اخي يريد ان يطلق زوجته .. ماذا افغل ؟

31-05-2019 12:40 PM

تعديل حجم الخط:

سرايا - يا جماعة انا اخوي ومرته واصلة بينهم للطلاق على سبب سخيف كثير ، اخوي ساكن بعيد عنا يعني بيننا 20 دقيقة بالسيارة من سنة قرر يبني فوقنا وييجي يسكن هو وياها فيه عشان يضل قريب منا وهي من الاول رفضت بس ما رد عليها وهلئ لما جهزت الدار وقرر ينقل عنا هي رفضت وراحت عند دار اهلها وحاليا عم بنقل عنا ومو راد عليها ، السبب حسب كلامها انها ما بدها تكون قريبة من جو العيلة والسلفات بدها تكون ضيفة مع انه ورب العزة انه سلفاتها كويسات معها وكل وحدة قاعدة بشقتها وما بتدخل بالثانية وامي مثل امها الثانية يعني لو سكنت عنا ما حد رح يدايقها ، والسبب الثاني انه احنا ساكنين بقرية وهي بدها تضل بالمدينة ، ما بعرف عنها يعني احنا بدنا ناكلها اذا سكنت عنا ؟؟ بعرف رح تحكولي ما تدخلي بين اخوكي ومرته وانا اصلا مش متدخلة بس قاعدة بفضفض الكم قديش هي مستهينة بخراب بيتها وتشتيت اولادها ، وعلاقتها مع سلفاتها بس تيجي عنا زيارة بتكون متل العسل من كثر الاحترام بينهم وامي مش لانها امي بس هي كثير كويسة مع كناينها"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 14481


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	31-05-2019 12:40 PM سرايا
2 -	وين جماعة ال"يع شكلو قروي" يجيو يعطونا رأيهم بالموضوع, خلينا نتثقف شوي من افكارهم	01-06-2019 10:12 AM غريب القروي التبليغ عن إساءة
3 -	والله مرة اخوكي معها حق لا تواخذيني العيشه القريبة من الاهل بتموت العلاقات الزوجية وبتعمل مشاكل ... المثل بقول ابعد تسعد و المثل كمان بقول مركب الضراير سار والسلفات ما سار ... العن من السلفات ما في لا تقوليلي كويسات وطيبات مع بعضهن بس من سابع المستحيلات ما يصيرن ينكشن لبعض وخاصة اذا شافن وحدة زوجها بحبها ومهتم فيها ومتهنيين مع بعض ... نصيحتي اهدوا على اخوكوا وخليه يظل ساكن محل ما هو ساكن اصلا وبلاش خراب بيوت حرام ... حبي لمرة اخوكي اللي بتحبيه لنفسك	01-06-2019 02:31 PM عصفورة التبليغ عن إساءة
4 -	أخوك غلطان معظم النساوين مابطيقوا يعيشوا في بيت حماها وحماتها حتى لو كانوا ملائكة اقنعوا أخوكم وقولولوا بلاش هبل يا أهبل	05-06-2019 08:15 PM عبدالله ش . ش التبليغ عن إساءة
5 -	ولا وحدة بالدنيا كلها بتطيق تعيش بجو عيلة أهل جوزها طبعآ .. و لو البنت شايفيتكم كويسين معها أو ما بتتدخلوا فيهم أو بتربية اولادها أو كذا كان رضيت تسكن عندكم . بعدينمين المجنون يلي بحب يسكن بقرية و يترك المدينة ؟ طبعآ هناك الناس أرقى بالمدينة من القرية و تفكيرهم مش رجعي متل القرى . وحتى لو كنتوا انتوا ساكنين بمدينة فما رح تتدخلوا ببيت إبنكم متل لما تكونوا بقرية تحبوا تمشوا عاداتكم و تقاليدكم عالكنة .	06-06-2019 02:04 PM فدوئ التبليغ عن إساءة
6 -	مش عارفه والله اولا انت كتير بتحبي مرت اخوك واخوك لكن اخوك رجل عنده ظروف ما بقدر يشتري بيت في عمان واضح مىت اخوك غلطانه لازم توقف معه علي السراء والضراء ظروفه ما بتساعد	09-06-2019 03:40 PM اخت كريمه التبليغ عن إساءة