ابن الجيران يضايقني .. ماذا افعل

03-06-2019 11:02 AM

تعديل حجم الخط:

سرايا - "دائما بسمع قصص لبنات بيستكو وما بيدافعو عن حالهم اذا حدا ضايقهم ..
كنت استغرب انو ليش تسكتي عن حقك لحد ما اجا اليوم وتعرضت لنفس الموقف

ابن جارتنا صارلو فتره بيلحق فيني وبيسمعني كلام مش منيح ابدا
وبس ما يكون في حدا بالشارع بيحاول يلمسني انا طبعا بهدلتو مره مرتين ثلاث بعدين تعبت

وحكيت لبنت خالتي القصه وانو بدي اشتكي عليه لابوه او احكي لبابا واذا ما نفع الشرطه..
بس بنت خالتي صارت تسألني يعني كيف هيك فجأه صار يتحركش فيكي .. انتي كنتي تحكي معو . معقول هيك لحاله بلش يتحركش فيكي ..انا هون نصدمت حكيت اذا هيك بنت خالتي الي متل اختي واكثر حدا بيعرف اني مش تبعت هيك حركات فكرت هيك كيف العالم الثانيه رح تفكر

حاولت احكي لماما عن الموضوع بس حكيتلها ان صاحبيتي صار معها هيك شو تعمل
حكتلي ما بتحكي معها صاحبيتك هاي انا لو محل امها ما بطلعها من البيت وتحولت ماما وصارت حدا تاني وحكتلي اذا بترجعي تحكي معها يا ويلك ومن هالحكي
سؤالي انا هلا تعبت من هالشب شو الحل معو بدي حل بس بدون ما اهلي يعرفو لانو واضح اذا عرفو ما رح يتركوني بحالي ورح يصير الوضع اسوء"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 24546


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	03-06-2019 11:02 AM سرايا
2 -	يلعن ابو الحياه يلي بتخلي الاهل يمشوا عكس الدنيا..	03-06-2019 01:14 PM امونه التبليغ عن إساءة
3 -	روحي اشكي عليه لابوكي وصري انكم تشكوا عليه للشرطة. والاهل رح يكونوا معك حتى امك. ووكلي وفوضي امرك اى الله. لانه كل ما تاخرت في التصرف هو رح يتطاول اكثر وتكوني انت وسمعتك على المحك	03-06-2019 05:26 PM ناصح التبليغ عن إساءة
4 -	على مين قاعدة بتتخوثي ؟؟ لو إنك ماشية دغري ؛ مابسترجي حدا يلمسك قال ... بضايقها ... قال	04-06-2019 10:00 PM على مين قاعدة بتتخوثي ؟؟ التبليغ عن إساءة
5 -	خلص اتجوزيه وبتنحل المشكلة ... أو خلليه يتجوز بنت خالتك .. أو أحسن شيء تجوزي أبوه وهيك بتصيري مرأة أبوه وبتخلليه يمشي دغري معاكي	05-06-2019 02:04 PM مهستر التبليغ عن إساءة
6 -	يعني عرفتوا ليش الناس بتلاقيها بتحكي عن أهل القرى ؟ لإنهم عنجد متخلفين و مش منصفين و دايمآ بوقفوا مع الشب حتى و لو غلطان و بلوموا البنت حتى ولو إنها ضحية !!! شفتوا كيف إنه عقلهم أعوج ؟ مهو لما مجتمعكم يرحم الشب و يحكي إنه الشب ما بنعاب فهيك هو بتمادى و بتجرا يتحركش حتى ببنات جيرانه .. عنجد ألله يعينكم على عقولكم بس.	06-06-2019 02:58 PM إنتوا شكلكم ساكنين بقريةرجعية صح ؟ التبليغ عن إساءة
7 -	فعلآ إنك واحد وقح . يعني عينك عينك قاعد بتبهدل بالبنت و بتحكيلها إنها هي يلي معطيته عين ؟ بما إنك بتدافع عن إبن جيرانها الهامل معناها انت هامل متله صدقني . كتير في شباب وقحة بهالدنيا بتكون البنت ماشية بالشارع و بيجي واحد يلاحقها من شارع لشارع كتير هيك بنشوف حالات . و قمة الوقاحة إنكم تحطوا الذنب ذنب البنت . حتى و لو كانت مش لابسة أواعي بالمرة ما بطلعلك تتحركش ببنات الناس و خلص .	06-06-2019 03:03 PM ناريمان إلى تعليق رقم ٣ التبليغ عن إساءة
8 -	حبيبتي انت صغيره وصبيه لازم تخبري امك ادا ما بدك امك احكي لابوك واتركي الكبار يتصرفو	09-06-2019 03:14 PM اخت كريمه التبليغ عن إساءة
9 -	روحي تدربي كاراتيه مثل الصينيات والتايوانيات وطعميه دفشات وشلاليت وبكسات واعملي فيه عاهه دائمه	13-09-2019 10:12 PM بداح التميمي التبليغ عن إساءة