جمال الشكل في الزواج مطلوب

17-09-2018 07:51 AM

تعديل حجم الخط:

سرايا -

أنا يلي نفسي أعرفه ليش البعض بحكي جمال الشكل مش مهم باختيار الزوجة ؟
أنا شبب عمري 33 سنة ببحث عن بنت حلوة
و هذا حقي طبعآ
بس في إلنا جارة بتظل تعبي براس أمي و تضحك عليها و تحكيلها إنه الشب لازم يختار بنت واعية و فهمانة و المهم جمال الروح و العقل مش المهم جمال الشكل !!!!!!!
طبعآ كل هذا بسبب إنه هم ما عندهم جمال خارجي نهائيآ
بل بالعكس جمالهم الخارجي معدوم لدرجة إنهم قبيحين ، خاصة إنهم عندهم بنت عمرها 25 صحيح محترمة و دارسة ماجستير بس مش حلوة .
و مبينة إنها قصدها عن بنتها بس بطريقة غير مباشرة
بس أنا بدي بنت حلوة و المشكلة إنها أمي طيبة زيادة يعني مقتنعة بكلام جارتنا و بتظل تقنعني ببنتهم !!!!
و أنا دايمآ بقوللها بدي بنت حلوة تعف نفسي ليش لعاد بدي أتزوج ما دام بنت جيرانا ناصحة من أماكن مش مرغوبة و اكتافها عريضة ..
أنا تعبت

لا تقولولي لا تهتم بالشكل و إنه الشكل بروح
لا تضحكوا علينا
مهو كل الشباب مثلي بتلاقيهم بالبداية بقولوا أنا لما بدي أبحث عن عروس رح أهتمآخر شي بجمال الشكل و المهم جمال الروح
بس بالواقع لما يبلش يبحث عن عروس رح يحط أولى أولوياته هو الجمال الخارجي !
و بتسابقوا عالبنت الحلوة
و بتلاقيهم بنصحوا اصحابهم بجمال الروح للعروس و هم بالأصل بينهم و بين نفسهم بهتموا بجمال شكلها و قوامها لو كانت دارسة للصف الأول الابتدائي .
لا حدا يقنعنا إنه جمال الشكل مش المطلوب الأول هو و الدين طبعآ
و والله صار عندي قناعة إنه يلي بقول إنه جمال الشكل مش مطلوب بكون هو يلي مش جميل و قبيح بمظهره لهيك ما حدا بحكي عن زيته عكر .
بدي أسأل كل أم بتبحث لإبنها عن عروس
هل بترضي تبحثي لإبنك عن وحدة مش حلوة بحجة إنها هالبنت فهمانة و عقلانية ؟ مثل ما أمي الطيبة بتعمل بسبب جارتنا يلي طولنهارها بتلعب بعقلها ؟!!!!
و سؤال لكل شب مقبل عالزواج هل بترضى تخطب بنت جمالها الخارجي مش بزيادة بحجة أمور ثانية إيجابية موجودة عند هالبنت ؟
جاوبوا حالكم لحالكم لا تجاوبوني من خلال تعليقاتكم لإني بعرف إنه البعض رح يقول جمال الروح أدوم
بس بينه و بين نفسه بطمح بعروس جميلة الشكل الجسدي ببداية أولوياته .

آسف عالإطالة بس والله من غلي بدي أتفشش بالشاشة و أفضفض

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 58469


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	17-09-2018 07:51 AM سرايا
2 -	والله إنك صادق يا صاحب المشكلة	17-09-2018 08:50 AM محمد السلايمة التبليغ عن إساءة
3 -	فعلآ خلينا نيجي للصحيح جمال الشكل هو أول شي بلفت انتباه الزلمة ليش نضحك عحالنا ؟ هو كلشي مهم بس الصح هو جمال شكلها و دينها هذول أهم شغلتين ما بنستغني عن شغلة فيهم طبعآ شغلتين مترابطات	17-09-2018 08:59 AM أبو طلال التبليغ عن إساءة
4 -	ماجستيرها ما بفيدك بس جمالها و قوامها كل يوم بفيدك مرة و انتوا فاهمين قصدي	17-09-2018 09:03 AM ماجستيرها ما بفيدك التبليغ عن إساءة
5 -	يا ريت لو هاي يلي بالصورة عروستي و أستبدلها بزوجتي الماجستير هههه مشكلتك يا صاحب المشكلة نفس مشكلتي نصحوني بالمتعلمة كوني دارس ماجستير بس طلعت ولا حبة لا بالفهم و لا بالشكل و الحمد لله عكل الأحوال . بس نصيحة مجرب إنك تبحث عن الحلوة و الملتزمة أهم شغلتين خلها تكون مثقفة و مش بالضرورة دارسة	17-09-2018 09:09 AM أبو فهد التبليغ عن إساءة
6 -	المشكلة إنك يا صاحب المشكلة صادق بكل كلمة حكيتها متل اخواني السبعة كل واحد فيهم دارس و تنين دراسات عليا و مع ذلك كان أولى أولوياتهم هو الجمال بالذات القوام خلونا نروحلهم على 100 بنت و كل بنت ناصحة شويي أو نحيفة شويي أو بشرتها كذا أو أنفها كذا أو سنها أو شعرها مباشرة برفضوا و كانوا يظلوا يحكولنا أهم شي حلوة و لما نحكيلهم المهم جمال الروح هم ما يقتنعوا و يحكوا هذا حكي فاضي و أكاذيب . والله إنك يا صاحب المشكلة صادق بكل كلمة قلتها	17-09-2018 09:13 AM أم تولين التبليغ عن إساءة
7 -	مع احترامي لنفسي بالرغم من إني محترمة و بلبس خمار و ملتزمة بديني و أخلاقي و أنا برضه ماجستير و الكل بحبني من كل معارفي بس للأسف و بكل صراحة صار عمري 31 سنة و ما حدا طرق بابي لغاية الآن . بس للأسف مجتمعنا بنظر للجمال و بتناسى باقي الأمور التانية المهمة شو بدي أعمل ألله خالقني مش حلوة مش ذنبي بس ليش هيك الناس ؟ حتى فعلآ بلاحظ هالشي باخواني ببحثوا عن جميلات . ادعولي ربي يرزقني بالزوج الصالح .	17-09-2018 09:21 AM أنا قبيحة التبليغ عن إساءة
8 -	أنا بلاحظ هيك برضه على اصحابي مثل اصحابك بقولوا أهم شي الأخلاق و آخر شي أول شي بغريهم هو جمال الشكل و حتى في إلي صاحب كان يبحث على بنت بدوياها تكون مستقيمة مستقيمة بأخلاقها و دينها و على أساس مش مهتم بالشكل و حتى لدرجة إنه ما بده العروس تكون عمرها حكت مع شب نهائي مع إنه احنا بهالزمن نادرآ ما تكون البنت ما حكت مع شب إلا لو كانت ملتزمة كتييير أو مسكينة . و مع ذلك لما هذا صاحبي سافر على دولة أوروبية ههههههه رجع و معه عروس أجنبية ههههههه و لا فيها شي حلو إلا شكلها شكلها غطى على أخلاقها يلي كانت تنام مع اصحابها كمان استغفر الله العظيم . بسرعة الشباب بغيروا نظرتهم للجميلة لما بدهم يتزوجوا بتصير بأولى أولوياتهم	17-09-2018 09:29 AM مستغرب التبليغ عن إساءة
9 -	السلام عليكم ،،،،،،،،،،،، هذا الحديث رواه البخاري (4802) ومسلم (1466) عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) . وليس في الحديث أمر أو ترغيب في نكاح المرأة لأجل جمالها أو حسبها أو مالها. وإنما المعنى : أن هذه مقاصد الناس في الزواج ، فمنهم من يبحث عن ذات الجمال ، ومنهم من يطلب الحسب ، ومنهم من يرغب في المال ، ومنهم من يتزوج المرأة لدينها ، وهو ما رغب فيه النبي صلى الله عليه وسلم بقوله : ( فاظفر بذات الدين تربت يداك . قال النووي رحمه الله في شرح مسلم : " الصحيح في معنى هذا الحديث أن النبي صلى الله عليه وسلم أخبر بما يفعله الناس في العادة فإنهم يقصدون هذه الخصال الأربع ، وآخرها عندهم ذات الدين ، فاظفر أنت أيها المسترشد بذات الدين ، لا أنه أمر بذلك ... وفي هذا الحديث الحث على مصاحبة أهل الدين في كل شيء لأن صاحبهم يستفيد من أخلاقهم وحسن طرائقهم ويأمن المفسدة من جهتهم ". وقال المباركفوري في تحفة الأحوذي : " قال القاضي رحمه الله : من عادة الناس أن يرغبوا في النساء ويختاروها لإحدى الخصال واللائق بذوي المروءات وأرباب الديانات أن يكون الدين مطمح نظرهم فيما يأتون ويذرون ، لا سيما فيما يدوم أمره ، ويعظم خطره " اهـ . وقد اختلف العلماء في معنى قوله صَلَّى اللَّهُ عَلَيْهِ وَسَلَّمَ : ( تربت يداك ) اختلافاً كثيراً ، قال النووي رحمه الله في شرح صحيح مسلم : " وَالْأَصَحّ الْأَقْوَى الَّذِي عَلَيْهِ الْمُحَقِّقُونَ فِي مَعْنَاهُ : أَنَّهَا كَلِمَة أَصْلُهَا اِفْتَقَرَتْ , وَلَكِنَّ الْعَرَب اِعْتَادَتْ اِسْتِعْمَالهَا غَيْر قَاصِدَة حَقِيقَة مَعْنَاهَا الْأَصْلِيّ , فَيَذْكُرُونَ تَرِبَتْ يَدَاك , وَقَاتَلَهُ اللَّه , مَا أَشْجَعه , وَلَا أُمّ لَهُ , وَلَا أَب لَك , وَثَكِلَتْهُ أُمّه , وَوَيْل أُمّه , وَمَا أَشْبَهَ هَذَا مِنْ أَلْفَاظهمْ يَقُولُونَهَا عِنْد إِنْكَار الشَّيْء , أَوْ الزَّجْر عَنْهُ , أَوْ الذَّمّ عَلَيْهِ , أَوْ اِسْتِعْظَامه , أَوْ الْحَثّ عَلَيْهِ , أَوْ الْإِعْجَاب بِهِ .	17-09-2018 09:37 AM محمدكو التبليغ عن إساءة
10 -	عن نفسي أنا تزوجت وحدة حلوة بشكلها و روحها و دعابتها لكن المشكلة إنه طلع شكلها الخارجي من وجهها حلوة بس لما شفت جسمها طلع استغفر الله العظيم بس وجهها حلو و شو استفدنا من إنه وجهها حلو و جسمها لأ ؟ فأنا بنصح أم العريس و أخته يشوفن البنت و هي لابسة ضيق و يشوفن شعرها . بلاش من الانصدامات المستقبلية ؛ لإنه عنجد جمال الشكل مطلوب و بشدة .	17-09-2018 09:45 AM عابر سبيل التبليغ عن إساءة
11 -	أنا بلاحظ هيك برضه على اصحابي مثل اصحابك بقولوا أهم شي الأخلاق و آخر شي أول شي بغريهم هو جمال الشكل و حتى في إلي صاحب كان يبحث على بنت بدوياها تكون مستقيمة مستقيمة بأخلاقها و دينها و على أساس مش مهتم بالشكل و حتى لدرجة إنه ما بده العروس تكون عمرها حكت مع شب نهائي مع إنه احنا بهالزمن نادرآ ما تكون البنت ما حكت مع شب إلا لو كانت ملتزمة كتييير أو مسكينة . و مع ذلك لما هذا صاحبي سافر على دولة أوروبية ههههههه رجع و معه عروس أجنبية ههههههه و لا فيها شي حلو إلا شكلها شكلها غطى على أخلاقها يلي كانت تنام مع اصحابها كمان استغفر الله العظيم . بسرعة الشباب بغيروا نظرتهم للجميلة لما بدهم يتزوجوا بتصير بأولى أولوياتهم	17-09-2018 09:50 AM مستغرب التبليغ عن إساءة
12 -	أنا بلاحظ هيك برضه على اصحابي مثل اصحابك بقولوا أهم شي الأخلاق و آخر شي أول شي بغريهم هو جمال الشكل و حتى في إلي صاحب كان يبحث على بنت بدوياها تكون مستقيمة مستقيمة بأخلاقها و دينها و على أساس مش مهتم بالشكل و حتى لدرجة إنه ما بده العروس تكون عمرها حكت مع شب نهائي مع إنه احنا بهالزمن نادرآ ما تكون البنت ما حكت مع شب إلا لو كانت ملتزمة كتييير أو مسكينة . و مع ذلك لما هذا صاحبي سافر على دولة أوروبية ههههههه رجع و معه عروس أجنبية ههههههه و لا فيها شي حلو إلا شكلها شكلها غطى على أخلاقها يلي كانت تنام مع اصحابها كمان استغفر الله العظيم . بسرعة الشباب بغيروا نظرتهم للجميلة لما بدهم يتزوجوا بتصير بأولى أولوياتهم	17-09-2018 09:54 AM مستغرب التبليغ عن إساءة
13 -	أنا زلمة عمري 61 سنة و بحكيلك يا عمي آه والله الجمال مطلوب شي أكيد . بل حتى عن خبرتي الحلوة بتنفعك أكثر من المتعلمة لإنهن تقريبآ معظم بنات الأردن متعلمات بس بالإسم معهن شهادة يعني ثقافة ما في بس مجرد عادات و تقاليد صارت الشهادة يعني أداء واجب ، شو ماجستير و ما ماجستير شو بلله بدها تفيدك شهادتها ؟ بدك البنت و شخصيتها . أنا أستاذ مدرسة و زوجتي ربة منزل مش دارسة لكنها مثقفة و أهم شي حلوة و ماشالله علينا أسعد زوجين . الجمال بنفعك يا عمي رد عليي خصوصآ جمال الجسم والله صحيح من كم يوم قرأت مشكلة مثل هالمشكلة و فعلآ دايمآ نقطة ضعف الشباب و الزلام هي البنت الجميلة . فلذلك تزوج من الجميلة يلي تعف نفسك لعاد مش حلوة شو بدك فيها يعني؟ مش حلوة معناها الزواج هو و قلته واحد إذا ما تحقق مقصد مهم منه . موفق ان شالله	17-09-2018 11:07 AM طبعآ مطلوب التبليغ عن إساءة
14 -	بالله انتى شو دارس وكيف شكلك حتى بتدلل قاعد ثاني اشي لتكون صغير ياحيلتها الي زيك لو طبيعي عندو على الاقل اربع ولاد احلق عمو انتى بحاجة طبيب نفسي مش راي القراء هههههه	17-09-2018 01:18 PM وليد الدراوشه التبليغ عن إساءة
15 -	عادي الوضع طبيعي إنه الواحد يبحث عن الجميلة بس البعض بفضل الجميلة على الخلوقة و هالشي غلط . فيا حبذا لو اجتمعت الملتزمة مع الجميلة و تكون عقلانية بنفس الوقت و واعية و فهمانة	17-09-2018 01:24 PM عادي التبليغ عن إساءة
16 -	أنا من ناحيتي بفضل الجمال و بحب زوجتي المستقبلية تكون دلوعة بالفراش بغض النظر عن عمرها حتى لو كانت أكبر مني بس المهم تكون حلوة .	17-09-2018 01:27 PM علي الكوفحي التبليغ عن إساءة
17 -	أنا من ناحيتي بفضل الجمال و بحب زوجتي المستقبلية تكون دلوعة بالفراش بغض النظر عن عمرها حتى لو كانت أكبر مني بس المهم تكون حلوة .	17-09-2018 01:34 PM علي الكوفحي التبليغ عن إساءة
18 -	جمال الشكل اكيد مطلوب بالإضافة لجمال الروح انا لما اخطب لابني لازم يكون عندها جمال الشكل اساسي	17-09-2018 05:14 PM Neda alzoubi التبليغ عن إساءة
19 -	جمال الشكل اكيد مطلوب بالإضافة لجمال الروح انا لما اخطب لابني لازم يكون عندها جمال الشكل اساسي	17-09-2018 05:14 PM Neda alzoubi التبليغ عن إساءة
20 -	جمال الشكل اكيد مطلوب بالإضافة لجمال الروح انا لما اخطب لابني لازم يكون عندها جمال الشكل اساسي	17-09-2018 05:14 PM Neda alzoubi التبليغ عن إساءة
21 -	جمال الشكل اكيد مطلوب بالإضافة لجمال الروح انا لما اخطب لابني لازم يكون عندها جمال الشكل اساسي	17-09-2018 05:14 PM Neda alzoubi التبليغ عن إساءة
22 -	خذ الصح مني لاني مجرب واكثر من مره .. باختصار خذ صاحبة الدين افضل اشي .. زمان كنت مفكر حالي روميو من كثر من صاحبة وحبيت جميلات مع اني عادي جدا واقل من عادي ولكن المهم عرفت 5 بنات كلهم احلا من بعض وطلعات وحب وتلفونات ومرات احضان وشغلات اكبر من هيك وبالاخر بصراحه صار عندي اشباع من الجمال وكرهت جنس حوا كلو لانه الي اخذتو انا صرت اشك يجي حدا غيري ويوخذه والبنت الي بتخون اهلها سهل تخون زوجها اذا وقعت مع واحد لسانه ماضي ههههه والحمدلله من خمس سنوات لا بصاحب ولا مفكر اتزوج من الاساس وكل وقتي شغل وبس ... بالنهابة انشاء الله تكون فهمتني .. خذلك بنت حلال متدينه بتخاف الله وشوفها في بيت اهلها وباقي الامور التافهه من جمال وجسم وووالخ ترا كلو بالمستقبل تكتشف انه حكي فاضي اذا كانت عينك مليانه ولا يغرك شباب هالايام ترا جيل محروووم شغل افلام تركية .. سلام	17-09-2018 05:56 PM ماهر التبليغ عن إساءة
23 -	معك حق بس هو الجمال نسبي ولا لو كلنا بنشوف زي بعض كان ماحدش تزوج يمكن امك شايفه البنت خلوه ولا الان بالذات بتحب الحلوه لابنها عشان هيك دايما بنقول للشباب انت شوف وانت اختار انت الي شايف هي حلوه ولا لا انت الي قاعد معها وانت الي معها باي اشي هم ممكن يساعدوك بموضوع شعر اشي بالجسم صعب تشوفه	17-09-2018 06:14 PM ايمن التبليغ عن إساءة
24 -	والله الدين هو المطلوب والجمال شكلي والجمال مو كل شيء في الحياه ياما شفت جميلات واخلاق بالمرة ومغروره بجمالها خذ الك وحده متوسطه الجمال ومتدينه	17-09-2018 08:18 PM بدويه وافتخر التبليغ عن إساءة
25 -	حسبي الله ونعم الوكيل انت بالذات ماتعطيش نصائح شو القرف هاض الي زيك بضل ساكت وبس	17-09-2018 08:31 PM الى ماهر التبليغ عن إساءة
26 -	اه مهم الي هو بنقدرش نقول الجمال الي بتشوفها حلوه ممكن بنت جيرانكم واحد غيرك يستحليها حتى لو قبيحه بعينك وهكذا فطبعا انت شايف بنت قبيحة معك حق بدك الي بتستحليها عينك انت عشان هيك بنلاقي ناس ماخذه بنت بشعه بنقول كيف هو حب روحها واستحلاها بعدين وفيه بدون مايخب روحها هو عينه ونظرته للجمال بتقول هاي حلوه وعشان هيك القبول اولا بعدين الدين والاخلاق اما طبعا غلط تشوف بنت جميله وعارف انها لادين ولاخلق طبعا لا وبعد فتره يمكن تبطل تشوف انها حلوة .	17-09-2018 08:52 PM محمد عمران التبليغ عن إساءة
27 -	عندي فضول أشوف شكلك أنا متأكدة إنك بشعة لإنك بتحكي لصاحب المشكلة خذ متوسطة الجمال و ملتزمة و ياما شفتي حلوات و أخلاقهن بالمرة يعني مبين من تعليقك إنك بتربطي الجمال بسوء الخلق متل هذا المعلق النسونجي يلي إسمه ماهر	17-09-2018 09:01 PM إلى بدوية و أفتخر التبليغ عن إساءة
28 -	أنا شب ببحث عن عروس أنا أستاذ فيزيا و عندي بيت سكان إربد عمري 29 سنة ... يا ريت يلي بشوفلي عروس حلوة و متدينة حتى لو كانت أكبر مني و حتى لو كانت دارسة للصف العاشر بس المهم حلوة بوجهها و جسمها و تكون كويسة و بتحب الدين يا ريت يا ريت يا ريت لو حدا فيكم يتكرم و يتواصل مع الموقع لياخذ رقمي . أنا بحثت كتير بس يا إما بطلع جسمها حلو و وجهها بشع يا إما وجهها حلو و جسمها لأ مش حلو أو إذا كان جسمها و وجهها حلوات بتكون مش ملتزمة فيا حظي حن عليي أرجوك .	17-09-2018 09:07 PM و أنا كمان مثلك التبليغ عن إساءة
29 -	أتترك فتاة ماضيها معك و تتزوج فتاة لا تعرف ماضيها ؟!!!!!! أي عقل هذا ؟!!!!! لا أعرف كيف أنت راض علىأفعالك المحرمة و القذرة ؟ و بنذات الوقت البنات حرام عليهن !!!! لماذا الأنانية ؟ الطيبون للطيبات فإذا اجتمع الخبيث مع الطيبة فلا بد و أن يتم الانفصال و إذا لم يتم الانفصال فإن حياتهما مع بعضهما ستكون جحيم هكذا فسرها أهل العلم . معنى الطيبون للطيبات و الخبيثون للخبيثات . فصدقني دون أن تلومني أو تؤاخذني صدقني لو أنك أخذت الملتزمة في دينها و أنت بقيت على حالك ال... فإنك سوف تتطلق أو لن تعيش مرتاحآ معها فالأولى إما أن تتوب أو أن تأخذ فتاة كأخلاقك و لا تظلم الملتزمة . والأهم لا تكن أنانيآ فإن زمن العيب على الفةاة وحدها قد اندثر فسمعتك مهمة .	17-09-2018 09:25 PM محمد إلى ماهر التبليغ عن إساءة
30 -	انت صادق بكل كلمة قلتها يا صاحب المشكلة . بحكولك أنا بهتم بجمال الروح بس بينه و بين نفسه لما بده يبحث عن عروس رح يبحث عن الجميلة قبل كلشي . و هذا واقع مجتمعنا فليش نضحك عأنفسنا . عمرنا ما سمعنا عن واحد تزوج بشعة إلا ما إنه يكون هو في عيوب أو نقص . و الملاحظ بواقع المجتمع كله إنه أول شي جمال الشكل بل حتى فئة كبيييرة من الشباب فقط بنظروا للبنت الجميلة و كإنه الزواج بعتمد فقط عالجمال الخارجي . بتناسوا باقي الأمور أو الموازنة بين باقي ىلصفات لأ بس المهم الجمال الخارجي و كل ما يشوفوا بنت حلوة عادي بتسابقوا عليها و بفضلوها عكل البنات يعني كل ما كانت حلوة بوجهها و جسمها كلما كثروا خطابها و هذا الواقع للأسف . بس أنا من وجهة نظري جمال الشكل و الجسم مهم طبعآ بس برضه الالتزام الديني مهم و تكون واعية متفهمة و روحها حلوة و بتتمتع بالدعابة و المرح متكلمة حنونة طيبة قوية قد حالها هاي كل الصفات يلي بتمناها كل زلمة بس إذا ما لقى كل الصفات خاي اجتمعت ببنت معينة معناها ينظر للجمال الخارجي و الالتزام الديني . والله يزوج الجميل و يستر عليهم . سواء حلوين أو بشعين . ربنا يعف شباب وبنات المسلمين آمين	17-09-2018 09:41 PM بائعة العطر التبليغ عن إساءة
31 -	انت صادق بكل كلمة قلتها يا صاحب المشكلة . بحكولك أنا بهتم بجمال الروح بس بينه و بين نفسه لما بده يبحث عن عروس رح يبحث عن الجميلة قبل كلشي . و هذا واقع مجتمعنا فليش نضحك عأنفسنا . عمرنا ما سمعنا عن واحد تزوج بشعة إلا ما إنه يكون هو في عيوب أو نقص . و الملاحظ بواقع المجتمع كله إنه أول شي جمال الشكل بل حتى فئة كبيييرة من الشباب فقط بنظروا للبنت الجميلة و كإنه الزواج بعتمد فقط عالجمال الخارجي . بتناسوا باقي الأمور أو الموازنة بين باقي ىلصفات لأ بس المهم الجمال الخارجي و كل ما يشوفوا بنت حلوة عادي بتسابقوا عليها و بفضلوها عكل البنات يعني كل ما كانت حلوة بوجهها و جسمها كلما كثروا خطابها و هذا الواقع للأسف . بس أنا من وجهة نظري جمال الشكل و الجسم مهم طبعآ بس برضه الالتزام الديني مهم و تكون واعية متفهمة و روحها حلوة و بتتمتع بالدعابة و المرح متكلمة حنونة طيبة قوية قد حالها هاي كل الصفات يلي بتمناها كل زلمة بس إذا ما لقى كل الصفات خاي اجتمعت ببنت معينة معناها ينظر للجمال الخارجي و الالتزام الديني . والله يزوج الجميل و يستر عليهم . سواء حلوين أو بشعين . ربنا يعف شباب وبنات المسلمين آمين	17-09-2018 10:19 PM بائعة العطر التبليغ عن إساءة
32 -	كلامك صحيح 100% يا صاحب المشكلة . هيك احنا مجبولين عالزواج من الجميلة . حتى لو ربنا ما وضع الجميلة بواقعنا و ما تزوجنا الجميلة لكن الجميلة هي أكثر مرأة على الإطلاق مرغوبة من الرجل و من ثم بتيجي الصفات الثانية . أول ما بدك تروح تخطب بنت طبعآ أول شي بشد انتباهك شكلها و بعدين من خلال الجلسة الشرعية بتتعرف على طبعها و.مدى التزامها الديني و كلشي كلشي بس من المستحيل شب يروح يطلب إيد بنت بشعة إلا لو كان عارف و.متأكد 100% من جمال باقي صفاتها. و عمري ما شفت زلمة رايح يخطب بنت وهو مش عارف شو شكلها كثير في زلام بروحوا يطلبوا إيد العروس و هم مش عارفين عنها شي بس بالنسبة لشكلها بكونوا عارفينه بحذافيره من خلال شوفتها بالشارع أو عن طريق الصورة أو عن طريق المدلة .	17-09-2018 10:32 PM المنتصر التبليغ عن إساءة
33 -	كلامك صحيح 100% يا صاحب المشكلة . هيك احنا مجبولين عالزواج من الجميلة . حتى لو ربنا ما وضع الجميلة بواقعنا و ما تزوجنا الجميلة لكن الجميلة هي أكثر مرأة على الإطلاق مرغوبة من الرجل و من ثم بتيجي الصفات الثانية . أول ما بدك تروح تخطب بنت طبعآ أول شي بشد انتباهك شكلها و بعدين من خلال الجلسة الشرعية بتتعرف على طبعها و.مدى التزامها الديني و كلشي كلشي بس من المستحيل شب يروح يطلب إيد بنت بشعة إلا لو كان عارف و.متأكد 100% من جمال باقي صفاتها. و عمري ما شفت زلمة رايح يخطب بنت وهو مش عارف شو شكلها كثير في زلام بروحوا يطلبوا إيد العروس و هم مش عارفين عنها شي بس بالنسبة لشكلها بكونوا عارفينه بحذافيره من خلال شوفتها بالشارع أو عن طريق الصورة أو عن طريق المدلة .	17-09-2018 10:35 PM المنتصر التبليغ عن إساءة
34 -	شوف يا صاحب المشكلة ... انا معك الجمال شيء من الاولويات منشان يتصبح بوجه حلو ويتمسى فيه ولو كنت في الوقت الحالي بالباية سباحث عن صاحبة الخلق والدين ولابد من الجمال يعني شروطي (خلق+دين+تربايه+جمال) ولن اتنازل عن اي منها لانها بوجهي العمر كله وبصراجه حلو انك تكون بمناسباتك تكون بحنبك زوجه جميله ولكن عن تجربة..... ابن عمي شاب جميل جدا وبمكن الاجمل من كل شباب العائلة احب فتاة اكبر منه بالسن وبصراحة يمكن اطلاق صفه عليها ليست جميله وفي غيري بقولوا عنها قبيحه هي متعلمة وجميع اخوانه تزوجوا بقتيات جميله جدا وواحد منهم تزوج بواحدة بإمكانك اطلاق لقب عليها ملكة جمال ولكن جميع اهل و اقارب واخوان الشاب الذي تزوج الغير جميله ينتظرون مجيئه لانه يعمل بمحافظة بعيدة وياتي كل شهرين او ثلاثه ليجلسوا مع زوجته لانها رائعه الاخلاق وجمال الروح والكل يحبها ويسعد بلقائها والكل دائمين التحدث معه وطلب القدوم مع زوجته للتسامر معهم والكل يحسدهم على السعاده التي يعيشوهاعلى عكس الاخريات لا احد يطيق رؤيتهم ولا حتى الحديث معهم لا من اهل ولا اقارب ولا جيران.. على فكرة يقول ابن عمي من يوم تزوجت هذه البنت والرب الكريم يفتح ابواب الرزق له من اوسع ابوابه ويقول عندما شاهدتها لاول مرة شعر بانها اقبح مخلوقه وعندما عرفها تعلق بها فورا...ويقسم بانه يشعر بملل احيانا لان حياته الزوجيه خاليه من النكد فهي لا تزعله بتاتا ولذلك احيانا يصطنع مشكله ليقوم بمصالحتها بنفس اليوم ولم يدعها يوم واحد تنام اليل وهي زعلانه علما بانه مر عللى زواجه 15 سنه	18-09-2018 08:40 AM المستشار. التبليغ عن إساءة
35 -	ان شالله يا ماهر هيك يصير مع خواتك خلينا نشوف شو رح تكون ردة فعلك . يعني بتتلاعب بأعراض الناس و بترميهن و آخر شي بتبحث عن وحدة ما إلها عالشباب ؟ مهو هذا هيك ظلم لبنات الناس و مش من العدل يكون بطلعلك تعيش حيلتك و البنات لأ . اخص عكل حقير و نذل بضحك عبنات الناس . و انا بوجه رسالتي لكل الناس إذا أجاكم لبنتكم نسونجي قذر فلا توافقوا عليه لإنكم هيك رح تظلموا بنتكم . قال ببحث عن ملتزمة و هو عامل السبعة و ذمتها مع البنات . سبعك آه والله سبع	18-09-2018 10:57 AM محمد قواسمة إلى ماهر التبليغ عن إساءة
36 -	ههههههه ومركز بالصوره احنا مانتبهنا في صوره ياحرام بس الشباب بستاهلو بتركو الي عاجبيتهم وحابينها عشان الي اختارها غيرهم ولا والي انسب انها تقدم قدام الناس كزوجة بغض النظر هو عاجبيته مين بيستاهلوا صراحه	18-09-2018 02:34 PM الى ابوفهد التبليغ عن إساءة
37 -	هاي مشكله الامهات مش صح يجيرو ويقنعو الشب ببنت معينه وبالمقابل لما هو ييجي عاجبيته بنت بتصير مش حلوه وفيها عيوب الدنيا طبعا الجمال مهم والجميله الي انت بتشوفها جميله وبتعجبك وبتقول بدي هاذي رح ييجي غيرك تعجبه بنت جيرانكم بس انت مش مجبور تقنع حالك عشان امك قالت انا مجرب ظلو يدلوني اهلي عبنات وسبحان الله الجميله بعيونهم مش جميله عندي ولو شفتها حلوه بحس مش مرتاح مش هاي الي بدي اعيش معها لحد ما انا عجبتني بنت جميله عالاقل من وجهة نظري وعجبتني وجسمها جميل والبنت كامله جمالها هو الجمال الي انا بحبه وصارو كل الي بقربولي يطلعو فيها عيوب الدنيا بس لانه انا الي شفتها مش هم ( عجزت افهم عالنسوان بس تحليلاتي انهن بفكرن البنت ضحت علينا ورح توخذنا منهم ! او والله ماني عارف شو الفكره بس لاني زيك يا صاحب المشكله عندي الجمال مهم وشفتها مش ناقصه اشي بعيوني واهلي ماعندهم سبب مقنع ( غير انه زوجتي اكبر مني هو مش حجة يعني شو المغزى رح تكبر قبلي مهو ممكن اتزوج بنت جامعه وتعمل حادث وتنشل) فتزوجت والحمدلله انا سعيد الله يديم السعاده	19-09-2018 06:14 PM العبدللات التبليغ عن إساءة
38 -	مستغرب عابر سبيل انتوا نفسكم الي كنتوا بجراسا	19-09-2018 06:55 PM السوسنة السوداء التبليغ عن إساءة
39 -	سبحان الله قصتك نفس قصتي تمامآ ، لما عجبتني البنت يلي هي هسا زوجتي أمي و أبوي قالولي مهي أكبر منك قلتلهم بس جيل اليوم صارت موضة إنها الزوجة هي يلي أكبر من زوجها ، بس مع ذلك أمي و أبوي على الدقة القديمة بعدهم عندهم العرف السائد شي مهم و أكثر من الدين و ما بعرفوا بالتطور يلي حدث بالسنوات الأخيرة ، فظلوا مصرين على إنهم يزوجوني ببنت أصغر مني حتى و لو بيوم واحد المهم أصغر مني ، بس أنا ظليت أقنعم خاصة إنها هي أكبر مني بثلاث سنين بس حلوة ما شالله عليها بكسماتها و وجهها و الحمد لله هسا هي الكنة المفضلة عند أمي و أبوي و اقتنعوا بهالشي إنه العمر مش مقياس لليعادة الزوجية ما دام الأعمار قريبة من بعض ، لدرجة إنها أمي بنفسها خطبت وحدة لأخوي الصغير أكبر منه و هالحكي العام الماضي . فيلي بدي أحكيه إنه الشب هو يلي بده يعيش معها مش أهله . الله يوفق الجميع	19-09-2018 10:04 PM إلى العبد اللات التبليغ عن إساءة
40 -	انا الحمدلله مو قبيحه بس الرسول عليه الصلاة والسلام قال اظفر بذات الدين تربت يداك وافرض اني قبيحه انا ملخلقت نفسي بس والله من كثر ماشفت حكيت وانت ليه حقدت علي هاي تعليقي على المشكلة ليه محمق شكلك ماخذ وحده مو حلوة	19-09-2018 10:16 PM بدويه وافتخر الى رقم ٢٦ التبليغ عن إساءة
41 -	والله انا مااعمم انه كل الجميلات ماعندهن اخلاق انا احكي علي اشوفه لانه الكمال لله وحده والله يوفق الجميع وهاي كله توفيق من الله	19-09-2018 10:22 PM بدويه وافتخر التبليغ عن إساءة
42 -	صراحه انتو الي بتفهمو و اخدتو الي بريحكم ما شالله . فعلا هاي حياه وعمر مش يوم وليله نجامل اهلنا وغيرهم وبالاخر الاهل اكيد بحبو لابنهم الخير والا مايقتنعوا لو شافو قديش الابن او البنت متعلق بالشخص الاخر خصوصا زي ماقلتو اذا مافي سبب تاني ديني اخلاقي ليش نوقف بسعاده ولادنا يعني الاهالي الي بضغطو عولادهم غريبين هم بحكولكم سعادتنا هون وانتم بترفضو سعادتهم !!! مع انكم مضيتو عمركم تحققو هاي السعاده	20-09-2018 10:35 AM الى العبدللات و ٣٨ التبليغ عن إساءة
43 -	فعلا انهم متمسكين بتقاليد قديمه هسه نادر تلاقي اهل بسالو كيف حتى ابنهم بتزوج انا اهلي والله ترجوني انا اشوف بنت بس شغلي مابشوف حد ونا مابختلط برا ببنات وبس كان همهم اختار وريحنا	20-09-2018 03:24 PM تعقيب عتعليق 38 التبليغ عن إساءة
44 -	والله إنك صادق إنها صارت هاي الأيام موضة إنها البنت تكون أكبر من زوجها . و ليش أهلك بدهم يزوجوك لوحدة أصغر منك لولا مهي العادات و التقاليد القديمة كانت تفرض على الزلمة يتزوج من مرأة أصغر منه حتى و لو بيوم واحد و كإنها السعادة الزوجية مقتصرة على إنه لازم يكون الزوج أكبر من زوجته . يا سيدي ألله يوفقكم و يهدي بالكم .	20-09-2018 06:27 PM إلى تعليق 38 التبليغ عن إساءة
45 -	نعم لجمال الشكل و لا للكذب جمال الشكل هو أول أول أول شغلة ببحثوا عنها الناس حتى قبل أي شي تاني و من خلال الجلسة الشرعية بشوفوا مدى تعاملها و جمال أخلاقها و التزامها الديني . بل حتى بعض الشباب من كثر مهم أذكياء بالرغم من إنه هالشي بوجهة نظري غلط بس البعض ببحث عن بنت حلوة بس و هو من كثر مهو متعلق بالجمال بعدلها بالطريقة يلي هو بدوياها يعني بروضها وبربيها من أول و جديد للصح أو لو إنه برغب بمتعلمة متل ما البعض بقول عادي بدرسها و هكذا بكون كسبها من عدة نواحي . و أهم شي جميلة . و فعلآ على قولة هالمعلق إنه بتوصل بالبعض لدرجة إنهم يقبلوا عحالهم يتزوجوا من أجنبية ماضيها أغبر كل هذا كرمال جمالها و بتحججوا بجنسيتها مع إنهم بالأصل ببحثوا عن جمال ومتعة ليش نضحك عحالنا ؟ و السؤال بطرح حاله لحاله : هل يا ترى بهون على الشاب الشرقي يتزوج من أجنبية ماضيها أغبر منشان جمالها الخارجي مثلآ بهون عليه الشرف ؟ يلي عامل حاله شريف أمام البنت العربية بتلاقيه بقول أنا ما بدياها مطلقة لإنها نايمة مع غيري هههههههههخ بس عالأقل هي كاينة نايمة مع واحد بالحلال مش بالحرام متل زوجتك الأجنبية يا عربي يا فهيم هههههههه	21-09-2018 04:19 AM مغترب التبليغ عن إساءة
46 -	صدقني إني قاعد بكمل الدكتوراه و إني شكلي الخارجي حلو و أخلاقي الكل بشهد فيها . و للعلم بكمل الدكتوراه بماليزيا و هناك عندي بيتي و سكني و رح يكون استقراري دائم و أنا بخاف الله ببنت الناس يلي رح أتزوجها و الحمد لله عندي خصال حميدة كتيرة بدون ما أبالغ بس والله فيي من الصفات يلي بتتمناها كل بنت و مع ذلك أنا مستعد آتزوج بنت راسبة بالصف الأول بس تكون حلوة و المهم الثقافة مش الدراسة لإنها عمرها ما كانت الشهادة دليل الثقافة إلا قليل و انا شايف و عايف بالجامعة كثير درسوا أداء واجب أو واسطات أو دخلوا الجامعة بالغش فمش مقياس الشهادة . لذلك لو ربي جمعني ببنت واعية و عقلها نير و ملتزمة بدينها و شكلها حلو طبعآ والله ما بتركها لغيري لإنه هذول أهم صفات بالزوجة الناجحة خصوصآ او كانت قوية و قد حالها و يعتمد عليها فشو بده الواحد أحسن من هيك ؟	21-09-2018 05:13 AM أنا صاحب المشكلة إلى الدراوشة التبليغ عن إساءة
47 -	من العصر الحجري القديم مرورآ بالحقب الماضية و العصور الوسطى و مرورآ بكل الأزمان و الأماكن على شتى بقاع الأرض و باختلاف كل العادات و التقاليد و المزايا و العيوب و مرورآ بالحاضر و بالمستقبل أيضآ تبقى العروس الجميلة غاية كل شاب حتى و لو أنكر ذلك . يعني بالعربي نقطة ضعفهم كلهم هي العروس الجميلة بل حنى لدرجة إنه لو القدر وضع قدام المعظم بنت خلوقة و قبيحة و جنبها بنت بلا أخلاق و جميلة لاختاروا الجميلة بلا تردد و أعطوها المبررات .	21-09-2018 05:23 AM أبو ريماس التبليغ عن إساءة
48 -	ما ذبحنا غير هالعادات	21-09-2018 07:19 AM اياد التبليغ عن إساءة
49 -	فعلا معكم حق فيه اهالي بنسوا انه كل انسان اله ذوقه ونظرته وموضوع العمر عندهم انه حرام لو اكبر ولا كانه عادات يعني ماشي لو ابنكم جايب وحده قد امه عارضو بس بكون قد بعض ولا اكبر منه بسنه سنتين ضل ورا امه انا صاحبتي هيك وتفرجي فينا صوره البنت الي ابنها بده اياها صراحه حلوه بس نقلها تنجن طلع ليش عشانها اكبر منه بسنتين بس انا عجبني ابنها انه خلص عارف شوبده مش ضروري تعقوا اهاليكم اقنعها والامهات ارجوكن تفهمن توقفوش بسعاده ولادكم ترا يمكن تختاري بنت بحالك عشكل وعمر وتكوني سبب بتعاسه ابنك او بلاش نقول تعاسه مش الحياه الي تمناها سبحان الله صحبيتنا هاي بعد ملتزوج ابنها هلا حبايب وبتحبها بس هو نصيحه للي هيك ماتحكوش للناس الاعمار لانه ببينش والعمر متى بنعرف اللهم بس بجواز السفر ليش لانه الناس بس تعرف بصيرو يدورو بس يطلعو عيوب ويخلوكم يعد الزواج تتخيلو كل مشكله بينكم بسبب العمر وهي بتكون مشاكل عاديه بتصير مع الكل. احنا دخلنا بقصه الاهالي ونسينا صاحب المشكله بس هي قصته كمان انه امه بتزن وراه عبنت مش عاجبيته فطبعا لا	21-09-2018 09:15 AM 36 and 38 التبليغ عن إساءة
50 -	طب شو تحكو عني انا بدي جميله حلوه يعني وجسمها حلو ولا كمان لبيسه اي لبسها حلو حلوه بعيني انا طبعا لانه فعلا اقنعوني بالتعليقات ممكن مايعجبني ذوق غيري وناعمه اهم اشي ناعمه الي عنده هيك مواصفات يبعتلي يفضل دارسه او اه لازم دارسه جامعه	21-09-2018 09:38 AM الجمال التبليغ عن إساءة
51 -	طيب وبالاخر بعد كل هالتعليقات بديش احلف انك رح تاخد بنت جيرانكم بس لانه امك بدها اصلا هيك كل الشباب بقعدو يحبو ويعجبو وبالاخر شو ماما بدها انشالله مو طايقها حتى مابحاولو يفكرو بالبنت الي عاجباهم او يقنعو اهاليهم وشو بحجة مرضيين تقول البر بس انه يتزوج زي مابدها امه وباشياء تانيه مغلبها	21-09-2018 10:45 AM ياسمين التبليغ عن إساءة
52 -	تعرفت عشب بعملي وعلى اساس يخطبني وبعدين قلي امه مش راضيه وانه اصبر فانا توقعت انها حجج وبلشت احاول انساه بس هسه مصدومه انه الكل بعلق امي مارضت حتى صاحب المشكله الي بيدرس دكتوراه انا فكرت الشب الي عرفته بكذب لانه عقلي ماستوعب انه عمره ٢٧ ومعقول امه تقله لا وشو هو طفل يعني فكرت خلص بهيك اعمار هم بس بجيبو اهلهم يتعرفو عالبنت ويخطبوها مش لسه بياخدو موافقه يمكن لانه ماعندي اخوان شباب! طب ليش معامله الاطفال هاي يعني هو مدير بشغله واحنا كلنا بناخد اراؤه وزواج مو قادر يتزوج برايه جد مستغربه فكرت انه بكذب علي وبده يسحب	21-09-2018 12:48 PM انا مصدومه التبليغ عن إساءة
53 -	ول حلوه وعندها دعابه وكلشي بس جسمها مش حلو شو قصدك مش حلو معو اكيد شفته بس اكيد بتقارن بالصور الي بتتفرجو عليهن بكل مكان بس حطوا ببالكم انها صور معدله ومزبطه ومصورين محترفين بصوروهن وغير هلا عمليات نحت الجسم الي انتشرت بشكل مش طبيعي فانت تلاقي بنت جسمها طبيعي منسق احمدالله لا زودتوها هيك مانت كمان خلي جسمك زي هالممثلين الي بنشوفهم وتقارنش مرتك بالصور لانه لو صورتها زيهن رح تطلع حلوه او ادفع واعمل نحت مع انه لو يندفعلنا مش مضطرات نلعب باجسامنا	21-09-2018 05:57 PM الى ٩ عابر سبيل التبليغ عن إساءة
54 -	فيها من الصفات الحلوة يلي مش موجودة بكتير من البنات بس يلي أنا بحكيه إنها جسمها مش حلو و هاي الصراحة هي زوجتي حبيبتي آه بس بالنسبة لجسمها مش حلو بالمرة و انا مش بشوف المغنيات و الممثلات لحالهن أنا بقصد كمان حتى البنات يلي بالشارع أجسامهن حلوة والله و خلفياتهن مليانة و ما إلهن كرش و ما شالله اجسامهن مرسومة رسم هو صحيح إنه حرام هاللباس المتبرج و صحيح إنه أنا حرام أشوفهن بس والله غصب عني يعني والله إنه جسم مرتي مهو حلو ليش أضحك عحالي . للعلم أنا ما بدي غيرها بحبها بس أنا بحكي بالواقع كونه صاحب المشكلة بقول عن الجمال الجسدي و فعلآ لازم إنها أم العريس و أخته يشوفنها و هي لابسة لبس ضيق جدآ لحتى نعرف التفاصيل بلاش ننصدم بليلة الدخلة و نندب حظنا . و هذا شي رئيسي بالبنت إنها تكون حلوة بجسدها لعاد فعلآ ليش بنتزوج ؟ صح لأجل إنا نعف أنفسنا ؟ لذلك لو كانت الزوجة ما عندها جمال جسدي معناها احنا وياها متل الأخوة و ما رح أشعر معها بأي شعور بالحياة الزوجية داخل غرفة النوم .	22-09-2018 11:29 AM إلى تعليق52 التبليغ عن إساءة
55 -	والله يا قلبي ما خرب عقول الشباب غير أمهاتهم يلي بتدخلن باختياراتهم أي والله لو البنت حاطة ببالها شب معين إلا إنهم أهلها ما يتدخلوا فيها فكيف بلله في أمهات بتتدخل باختيار ابنها لزوجة المستقبل ؟ يعني بدهن يعيشن على الدقة القديمة يلي كانن عايشاتها مع حمواتهن يلي كانن يفرضن فرض إنه العريس لازم يكون أكبر بالرغم من إنها الدنيا تطورت و تغيرت و صار الوضع طبيعي جدآ إنها تكون الزوجة أكبر من زوجها ما دامهم مقتنعين ببعض . أصلآ لازم الأم تعرف إنه جيل اليوم مش متل جيلها زمان و إنها الحماة تتدخل بالكنة و المفروض لإنها حاسة بالحامي زمان إنها تخلي إبنها و مرته يعيشوا حياتهم باستقلالية بدون ما تدخل حالها بحياتهم الخاصة . حتى كذلك أهالي البنات ما يوقفوا بطريق بناتهم لما يتقدم الشخص المناسب بنظرها و المحترم . لإنها بالنهاية هي يلي رح تعيش معه مش أهلها . والله يوفق الجميع .	22-09-2018 11:44 AM بائعة الورد إلى مصدومة التبليغ عن إساءة
56 -	شكرا الك انا جد مكسور قلبي وحزينه بس لو هالحكي جد وشب حبك واختارك لسه ع٢٧ بده ياخد موافقه وممنوع يتخذ قرار !! انا حتى شوبدي فيه تصير حياتي ماشيه بالاوامر . انا بالعكس بحب البر وطاعه الوالدين وولله بيكبر بنظري الشب الي بعامل اهله كويس بس الزواج غير وحتى الحياه الزوجيه خلص بصير اله ظروفه الخاصه وهو اعرف كيف يتصرف وعقولتك شو بستفيدو الامهات لما بدهن بس يمشن عقلية زمان!!	22-09-2018 04:28 PM الى 54 التبليغ عن إساءة
57 -	كلامك صحيح انا بعاني نفس المشكلة	22-09-2018 06:10 PM Ali التبليغ عن إساءة
58 -	ألله يفرج همك حبيبتي بس بدي أسألك.ليش هي ما بدهياك ؟ كتير في أمهات مكيودات على أساس إنهن بدهن مصلحة اولادهن ، و في أمهات فعلآ بدهن مصلحة اولادهن . أما الأمهات يلي بدهن العروس تكون بناء على العادات و التقاليد يلي هي عاشتها أو العىدات يلي موجودة ببيئتها الحالية ، فهاي قمة الابتلاء يلي البنت بتكون مبتلية فيه و ألله يكون بعون كل بنت هيك أم حبيبها ماشية عالعادات بدون ما تراعي مشاعرهم .	22-09-2018 09:03 PM بائعة الورد إلى مصدومة التبليغ عن إساءة
59 -	عمى يعميك قال جيل محروم ها زيك يمضوها من حضن لحضن والله انت الي عامل زي الافلام التركيه في دين قبل الاخلاق والخوف من الاهل يا ........... قال وبنصح لا والله معناته الي بدور عحلوه عو الي نحترمه يعني ماجربش قرفك!	23-09-2018 07:45 AM الى ٢١ التبليغ عن إساءة
60 -	صاحب المشكله طبعا انت اختار وانت شوف الي بناسبك اهلك الهم حق عليك بس في اختلاف ازمنه لازم يفهموها مع انه الجمال وانك توحد الي بتعجبك حقك بكل زمن وعادي يكون طموحك الجمال كل انسان وشوهدفه من الزواج . الى مصدومة: ولا ينكسر قلبك ولا عبالك شوفي اذا كلامه صح وامه مانعه الزواج بس هو دافع عنه وماخلاكي تستني كثير واتزوجك فهو بستاهلك واعتمدي عليه اما هو بتتحجج فبرضه ارميه وبدكيش ياه بجيلك الاحسن منه اما اذا تركك لانه امه واهله بدهمش فاعرفي انه اصلا هادا مايع وفش فيه فايده ورح تكون حياه الي بوخدها تعيسه الا ان كانت قويه تقدر على هالاهل الكاسرين ووقتها الله بكون انتقم منهم بس انتي لاينكشر قلبك ولاتحزني والي بده وحده والله ما اشي بثنيه عنها ولا حد بقدر يوقف بوجه واحنا بنحكي عن الشب مش بنت واهلها يمنعوها فخلص لو بده شو ماصار يوخدك لو بدوش بتحجج باهله وبرد عليهم	23-09-2018 03:18 PM الى مصدومه والى صاحب القصه التبليغ عن إساءة
61 -	إنا الله جميل يحب الجمال	23-09-2018 08:36 PM نايف التبليغ عن إساءة
62 -	إنا الله جميل يحب الجمال	23-09-2018 08:36 PM نايف التبليغ عن إساءة
63 -	طيب شو المشكله لو اخذت جميله وماجستير مع بعض !! ولا بيجنش هالاثنين مع بعض بعدين انت بتقول انك حلو بقولو المخده بتحملش تنين حلوين خليك عجارتك مهو برضو العلم والمراكز حلوات الا ان لقيت وحده فيها الاثنين بس ان لقيت بتطلع لبطه ووبتنحبش وجفصه هههه	24-09-2018 06:15 PM Rani التبليغ عن إساءة
64 -	هههههه حلوه المخده بتحملش ثنين حلوين هاهاهاها والله معك حق بعرف بنات جميلات جدا ودارسات احسن اشي وفيه دكتورات وصح تزوجو بس دمهن تقيل وشايفات حالهن وصراحه بنحبنش بالمره وجامدات فشكله لازم يا جمال يا علم لانه الي جامعه الاثنين بتكون زنخه وثقيله دم واكيد الي اخدها يا مطنش عشان الناس شايفاه ماخد اشي مرتب يا هو زنخ زيها ( هههه لو اجتمع العلم والدراسات مع جمال وخفه دم ولطافه ودلع بتكون هاي البنت اكيد زمااان المرحومة او انتحست زمان وابصر باي مصيبه عايشه)	24-09-2018 08:04 PM الى rani التبليغ عن إساءة
65 -	إنت يا صاحب المشكلة متلي أنا بالرغم من إني متعلم بس برضه بهمني جمال الشكل أكتر من الدراسة طبهآ لإنها الدراسة ما بتفيدني أنا بهمني تون بنت عقلانية و فهمانة أفضل من الدراسة أربع سنين جامعة بس بالنسبة للجمال احنا مش بغنى عنه نهائي لازم تكون العروس كسماتها متل الجرة أو الساعة الرملية طبعآ و هاي من أحلا أرزاق الدنيا الزوجة الجميلة يلي تكون صالحة طبعآ . ادعولي ألاقيها	25-09-2018 09:09 PM أنا بهتم بالجمال كمان التبليغ عن إساءة
66 -	اخ بس الي بشوف هالحكي وبدهم حلوات بقول عهالشباب الوردات الواحد فيكم مقلعط وبعيش المره ازفت عيشه لا معامله ولا مصاري ولا شكل عندكم جد اشي من الاخر ولا اصلا عهالاذواق الخياليه بدي حلوه ولازم تكون جميله وقول عهالجميلة الي بجيبوها استغفر الله بس يختي اهدو وتقرفوناش بقصصكم كل واحد هو واهله مستكثر حاله عالبنت الي انا بدي جميله والي دارسه وراتبها والي اريد من تكبرني يختي شو مين انتو " مييييين ماااااخده ))	25-09-2018 10:34 PM قرفانه التبليغ عن إساءة
67 -	جمال الشكل أدوم من جمال الروح لإنه الشكل بتورث للأبناء و إذا ما تورث للأبناء رح يتورث للأحفاد و هكذا يعني الوراثة حاصلة يعني حاصلة غصب عن الراضي و الزعلان . أما جمال الروح ياما سمعنا غن بنلت هاديات و بعد الزواج أصبحن عصبيات بسبب وجود الأطفال أو بتكون البنت ما بتتحجب و زوجها بجبرها على لبس الحجاب و فعلآ بتصير من الملتزمات يعني لو بدنا نيجي عالطباع تقريبآ الإنسان قادر على تغيير معظم الطباع خاصة على حسب البيئة و المحيط يلي هو عايش فيه . بس بالنسبة للشكل ما بتغير إلا بصعوبة و تكاليف و مش دايمآ بتزبط عمليات التجميل عدا عن إنها حرام . فلذلك جمال الشكل بالزواج مطلوب و بشدة فعلآ . و ان شالله ربنا يرزق شباب المسلمين و بناتهم الأزواج الصالحين من كل النواحي . و يلي يكونوا جميلين الشكل بعيون بعض يا رب	26-09-2018 08:06 AM آين شتاين التبليغ عن إساءة
68 -	اه معك حق بموضوع الوراثه انا حبيت زوجي بس هو قصير ومتوسط جمال الوجه بس انا طبعا كنت بشوفه جميل بس هلا لما ولادي الذكور صارو بالسابع والثامن بضلهم زعلانين ليش هم قصار وخواتهم البنات طوال وعندي الينات طلعو طوال بس برضو مش معقول لسه نفكر بالاولاد والاحفاد ونقعد بس نركز عشكل وطول وقوام يعني وقت الزواج بتفكر بالتفاهم والتوافق وبنتنازل عن اشياء انا تنازلت عن انه قصير فالكل مايتخيلش انه رح يلاقي كل شي بتمناه وزي ما انت يا الشب بتكون طنشت عن اشي وتنازلت هي كمان	26-09-2018 05:07 PM الى 66 التبليغ عن إساءة
69 -	شو السخافه هاي ا الزواج تعيشي مع شخص طول العمر تتصبحي وتتمسي فيه في امور اهم من اطول واقصر فيه انك تحبيه وترتاحيله واكيد القبول وانتي بتقولي شفتيه جميل فالقبول موجود اما اذا قصدك توصلي للناس انه فيه تنازلات لازمه من الطرفين وانه مش كل اشي بنحلم فيه رح يتوفر بالطرف الثاني فهيك اه معك حق وهذا الصح وعموضوع الاولاد كله نصيب يمكن يطلع لجد جده يمكن ييجي طفرة ويمكن كثير امور فياعالم بطلو سطحية اثنين ارتاحو لبعض توكلو وخلص	28-09-2018 03:11 PM الى ٦٧ التبليغ عن إساءة
70 -	تعليق 67 معها حق جمال الشكل بتورث صحيح إنه في شي إسمه طفرة بس برضه الواحد لازم يعتمد عالمنطق مش عالحظ و لازم يكون واقعي يعني الموضوع مبين و شارح حاله لحاله إنه الجميل بورث جميلين و البشع بورث بشعين حتى و لو ما ورث لاولاده أو لأحفاده لكن إلا ما إنه يورث بالنهاية قد ما يكون ضعيف لإنه لو بحثنا لأجداد أجدادنا السابقين رح نلاقي في منهم بشبهونا و هذا هو الصحيح سبحان الله الدم بظل ثابت و بعمل تشابه بالسلالة . أما بالنسبة لجمال الروح و الطباع و الثقافة و باقي الأمور حتى الديانة بتتغير كلشي بتغير و قادرين إنا نغيره إلا الشكل لا يمكن نقدر نغيره إلا لو عملنا عمليات تجميل و مع ذلك بحكوا إنه العيون هي يلي بتعطي منظر الوجه كامل فلذلك يلي عيونه حلوة رح يكون باقي وجهه حلو و العكس صحيح حتى لو شو ما عملنا عمليات تجميل بالوجه ما دام إنها العيون مش حلوة مش رح تزبط عمليات التجميل ولا غيرها ، حتى لو فرضنا إنها البنت سمينة.كتير و عملت عملية تنحيف شديد و صارت مثل الجرة بشكلها بس بالنسبة للوراثة ما رح تورثهم جمال عملية التجميل و تخليهم نحيفين لإنها عملية التجميل عبارة عن شي دخيل بس هي بالأصل سمينة هالعروس .. و هكذا كل عمليات التجميل . فلذلك جمال الشكل الخارجي سواء للبنت أو للشب بلعب دور كبير بالسعادة الزوجية و أنا مجرب و شايف زوجتي ما شالله عليها مش ناقصها شي و ربي ما يحرمني منها . و ربنا يبسط كل الناس قولوا آمين	28-09-2018 08:04 PM آين شتاين إلى 68 التبليغ عن إساءة
71 -	طبعا الجمال مهم والي انت بتشوفه جمال مش الناس واذا انت متعلم احسن متعلمه عشان التوافق لو نفسيا حلوه ومش متعلمه رح تظل حاسس في اشي ناقص فيها وفي بتزوجن وبتصير هي بدها تتعلم فليش جو المدارس هاظ بكفيك ولادك	29-09-2018 12:46 AM ..... التبليغ عن إساءة