سرايا - انا بنت عمري 27 ما الي خوات بنات اشاركهم همي لهيك حبيت احكي الكم.. يا اخواني تعبت والله تعبت عمري ما حسيت اني مبسوطه من جواي من آخر سنة تخرج لليوم مش زابط معي اشي حتى كان نفسي اللبس روب التخرج بس راحت بنفسي صرت اكره اقعد مع العالم واضل لحالي سكرت كل اشي اسمه وسائل تواصل اجتماعي وقطعت علاقتي مع صاحباتي من اسألتهم البايخه ششو صار معك ما توظفتي ما تزوجتي وااال لساتك وهيك بكل مكان ومناسبه حتى قلت خلص بكفي يعني لا بحب انشر ولا بحب اشوف اخبار الناس ولا بدي الناس اتابع اخباري حاولت اكسر هالحاجز واطلع اشتغل بس عبث برجع لحالتي رحت لدكتور حكالي عندي اكتئاب حاد ومنه ما قدرت اكمل تركت الشغل علما انه الشغل كان مش مكفيني مواصلات وكان بعيد عن اهلي فقلت خليني ارجع لقعدة البيت بلكي بصير احسن ورجعت في البيت وما ادراكم ما قعدة البيت يعني زادت الطين بله على تسميع حكي وما حدا عارف شو جواي الا رب العالمين وانا ما ببين للناس الي حوالي للاسف وضع اهلي المادي سيء والدواء الي كنت اخذه حقه عشرين دينار يعني غالي شعوري مثل حدا مربوط برجله حجر كبير وواقع ببركة مي

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا