تشاجرت مع أهل زوجتي

01-03-2021 09:38 AM

تعديل حجم الخط:

سرايا - ياجماعه انا متجوز الي الي سنتين قبل شهر تهاوشت انا ومرتي زي اي تنين بتهاوشو طلعت من البيت قلت اغير جو وارجع بعد ساعه الطف الجو واعتذرلها بعد ساعه اجاني تلفون من ابوي بحكيلي انه اجى اخوها اخذها انا عصبت وانقهرت رنيت ع اخوها وحكيتله كيف بتوخذ المرا من ورا ضهري وبدون ماتفهم القصه حكالي لو تنطبق السما عالارض مابترجعلك وسكر الخط انا حكيت خليها كم يوم يبرد الموضوع واروح ارجعها المهم بعد اسبوع رحت ارجعها لقيت اخوها بستناني عالشارع مابعرف هي صدفه ولا شو المهم سلمت عليه واعتذرت منه حكالي مافي الك عنا نسوان وكحشني انا سحبت حالي وروحت وبعد يومين رحت ع مرتي ع شغلها وتراضيت انا وياها بس حكتلي مابرجع من راسي لازم تشوف اخوي حكيتلها امرك اخذت اخواني جاهه تاني يوم ورحت عليه رجع كحشني انا واخواني وتسود وجهي اخواني ما اتحملو انهم ينكحشو وصارت مشكله طويله عريضه ع باب بيتهم وانا وافزع بين هذول وهذول وبعدين اخذت اخواني وروحت بعد ساعه اجاني تلفون من مركز امني رايح مشتكي علينا انه احنا ضاربينه واحنا والله مالمسناه بس هيك تبلي وحاليا انا وقعت بحيره المرا بطلت ترجع لانها مصدقه انه احنا ضربنا اخوها واهلي بحكولي اذا بترجع مرتك منتبرى منك وانا بحب مرتي ومابستغني عنها وماخليت واسطه لحتى ارجعها ومافي شي زابط ومش عارف شو اعمل انصحوني ماخليت باب ماطرقتو

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 13416


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	01-03-2021 09:38 AM سرايا
2 -	عادي كل واحد بصير معو هيك لا تستغني عن مرتك عشان اخوانك صارت معك مشكله صغير اخوانك خيروك بينهم وبين مرتك	01-03-2021 10:18 AM عادي جدا التبليغ عن إساءة
3 -	يزم اذا من مشكله صغيره اهلها هيك عملوا سيبك منهم طالما الامور وصلت شرطة	01-03-2021 11:26 AM انت الشبب التبليغ عن إساءة
4 -	المره بتجيب بدالها ميه بس كرامه أهلك من وين بتجيبها ول الباقي عندك	01-03-2021 01:50 PM بدون إسم التبليغ عن إساءة
5 -	طلقها يزم طلقها ... طلقه وحده بتصحيهم كلهم ... وبعدين رجعها	20-03-2021 04:02 PM انا التبليغ عن إساءة