حرية سقفها السماء

وكالة سرايا الإخبارية

إبحــث في ســــرايا
الخميس ,19 سبتمبر, 2019 م
طباعة
  • المشاهدات: 17906

تعبت من خدمة إخوتي الذي يرفضون زواجي .. ماذا أفعل؟

تعبت من خدمة إخوتي الذي يرفضون زواجي .. ماذا أفعل؟

تعبت من خدمة إخوتي الذي يرفضون زواجي  ..  ماذا أفعل؟

12-06-2019 09:12 AM

تعديل حجم الخط:

سرايا - أنا فتاة عمري 27

ابي متوفي وامي مريضه من 13 سنه قاعده ع الفرشه لا بتقدر توفق او تتحرك هي كبيره بالسن
لما كان صفي تاسع اول ما امي مرضت غبت عن المدرسه كنت بقول يومين ل تتحسن ومر 13 سنه وما رحت ع المدرسه من يومها
لاني انا البنت الوحيده بالبيت وعندي 9 اخوان
في 4 تزوجو وعمرو جنب بيتنا و الباقي الي بالجامعه او بيشتغل وفي واحد توجيهي
المهم
طول ال 13 سنه
الي مرو كنت بخدم امي وبحطها بعيوني
وبشيل البيت كلو ع راسي و بقعد مع ولاد خواني وبطبخ للكل لانه الاغلب عندهم دوام تخيلو كل يوم كل يوم بطبخ تقريبا ل 26 بني ادم
و برمضان هاي السنه حيلي اننهد كاني خدامه الصبح بضل عند امي ولولاد وبعد الظهر ببلش اطبخ اه من بعد الظهر لاني لحالي ووبدي اطبخ لعشيره الله وكيلكم ما حدا حاس فيني غير امي ..
هاد غير الكوي والجلي والغسيل ..
كان يتقدملي عرسان بس خواني كانو يطالعو 100 عيب وما يوافقو انا مرت علي فتره قلت بتجوز اي حدا اي حدا يعني تقدملي شب عادي بيشتغل بالجيش انا كنت موافقه بس خواني الي بيحكي انا ما ارتحتله والي بيحكي شغلو طويل ومرات خواتي الي بتحكي بيجيكي احسن هيك كل ما يجي عريس ما بخلو عليه اشي انا موافقه
بس اخلص من هالعيشه وبالرغم من هيك خواني معترضين بحجة مين حيضل عند امي وهيك انا والله بخدم امي بعيوني بس تعبت تعبت ..
مرت علي ايام برمضان تمنيت اموت جد اخوي بيزعم صحابو فبعمل الهم اكل وللعيله اكل والي ما بيعجبه وبيدو اكله خصوصي الله وكيلكم كاني خدامه وكلمة شكرا ما بسمع ومرات اخواني ولا كانو الهم علاقه بياكلو وبروحو ..

وبس اشتكي بيبلشو هاد الي شاطرهه فيه وشو نعملك اذا ما في حدا اجى يطلبك وهاي امك وانتي مجبوره ومن هالحكيي
تعبت تعبت من هالعيشه
كل يوم طبخ جلي تنظيف غسيل .. انا ضاع عمري ع هاي الحاله
والمشكله كل الشغل الي بشتغلو وببين ولا كاني عامله اشي اولاد خواني بكوون بشتغل بيحوسو البيت وراي بكون لسا مخلصه تعزيل الغرفه وطالعه منها الي ربع ساعه برجع بلاقيهم قالبينها قلب
واذا بهاوشهم خواني بقومو علي
تعبت وما حدا حاس فيني شو اعمل
احكولي شو اعمل صحيح شخصيتي ضعيفه بس انا خلص تعبت صدقوني لو كتبتولي حل مقنع لاعمله احكولي شو اعمل "

لتحميل تطبيق "شرق" : اضغط هنا






طباعة
  • المشاهدات: 17906
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
12-06-2019 09:12 AM

سرايا

2 -
الحل بسيط جدا اذا جاءك من يطلبك للزواج ارفعي امرك للقضاء الشرعي الذى سيقوم بارغام اخوتك على تزويجك وهنا عليك الاشتراط على من سيتقدم للزواج منك ان تكون امك معك في بيت الزوجية وبذلك تتخلصي من رفض اخوانك وتحافظي على العناية بوادتك وبرها
12-06-2019 09:24 AM

موسى راجح حسن

التبليغ عن إساءة
3 -
بس يتجمعوا كلهم عالغدا يوم الجمعة افقعي جرة الغاز في الدار و شيلي فيهم كلهم

الله يفرجها عليكي
12-06-2019 11:39 AM

مواطن

التبليغ عن إساءة
4 -
لا تتسرعي بموضوع الزواج وتصيري مثل اللي طلع من حفرة ووقع باكبر منها. بس اذا اجاك ابن حلال لازم ساعتها اخوانك يشوفوا حل. والحمل اذا توزع بنشال. يعني يصير مداورة على خدمة والدتك. او يجيبوا شغالة
12-06-2019 12:27 PM

المتوكلة

التبليغ عن إساءة
5 -
بسيطه أختي إلي تعمليه أقعدي أسبوع كامل تخدمي أمك بس يعني لا تطبخي لحد غيرها مش مجبوره بخوتك كل واحد عنده مرته بتطبخله أخدمي أمك أسبوع أو أسبوعين وشوفي الفرق لي بده يصيح ويعمل مشاكل ولا تهتمي ضلك جنب أمك خلي نسوانهم تتحرك كمان سقااعه
12-06-2019 01:04 PM

التبليغ عن إساءة
6 -
اهتمي باَمك وباخوانك يلي بالبيت وخلي الباقيين يدبروا حالهم لأنه انتي مش مجبوره تشتغلي وتطعمي نسوان اخوانك.

بس انتي حكيتي انك البنت الوحيده من وين طلعوا خواتك يلي بتحكي عنهم.

الله يهدي بالك ويفرجها عليكي ويرزقك كل يلي بتتمنيه.
13-06-2019 03:44 PM

أمونه

التبليغ عن إساءة
7 -
ضعف شخصيتك وسذاجتك هي سبب جميع مصايبك
13-06-2019 06:54 PM

عبدالله ش .ش

التبليغ عن إساءة
8 -
اولا لا تحتاجي للثناء ورضي الله عليك انشالله في ميزان حسناتك
14-06-2019 12:01 AM

اخت كريمه

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم