حرية سقفها السماء

وكالة سرايا الإخبارية

إبحــث في ســــرايا
الأحد ,25 أغسطس, 2019 م
طباعة
  • المشاهدات: 24039

خلالفات مع زوجي بسبب لعبة ببجي

خلالفات مع زوجي بسبب لعبة ببجي

خلالفات مع زوجي بسبب لعبة ببجي

14-05-2019 09:37 AM

تعديل حجم الخط:

سرايا -

انا بنت واعية مثقة بنت عالم متعلمة وبشتغل شغل منيح ووضعي المادي ممتاز وعندي من الجمال كفايتي
خطبت من سنتين وتزوجت من سنة واجاني طفل من شهرين

زوجي ما كنت بعرفه كان زواجنا تقليدي بس حبيته من كل قلبي واعطيته كل مشاعري وحياتي ، ما بقصر معه بشي ، قبل ما يطلب الطلب بكون عنده وهو بالبداية حبني وكنا كتير مبسوطين

اللي صار انه بعد زواجنا بشي ٥ اشهر نزلت لعبة ببجي اللي كلكم بتعرفوها ، نزلها زوجي وبلش يلعب وبلش يتعلق فيها واللي بعرف هاي اللعبة بعرف انه الانسان اللي بلعبها ببطل يسمع ولا بحكي مع اللي جنبه واقل جولة فيها بتاخد ٢٥ دقيقة ، بالبداية حكيت عادي بعدين زاد الموضوع صرت بحكي يللا الدنيا شتوية بلاش احرمه وعشان ما احس بفراغ دخلت اللعبة وصرت العب معه عشان نكون عالاقل بنعمل نشاط مشترك ، زاد الوضع بزيادة وانا كنت حامل وصرت اتعب وبطلت العب حكيت يللا معلش اكيد هو بزهق خليه وشرطت عليه انه بعد ال ١٢ بالليل ما في .. حكالي ماشي وما طبق وصار يلعب بالميت ٣ ساعات باليوم وبسهر كتير عليها وبسهرني معه لاني ما بنام الا لما يخلص وطبعا تاني يوم بتطلع روحي وانا بصحيه ،، تطور الموضوع صار يلعب مع بنات ، صرت لما احكيله يحكيلي ما بحكي معهم رد تطور الموضوع وصار بحكي معهم

كل فترة بنتزاعل وما في فايدة مستحيل يمضى يوم واحد بلا ما يلعبها .. بعد الولادة رحنا سافرنا عشان نغير جو وشرطت عليه قبل السفر انه ما بلعب لحتى نرجع ووافق وكان بالاوتيل يضل ماسك هالتلفون ويلعب

طبعا بالبيت يا دوب نحكي مع بعض كلمتين وصرنا بعاد كتير عن بعض بطل يهتم فيي وبطل يسمعني ولا بحاكيني واصلا لما بدي احكي معه كلمة بعيدها ٤ مرات وهو بكون متبع وبالاخر بزعل بحكيلي سامعك سامعك وهو مش كعي ابدا كل هاد وهو ابدا مش حاسس

حاليا انا جد وصلت لنقطة النهاية مش قادرة اتحمل اكتر مقهورة ومش عارفة اتصرف بحس حالي تزوجت بس عشان احمل مسؤولية طفل والبي طلبات الزوج بدون اي وجود الي ولكياني .. ناوية ادخل حد من اهله وبفكر ازعل اروح عند اهلي واكبر الموضوع

ممكن حد يشور علي بطريقة اتصرف فيها بعقلانية "


لتحميل تطبيق "شرق" : اضغط هنا






طباعة
  • المشاهدات: 24039
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
14-05-2019 09:37 AM

سرايا

2 -
الله يهديه ويرجعله عقله
14-05-2019 11:05 PM

متابع

التبليغ عن إساءة
3 -
عادي العبي معه بابجي
15-05-2019 01:19 AM

محمد

التبليغ عن إساءة
4 -
ضيفوني نلعب هاد اسمي

Abushgra
15-05-2019 03:32 AM

أحمد

التبليغ عن إساءة
5 -
استشيري مستشار اسري وعلاقات زوجية يمكن يقدر يفيدك، نحن ممكن نعطيك حلول بس ممكن تدمر حياتك أكثر، على كل حال حاولي تطلبي منه جلسة خاصة عشان تتناقشوا في هذا الموضوع، اخبريه انك تشعري بأهمال منه وأنك محتاجه للتحدث معه بإستمرار واللعبة شاغلته كثير عنك، حاولي تعرفي شو السبب اللي يخليه يحب اللعبة كثير، ربي يهديه ويسعدك

15-05-2019 04:15 AM

علي

التبليغ عن إساءة
6 -
سيبيه وروحي بيت اهلك

وقدمي شكوه في ادارت الالكترونيات
15-05-2019 04:28 AM

محمد علي

التبليغ عن إساءة
7 -
اتطلقي منه عمره ما راح يتركها و عيشي عشان مستقبل ابنك و بس ما راح اتضيعي بدونه لانك ضايعه معه
15-05-2019 06:25 PM

عماد

التبليغ عن إساءة
8 -
طولي بالك شوي بعرف انه يلي بتعاني منه اشي مش سهل بس فكري بالموضوع تخربي بيتك مشان لعبة.. لازم تدخلي اهلو بالموضوع خصوصا ابوه اذا عايش أو حدا كبير بمون عليه يخليه يمسح اللعبة واذا ما رضي اقترحو عليه يلعبها يوم بالأسبوع انا ادمنتها 3 اشهر و تركتها الي 4 أشهر

15-05-2019 07:00 PM

حسام

التبليغ عن إساءة
9 -
هاد ما الها حل غير انتي اتوقفي عند حده وتركي اسبوعين لما الجوع واقلت النظافه تأثر فيه بعرف قيمتك
15-05-2019 07:18 PM

ابو العبد

التبليغ عن إساءة
10 -
انا مع تعليق رقم 8
15-05-2019 11:21 PM

التبليغ عن إساءة
11 -
يا انا يا ببجي

16-05-2019 12:54 AM

فادي سمهوري

التبليغ عن إساءة
12 -
هاي الحياه بدك تتحملي شوي الله بهدية ويترك هاي اللعبة
17-05-2019 04:42 PM

سلامه

التبليغ عن إساءة
13 -
طيب شو دخل إنك بنت واعية و مثقفة و متعلمة و إنك بتشتغلي و وضعك المادي كويس يا عريطة ؟

خير الكلام ما قل و دل .

المهم ما علينا .

يلي بنزلوا هاللعبة عنجد إنهم فاضيين أشغال ، و الزواج يلي ما فيه اهتمام و كله تطنيش هيك بعمل جفا فلذلك أنا بحكيلك دخلي أهله أو فعلآ روحي لعند أهلك ؛ لإنه عنجد الموضوع ما بنطاق هيك .

الله يفرجها عليك .
23-05-2019 03:41 PM

أم تولين

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم