سرايا - السلام عليكم انا شب ما كنت تؤمن بالحب ولا عمري حبيت كنت اشوف بنات حلوات واتعامل معهن بس عمري ما حبيت فجأة بنت اعترفت بحبها الي وحبيتها وتعلقت فيها لأنه الي شفته منها غير عن الكل وصارت اغلى اشي بحياتي ووعدنا بعض بالزواج طبعا انا فهمتها من بداية اول يوم النا أنه بدي سنتين لحد ما اخطبها رسمي ووافقت وكانت طايرة فرح وتعلقت فيها لدرجة لما تتاخر بالرد افكر فيها بلوة أو اشي مرت الايام وبعد سنة حب البنت تغيرت معي والسبب اختها عرفت وصارت البنت تحكي معي بسطحية وتحكي كلام ما تعودت أسمعه منها عن شغلة انت مو جاهز والقسمة والنصيب وهيك كلام لحد ما اجى اليوم الي حكت الي فيه انا كل اشي من جهتك انتهى وتركتني على الرغم من اني احبها وهي تعرف أنه اموت فيها ومتعلق فيها وتركتني وانا من يومها حاير وحاس حالي رح اطق ونفسيتي مدمرة كل ما افتح التلفون على محادثتها ابكي ودموعي تذبحني اعطوني نصيحة ارتاح عليها شو اعمل عشان اقدر اريح حالي لأنه كل ما اتخيلها مع غيري خاطبة اموت زعل وادمع بالله عليكم ريحوني شو اعمل كيف انساها

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا