سرايا - اعاني من مشكلة، واحتاج الى سماع آراء المختصين، انا بنت عمري ٣٠ سنة على علاقة مع شاب عمره ٣٨ سنة من جنسية عربية غير جنسيتي وكل حدا منا عايش في بلد، صارلنا بنحب بعض ٣ سنين، وتعرفنا على بعض من خلال الشغل، انا مخلصة دراسات عليا وبشتغل شغل كتير منيح ومستقلة وهو شاب محترم على خلق رفيع ويشغل منصب مهم في دولته، وشغله ماخد كل وقته وحياته شخص عملي كتير وجدّي لدرجة قاتلة ،، ومش عاطفي ابدا،،، غير انه ممكن يقعد شهر كامل ما يتواصل معي لأنه مشغول ، وكتير مرات طلبت منه انه اذا مش مرتاح معي يتركني لكن هو مصر انه بحبني، واحنا ممكن كل شهرين او ٣ نتقابل ووقتها بيعمل اي شي لحتى يسعدني ويرضيني ، المهم انا كل ما بفتح معه موضوع الزواج بيحكيلي مش هلا ، رغم انه جلسنا وحكينا وطلبت منه اذا ما كان شايف اني شريكة حياته المتاسبة يبلغني وانه رح اتفهم لانه الحب شي والزواج وابشراكة شي تاني،، بس هو كان مصر انه انا الوحيدة اللي ممكن يفكر يتزوجها، بس مش قادر يقدم عالخطوة وهو نفسه مش عارف ليش، طبعا هو جاهز ماديا واجتماعيا ما عنده سبب يمنع، الا انه بيكره افتح هالسيرة وبينجن، رغم انه هو حابب هالشي واهله كتير بيضغطوا عليه بس دايما جوابه ان شاء الله قريب او لما استقر، مو عارفة احل هالمشكلة عنده..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا