خطيبي هادئ جدا ولا يعطيني مصروفاً فماذا أفعل؟

18-05-2019 10:33 AM

تعديل حجم الخط:

سرايا - انا بنت عمري ٣٢ خطبت قبل ٦شهور خطيبي كل العالم بتحسدني عليه بس انا مش مرتاحه معو ما بحكي معي غير باليوم ربع ساعه بصير بدو يروح كل كلامو ع الشغل ما بعرف يحكي معي كلمتين ع بعض معي اول شي كان يعطيني مصاري كل أسبوع ١٠ دنانير وبعدين صارو خمس دنانير الو ٣ شهر ما أعطاني شي وانا ما حكيت شي كل شي انا الي بعملو حتى جهاز البيت ما الو رائيك وذوقو مش حلو ما بعرف يحكي كلمتين ع بعض مع انو مش صغير ولحد الان انا ما حبيتو حاسو انسان عادي حتى لم يجي عندي نفس اللبس ما بغير من حالو شي بحاول اتقرب منو بس مش قادره مرات بخاف منو ما عم بنام الليل من التفكير عرسي بعد العيد خايفه اكمل اندم وخايفه ابعد نفسي يكون عندي أولادك نفسي اعيش زي هالعالم بس نفس الوقت خايفه كمان اهلي بضلو يحكو ما رح تجيكي فرصه ثانيه انتي كبيره كل اخواني واخواتي متزوجين ما حد سأل عن حد شو اعمل انصحوني بدون تجريح بكلام والله نفسيتي تعبانه

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 20462


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	18-05-2019 10:33 AM سرايا
2 -	يا خيتي عمرك 32 .. اظن بكفي اللي مثلك ما بحس بالنعمة الا لما تروح من ايدو اللي ذكرتيه بخطيبك مش سيئ لهالدرجة صحيح الاهتمام مطلوب ومهم بس خطيبك مش سيء وانت نفسك قلتي هادي وكل الناس بتحسدني عليه وياستى لو ما اعطاكي مصروف شو يعني .. ما خربت الدنيا (طالما مش بخيل) كونك ما ذكرتي البخل عنجد شي عجيب قلتي ما الو راي وذوقو مش حلو ونفس اللبس وما بغير من حالو طب يا ستى انتي غيريه ولو ما اخد رايك بتصيري تقولي متسلط ليش ما تنظري للموضوع بإيجابية انو مثلا هو بدو يعطيكي مطلق الحرية باختياراتك قال شو .. ما بعرف يحكي معي كلمتين .. انت لحلحيه بالحكي اذا هاي رغبتك .. هاد خطيبك مش حد غريب والا بدك خطيبك يكون تبع بنات حتى يكون لبلب وملسن بالحكي مثل فلان وعلان احكيلك شي .. وعيني بعينك مشكلتك انو عندك مقارنات بفلانة او بفلان او كان في قبل هيك حد بحياتك ولساتك بتقارني لا تكذبي على حالك الواحد ممكن يضحك عالناس بس ما بضحك على حالو اطلعي من هالدائرة الصغيرة اما لما حكيتي مرات بخاف .. فشعور طبيعي انك تخافي وبجوز تكوني بكيتي بعد اول قعدة من كتب الكتاب .. مو لانو الشخص الغلط .. انما لانك بتفكري بحياة جديدة لانها مو مسأل يوم ولا يومين .. هذا عمر كوني متصالحة مع نفسك العمر بمشي وما بستنى حدا وصدقيني اذا راح من ايدك الا تاكلي اصابعك ندم اللي راح راح .. وما رح يرجع (عمرك 32) الحقي كوني اسرة وبيت واولاد وعيشي حياتك (عمرك32) بالمناسبة .. انا حكمت بس على كمية المعلومات اللي انت حكيتيها اما اذا في اشياء تانية فالحكم بختلف بس ما حسيتك ذكرتي صفة بتعيبو لا بشرب خمرة ولا تبع بنات ولا حتى ذكرتي انو فقير بجوز بدها شوية اهتمام وهاي بتيجي مع الوقت.. بس انت وشطارتك اقلك شغلة .. صدقيني لو قلتيلي بخيل الا اقلك ما بدك اياه (تخيلي لوين ) بس انو على اي اساس وافقتي عليه بالبدابة شو هو الحد الادنى من الصفات اللي خلتك توافقي عليه يا ترى!! كان نفسي اعرف شو حضرتك دارسة .. شكلك طموحة .. ولا شك انو الطموح حلو .. وحلو كثير بس ما بدنا نخلي زيادة الطموح يضيع علينا الفرص على كل حال اذا انتي حاسة حالك مقهورة ... استخيري اما (فلان) انسيه ... انسييييييه .. العمر بمشي يختي وسامحيني اذا كنت قاسي بالحكي بس صدقيني اولا واخيرا الهدف هو مصلحتك موفقة	18-05-2019 01:35 PM أحلى شب بأخلاقي التبليغ عن إساءة
3 -	خطيبي هاديء جدا !!!!!!!!!!!!.. يعني بدك اياه زعبور والا انه ما بعطيكي مصروف هاي اللي مزعجتك ماله رأي بجهاز البيت !!! ذوقه مش حلو !!!!! حاسستيه انسان عادي .. يعني لازم يكون من الفضاء ما بعرف يحكي كلمتين على بعض .. طيب بلكي لسا مش متعود !!! هاي مش اسباب كافية لتتركيه شوفي حبيبتي .. فيكي تتركيه .. بس ازا بتضمني ييجي اللي احسن منه طيب واذا اجا قديش بكون عمرك مثلا (40) لا تنسي انه الناس بتحسدك عليه على حد تعبيرك انت بنعمة غيرك بتمناها	18-05-2019 05:41 PM مشاكسة التبليغ عن إساءة
4 -	صحلها جوز قالت عنه اعور	19-05-2019 09:13 AM فرزاتشي التبليغ عن إساءة
5 -	أول شي هذا زوجك شرعآ ، و من الآن هو يلي مجبور بالإنفاق عليك حتى ولو إنك ما زلتي ببيت أهلك ، بس شاطرين الزلام يزعلوا منا لما إنا ما نسلمهم أنفسنا و احنا خاطبين و يحكولنا منتي زوجتي شرعآ و حلالي غصب عن الراضي و الزعلان !!! طيب بما إنها زوجتك شرعآ معناها واجبك تنفق عليها . و عدا عن هيك ما في خاطبين بحكوا مع بعض باليوم ريع ساعة . أنا بطلب منك تبحثي بالموضوع و تشوفي عند التقارير الطبية إذا عنده خلل جنسي أو لأ ؛ لإنه حتى ولو ما في كلام مشترك بيناتكم ، بس عالأقل الرومانسية و الكلام الجنسي تلقائيآ بيجي . النهاية أنا بحكيلك ما بدكياه لإنه احتمال كبير قاعد بتهرب منك . عيشي عند أهلك معززة مكرمة أشرفلك من زوج مش نافع .	19-05-2019 09:45 AM رزان التبليغ عن إساءة
6 -	انا مش شايف وين المشكلة يجوز الزلمة مشغول عن تغير اللبس وما بيعرف كلمتين على بعض هذا احسنلك انو ما ما يرغي مع بنات وبعدين انت تنظري لشغلات تافهة صراحة وانا رجال وكل ما تقولية انا كنت اعلة باستثاء اني مش بخيل وتغير اللبس بس انت انظري لجوهرة قلبة وصممية هاظ المهم اي اغلب البنات صراحة ظاهريات بس	19-05-2019 10:43 AM مكبرة الموضوع التبليغ عن إساءة
7 -	يعني الكلام الليح كيتيه لو حكتو وحدة بعمر ال20 الواحدة بيحكي ماشي .. بس وحدة اللي من عمرك مرية اجيال وهيك بتفكر والله الواحد احتار مع حوا كلها ما في شي عاجبها .. ةبتضل تتعنطز باللي بجيها وبالاخير بتاخد واحد مطلق او ارمل وعندو اولاد او وسوري عالكلمة بتفلت وبتكون على حل شعرها .. استهدي بالله وما تضلي تقارنيه بناس تانية .. وانستري .. والله يصلح حالك ويوفقك	19-05-2019 11:11 PM عاشق التبليغ عن إساءة
8 -	أحلى شب بأخلاقي كفى ووفى ما رح احكي كثير. بس يا بنتي (مع انك جيلي) الطباع الي ذكرتيها فيه سهل تغييرها مش صعب . مثلا اللبس كل مناسبه اشتريله لبسه واحكيله حاب اشوفك فيهم. اما بالنسبه للمصاري انا مش عارف من متى الخطيب ملزم يعطي خطيبته مصاري وهي لساتها عند ابوها مني وعلي خطبت سنتين وما كان يعطيني مصاري ولا كنت انتبه انه هو مثلا لازم يعطيني وبعد الزواج الحمدلله اكرم منه ما فيه .مش عارف كيف البنات صايرات يفكرن مثلا هو صراف الي لازم تكسب منه ولا ايش مش قادر استوعب بالزبط. اما بالنسبه لانه ما بعرف يحكي كلمتين عبعض هاذ بكون ما اله سوابق مع البنات عشان هيك يا حبيبتي . اتزوجي واتكلي عالله ورح تدعيلنا	20-05-2019 10:27 AM لين التبليغ عن إساءة
9 -	إذا إنت هبلة و كان خطيبك بخيل و ما يعطيك مصروف و انتوا خاطبين شو ذنبنا احنا ؟ بدك تقنعيني إنه في زلمة طبيعي ما بعطي لخطيبته مصروف بكل زيارة ؟ لا بالمرة احكي هي تعطيه ههههههههه عنجد زلامكم نايطة و اتكالية و مش قد المسؤولية .. الحمد لله إني مش قروية الحمد لله إنه تفكيرنا راقي و مش متحيز أو ظالم .	23-05-2019 03:13 PM سبأ إلى لين التبليغ عن إساءة
10 -	اول مرة بسمع عنا بالمدن حد بيعطي مصروف,, يع هو لسا في ناس هيك تفكر؟ يعني انتي بتستني مصروف؟ فعلا يععععع يععععععععع	28-05-2019 01:29 PM الى سبأ التبليغ عن إساءة