زوجي لا يهتم بالعائلة

20-02-2019 08:25 AM

تعديل حجم الخط:

سرايا - انا امرأة في أول العشرينات من عمري ومتزوجة من اربع سنين وعندي طفل..انا مشكلتي في زوجي ما معطيني وقت اقعد معاه مو اشغال شركة ولا شي بس بيضل طاشش براا البيت ما بيدخل البيت الا مرة وبيضلو عند اهلو ما بدي امنعو منهم اكيد لا .. متل ما هم الهم حق عليك وانا الي حق كمان بس لو يقعد معي ع الاقل ساعة وحدة بكفي.. بيرجعلي ع ال9 المسا مجرد كلمة ما بيحكي بلاعب ابنو وبيحط راسو وبينام لو فكرت اقعد اسهر معو ما بلحق اعمل كاسة شاي برجع بلاقيه نايم .. انا حاسة حالي بالخمسينات من عمري حاسة انو ختيرناا مافي قعدة حلوة بتذكرها معاه هاجرني كأني مرتكبة جريمة بحقو واكل ما بياكل معي بياكل عند اهلو لو طلبت اعملو اكلة بحبها بحكيلي لا وعند اهلو بيطلب كلشي..ومع اعترافو لإلي انا لما بدخل البيت بجيني نعس لا ارادي ودايما راسي بوجعني لدرجة لما اطلع من البيت بطيب.. وانا واقسم بالله ماني مقصرة معو بشي ولا من اي ناحية ما بفهم علي وكثيير بنتطاوش ع نفس الموضوع ما بلحق احكيلو وافهمو الي عم بيصير ما بلقاه الا وهو ضاربني،، ما في حل عجزت والله لدرجة اني بفكر بطلاق كثير بس ابني يلي كاسر ظهري اعطوني حل شوو اعمل رجاءا من غير تجريح قلبي طافي بطلت اتحمل شي"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 16093


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	20-02-2019 08:25 AM سرايا
2 -	عالأغلب هاي أعراض عين او حسد او سحر . ارقوا نفسكم . لإنه مستحيل زلمة طبيعي ما يحتاج لزوجته خصوصآ للحظات حميمة دايمآ بشتاق ، بس صدقيني يا أختي في شي .	21-02-2019 11:07 AM بائعة الورد التبليغ عن إساءة
3 -	ما في اشي بيجي من فراغ دوري عالاسباب واشتغلي عليها. ونصيحه لوجه الله لا تضلي تركضي وراه دوري لحالك عهوايات وابلشي فيها ولوحده بس يشوفك تغيرتي بتغير	21-02-2019 09:36 PM لين التبليغ عن إساءة