سرايا - "مرحبا بعرفش بشو بدي ابلش بس ليش شو ما عمل الأب بطلعلو حتى لو دمر ولادو
انا قصتي زي اي شب بحب الفوطبول (كرة القدم) كتير وكنت العب بنادي محلي المهم بعد ما تفوقت واثبتت حالي هون قررت اني أبلش العب ب أوروبا مع نادي في ألمانيا كنت مبسوط كتير وكان كل اشي تمام وجاهز النادي قبلني ووراقي كلها سليمة لحد ما حكيت لأبوي عن الموضوع وكنت متأكد رح يوافق لأنها شغلة مش صغيرة بس فاجئني انو ما قبل وضليت اقنع فيه عالفاضي
كانت حجتو انو بأمنش علي ببلاد برا وانو الشغلة مالهاش بالتعليم مع انو مطلع اخوي من قبلي يدرس ب أوروبا بس انا ولا عمري حبيت الدراسة والجامعات انا هون بطلت عارف شو اعمل وبطلت قادر افكر ومكنتش اقدر اصرف عحالي برا كان النادي مستني مني رد اسبوع كحد اقصى مر شهر وابوي معنّد والنادي بعدها بعتلي ورقة رفض والغاء عقد انا هون دخلت بحالة اكتئاب وبطلت انام بالدار واتعرفت على ناس الهم بالمخدرات والتعاطي وصرت زيهم قعدت 3 اشهر على هالحال لبين ما اتعالجت وانا هلأ بشتغل بالحرام وبطلت اشوف ابوي من سنة ولا هو بسأل ولا ع بالو بس كان هدفو يحبطني ويحرقلي مستقبلي

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا