تسوى لنا مشاكل و صياح وجنان و تكسير لاي سبب تافه ، انت بس اختلف معها على شي وراح تتفاجا انها تتحول بنت ثانية وتفاجات انها ممكن توصل لانها ترفع صوتها عليك وتمد يدها باظفارها ، اشتكيت لابوها فكان رده اصبر يا ابني و اصبر ، صبررت ولكن نفس التصرف كان يتكرر منها و الله لدرجة انه صرت اخاف ع ابنى يتعقد من تصرفاتها ، وخلاص كنت لما تبدا كذا وافهم انها بتوصل النقاش و المشكلة البسيطه الى جنان وصياح اخذ نفسي وابني واقفل علينا في المجلس تقعد تخبط الباب و اخر مره والله بالسكاكين تحاول تكسره وتفتحه وانا اصبر واكلمها روحي غرفتك نامي ايش ودك الان ليل والعمارة كلهم اهلى مايمي عيب الناس تسمعنا ، الصباح يكون خير و ابني جنبي خايف وساكت ، المهم تستفزك و تشتم فيك و لو انت رجال طلقني وتمد يدها تسحبك او تدفك او باظفارها وانت تصبر تتحمل مايجي منك ترد عليها وتضربها لانك رجال ضربه منك بتطيحها ، والله انى صبرت لدرجه بدات اخاف على صحتي وتطول مدة التطنيش والنكد مره من المرات صفعتها بعد صبر و صبر ، و راحت بيت اهلها و قصيت لابوها وفهمته ويقولي ي ابني اصبر وهي راح تتعدل وخليتها اسبوع وقال خلاص راضيها بذهب وقلت له تم ي عمي انت بمقام ابي وكلامك ع راسي و راضيتها و رجعنا و بس فترة ونفس الشي يتكرر بس عاهدت نفسي ابدا ابدا ما اضربها واني اصبر بس اخر مره والله راجع من شغلي تعبان وتنازلت عن سفر للحج جانى هدية عشانها لانها زعلت كيف بسافر بدونهم ، و ليت رضت لا والله بدات تتطاول وتطلع نكدها ع ابنها ، قلت روحى نامي وخليه عندي وهي عنيدة جدا لا وغصب عنه راح تاخذه وهو يبكي ، اخذته منها وخليته يجلس عندي واحنا في المجلس وقفلت علينا و هي الا تبدا شغل التكسير بالباب و الشتم ، فتحت الباب دفعتني لفوق ابني ، انا ماتحملت و ضربتها وهي ضربه ماقصرت صرخت وقطعت باظفارها بيدي والله وانا صابر وماسك نفسي ، اتصلت بعمتي امها حاولت تهديها ماسمعت لها ولا عبرت كلام امها ، قالت خلاص ي ابني جيبها لعندنا ، اخذت ملابسها في الشناط وحملتها لها بسيارتي و وصلتها هي وابني و للان لنا تقريبا شهر انا ماتصل وهي مطنشة بس اروح لهم اسلم على عمتي وهي تحبني كانى واحد من عيالها و اخذ ابني كم ساعه و ارجعه ، طبعا عمي مسافر و بيرجع بعد شهر ، و زوجتي لو كانت دايما كذا معي و الله كان طلقتها من زمان المشكله انها باقي ايامنا ازوجه مطيعه وحبوبه و كل شي احبه فيها ، بس كل فترة يتكرر هالشي وكانها تتحول شخص ثاني ، والله انا احترت ايش اسوى معها ، ؟!

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا