سرايا -
سلام عندي مشكله زوجي افقدني لذة الحياة عندك حل يرجعني ابتسم من قلبي
انت او انتي يمكن يكون تعلقيك الو تأثير عليه ف رفقا بلقلوب
رغم اني عمري ٢٤ ولسه صغيره وجميله وعندي مشروعي الخاص في ودخلي شهري بتعدا ١٢٠٠ دينار اردني (( مع العلم مشروعي بلشتو من نفسي من تحت صفر بدون دعم مادي او معنوي من اي شخص))ولكن شو ما اعمل ما بحس بقيمة الحياه اي شيئ بشتري او بعملو ما بحس الو قيمه
اطلع ع اجمل الاماكن ما بحس براحه او الانبساط
رغم اني بتصدق واني برا ل اهلي وداعم الاول النفسي والمعنوي والمادي لزوجي لكن زوجي عندو مشاكل والنا ٥ سنين ما انجبنا وهاد ب ايد ربنا وانا ما خلت دكتور او علاج غير قدمتلو يا حتى معنويا ونفسيا برفعو ل اعلى المستويات وغير انو بعنفني جسديا ونفسيا بحجة انو بس عم يسكتني واعتمادي جدا جدا بعطل كتير وهو كريم ع بيتوو بس الي شخصيا انا يجبلي اشي لا ما بعملي اشي
)رغم كل شي في مو حلو في شغلات حلوه او يمكن انا لاني بحبو بشوفها حلوه وصدقا انا ما بحس الى معو ب الأمان ولو كل زلام دنيا ئدامي ما بحس اني قادره اطلع مجرد نظره بغيرو ما بعرف هو كرهني لزلام ولا لاني بحبو
ما بحب اطلع ولا بحب اشوف العالم الخارجي بحب اضل بحالي ما بختلط ب بيت اهل زوجي ما عندي صحبات كلها ع تلفون بس لانو طبيعه شغلي بتحكم عليه اتوصل مع ناس ع تلفون ما بعرف جيران ما بطلع غير مع زوجي
ملاحظه انا اتزوجت قبل بمرة وعمري ١٦ سنه وعانت جدا من مشاكل نفسيه بسبب للمجتمع وما تمت ٣ شهور وطلبت طلاق لكن كنت طفله فعلين

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا