سرايا - وصلت سرايا رسالة من احد القراء يريد حلا وتاليا نص الرسالة كما هي:
سرايا-طبيبة السلام عليكم بعثت رسالتي لكم لكن لم تنشروها أرجو نشرها في قسم أريد حلا : أنا طبيبة أعيش مع زوجي في الغربة عندي طفلين , كنا نعيش في عمان و كنت اشتغل و كان وضعي جيد جدا ,توفر لزوجي عقد للشغل في احدى الدول فوافق فتركنا كل شيء وسافرنا هو والحمد لله راتبه ممتاز بالمقارنة براتبه في عمان مشكلتي اني لم استطع العمل هنا, فالحصول على مزاولة المهنة لطبيب اسنان صعب جدا,الي سنتين من غير شغل,بالنسبة الي ما كنت شاعرة انو عندي مشكلة و حاسة حالي مبسوطة اني مع زوجي و أولادي و ناسية موضوع الشغل بس زوجي دايما محسسني اني ولا شي وانو حياتي العملية انتهت و (اني محلك سر )و انو شهادتي كطبيبة أسنان ما الها فايدة والي زاد المشكلة انو ما بحب أمسك مصاري أبدا بحكيلي أي شي بدكياه أطلبيه مني,مع اني لما كنت أشتغل كان راتبي كله اله وللدار فحاسة حالي مذلوله ,من أول ما اجينا هون و هو بدو أنزل على عمان عشان نوفر, لأنه الحياة و السكن هون غالي كتير بس انا كنت رافضة لأني كنت ببداية زواجي و ما بدي أبعد عنه وانا دايما بعتقد انو البعد جفا و كنت دايما أحكيله انو الي بطلب من مرته تبعد عنه معناته ما بحبها و أكيد بدو يعمل شي من وراها بس هو بأكد انو بحبني و انو هاد لمصلحتي عشان ما أخسر شغلي و عشان نوفر و ما نطول بالغربة مع العلم انو زوجي ما كان يطلب راتبي أنا كنت أعطيه بأرادتي يعني مو طمعان بشغلي أنا هلا بين نارين أضل مع زوجي و يضل متحكم فيي و يسمعني حكي أو أرجع على عمان وأفتح عيادة و تكون عندي استقلاليتي المادية,أنا متشجعة على الرجوع لعمان بس خايفة أخسر زوجي هل البعد جفا ؟ عنجد الرجال الي ببعد عن مرته بتعود على بعدها ؟ أود أخذ رأيكم و لو كنتوا محلي شو بتختاروا ؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا