حرية سقفها السماء

وكالة سرايا الإخبارية

إبحــث في ســــرايا
الأحد ,25 أغسطس, 2019 م
طباعة
  • المشاهدات: 18285

هل المواصفات التي اعتمدتها للزواج ستؤثر على حياتي ؟

هل المواصفات التي اعتمدتها للزواج ستؤثر على حياتي ؟

هل المواصفات التي اعتمدتها للزواج  ستؤثر على حياتي ؟

04-05-2019 08:48 AM

تعديل حجم الخط:

سرايا - السلام عليكم حابة اطلب استشارة أو نصيحة، إذا أنا كنت طالبة من ربي صفة وحدة بس بتكفي بزوج المستقبل، وهي أنه يكون حدا مثقف ومتفهم، بس كل الي بجو يطلبوني العكس، حاسة اني بالاخير راح اخذ شخص مش متقبلة وجوده. إذا كان العريس مواصفاته منيحة بس انا ما كنت متقبليته ليس كشكل بس في شي جواتي مش عارفة اوصفه، يعني ببساطة انا ما الي نفس احكي معه مع انه مافي شي الشب، غلط اعتمد ع هاد الشي بس!


لتحميل تطبيق "شرق" : اضغط هنا






طباعة
  • المشاهدات: 18285
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
04-05-2019 08:48 AM

سرايا

2 -
انتي كاتبة على حد تعبيرك (كنت طالبة من ربي صفة وحدة بس بتكفي)
انتي طالبة طالبة واطلبي كل اللي ببالك
انتي بتطلبي من رب كريم وقادر
النبي قال اذا سألتم الله اسألوه الفردوس الاعلى .. مش بس الجنة .. بدنا المرتبة العليا منها كمان
لانو احنا بنطلب من العظيم جل جلاله .. هذا اولا
اما مسألة انو يكون مثقف وبس .. فوالله الذي لا اله الا هو انو هالحكي ما بكفي لتعيشي معو بسعادة وهداة بال
او على الاقل ما ح تعيشي معو بالحد الادني حتى من اللي انت طالبيتو
يعني شو رايك يكون مثقف وبشرب خمر مثلا
او مثقف وتبع نسوان
او مثقف وفقير (مع انو الفقر مش عيب )
او مثقف وشكلو زي صحن المجدرة (انا اسف على هالكلمة ) بس انا بنوع بالاحتمالات
او مثقف واخلاقو زفت
او مثقف وما بهتم فيكي .. الاهتمام بحد ذاتو حياااااة وسكينة
او مثقف وما بحبك
او مثقف ومريض
او مثقف وضرير
يعني انا بس بحط احتمالات حتى تعرفي انو طلبك مو دقيق
هالصفة لحالها ما بتكفي
واحكيلك شغلة عزيزتي .. انت شخصيتك صعبة .. ويبدولي انك عايشة على مبدأ (اذا كان فإن )
يعني المنطق بلعب دور كبير بحياتك .. عندي احساس انك دارسة رياضيات
حتى لو مو رياضيات بتوقع انك دارسة اشي علمي ..
ما علينا ..
وهالحكي مش عيب بس بحاول افهم شخصيتك
انت بتقولي (غلط اعتمد على هاد الشي بس؟!؟!؟ )
الجواب : نعم يا ستي غلط .
ما تعتمدي على حالك بالمطلق
اعتمدي على ربنا واطلبي منو انو يختارلك الشخص اللي تعيشي معاه بسعادة وسكينة وهداة بال
وياستي فوق هيك يكون مثقف
من اعتمد على علمه (ضل) .. ومن اعتمد على عقله (خل) .. ومن اعتمد على ماله (قل)
ومن اعتمد على الله (فلا ضل ولا خل ولا خل ولا قل)
من دعاء النبي صلى الله عليه وسلم :
يا حي يا قيوم ..
برحمتك استغيث ..
اصلح لي شأني كله ..
ولا تكلني الى نفسي طرفة عين .. ركزي بهالسطر (ولا تكلني الى نفسي طرفة عين )
مسألة اختيار الشريك بدها توجه لربنا لانها مفصل بالحياة
وربنا هو الوحيد اللي عارف احتياجاتنا وتركيبتا ومفاتيح سعادتنا
وهاي مسألة عمررررر .. لا يوم ولا يومين
الدين والخلق هما اللي بعيشوكي السعادة بإذن الله
والله اذا كا سيء الخلق (لا قدر الله) لا بتشوفي ثقافة ولا بتشوفي رحة السعادة
بس اللهم بتشوفي النجوم بعز الظهر^_^
احد الصالحين قالولو لمن تزوج ابنتك :قال :لمن يخاف الله
ان احبها اكرمها .. وان ابغضها لم يهنها
هيك بتكون الحسبة العقلانية
اسأل الله انو يختارلك الشخص اللي يقدرك ويكون سندك ويسعدك ويفهمك
مع انو صعب تلاقي حد يفهم النسوان^_^
لا لا بمزح .. الله يوفقك
استخيري .. ولا تنسي تعزمينا
04-05-2019 01:33 PM

أحلى شب بأخلاقي

التبليغ عن إساءة
3 -
اولا اشكر صاحب تعليق ١ وقد بذل جهدا كبيرا لاقناعك بارك الله بك وانا اوافقه علي راءيه فقط اضيف اضافه بسيطه انت اتوقع انك صغيره في السن لا تحكمي علي الناس من اول نظره هناك فتره الخطوبه خليها قد مابدك لو مشي الحال مشي او كل واحد يروح لسبيله عشان هيك في اشي اسمه خطوبه يعني تعارف
04-05-2019 11:36 PM

اخت كريمه

التبليغ عن إساءة
4 -
حبيبتي طبعا غلط تعتمدي ع هالشي يعني انتي شو بدك بواحد دكتور وما عنده لا دين ولا خلق.
05-05-2019 12:37 AM

امونه

التبليغ عن إساءة
5 -
ما رح اجاوب على الجزء الاول لانه الاخوان أسهبوا فيه لكن لفتني انك تحكي انك مش متقبلة الشب ليس لشكله فقط ولكن ايضا لامر لا تدركيه وهذا يعني ان الشكل مهم لكي وليس فقط الثقافة.. لفتت انتبهائي هذه النقطه لأني مريت بهالشيء احيانا كنت أخطب بنت مناسبه وفيها كل المواصفات ولكن مع الاستخارة اشعر اني غير مرتاح ثم أبدا بالنفور اما من الشكل او العمر او شيء ما ..حاولي تاخذي وقتك بالتفكير واستخبيري وأجلسي مره ومرتين وعشره وحاولي قيمي الوضع مزبوط واذا ما ارتحتي الغي الفكرة لمصلحتك ومصلحة الانسان الاخر
05-05-2019 03:25 AM

Hamzah

التبليغ عن إساءة
6 -
شكلك عندك شي من جواتك و مش عارفة كيف توصفيه ، عادي كل إنسان و كل إنسانة عندهها صفات معينة بالشريك المستقبلي و انت لو ما أجاك واحد بالمواصفات يلي انت حاطيتها ببالك فلا تتزوجي بلاش تكون حياتك الزوجية فيها تقصير لا إرادي بالمستقبل .



ألله يوفقك يا رب
07-05-2019 10:56 PM

محمد السلايمة

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم