جيراني يرمون نفاياتهم في الحي!

17-09-2018 07:49 AM

تعديل حجم الخط:

سرايا -

مرحبا
أنا مرأة كنت ساكنة بعبدون
و والله نظافة الناس و شوارعهم كانت الحمد لله مثال يضرب فيها المثل ..
كل أهلي و قرايبي ساكنين هناك .
بس أنا حظي و نصيبي كان بقرية الوحدات بعمان
يعني بصراحة فرق شاسع شاسع ما بين نظافة شوارع عبدون و شوارع الوحدات .
يعني بصراحة الناس يلي ساكنين حويلايي وسخين برموا أوراق الشيبس و المأكولات بالشارع بدون أدنى ذوق و صغارهم برموا عبعض حجار و تراب عالشارع نفسه ياريت عالرصيف يعني جد حارة زبالة بعيد عنكم !!!!!!
لدرجة إني ما بحب أهلي أو صاحباتي يزوروني منشان بستحي بهيك حارة والله .
أنا ما بحتك نهائي نهائي بالناس يلي بالوحدات حتى سلام بستحي أسلم عليهم لو مريت من جنبهم ، بالرغم من إنهم الجيران علاقتهم حلوة مع بعض بس بصراحة بقدرش أكون معهم علاقة و ما بقدر نهائي أحكيلهم إنهم ما يكبوا زبالتهم بالشارع أو قبال بيتي ..
فما بعرف كيف الطريقة لإني فعلآ حاسة حالي مخنوقة من تصرفاتهم
بالرغم من طيبتهم
و هالصفة إيجابية طبعآ لكنهم بصراحة من ناحية النظافة أو الذوق أبدآ يعني ممكن تشوف صبية مشخصة و مرتبة طالعة من بيتها و بتقبل عحالها ترمي الفاينة بالشارع أو أي شي ..
بتحسوا الشي فيه تناقض ..

أنا مش عارفة كيف أوصللهم فكرتي
فياريت يلي بعرف كيف الطريقة يلي أحكيلهم فيها ما يرموا وسخهم قدام بيتنا .
و إلكم جزيل الشكر

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 17065


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	17-09-2018 07:49 AM سرايا
2 -	السلام عليكم ،،،،،،،،، الطريقة سهلة جدا ولكنها تحتاج للصبر ، وذلك بأن تأخذي المكنسة وتخرجي وتكنسي أمام منزلك ولعدة مرات ، والحرص على أن يكون ذلك يوميا والمتابعة على ذلك ، عندها سيشعر الجيران بالأوساخ التي تحيط بهم ، وسيعملون على ما تقومي أنت به ، فتكوني قد أوصلت معلومة عن بعد . محمدكو . سلام .	17-09-2018 09:27 AM محمدكو التبليغ عن إساءة
3 -	والله إنك صادقة بكل كلمة حكيتيها . في فرق شاسع بين القرية و المدينة أو القرية المتحضرة و القرية يلي مش متحضرة . فعلآ الفرق واضح للأعمى و المفتح إنه شوارع عبدون و تلاع العلي وخلدا و صويلح و عمان الغربية بشكل عام و شوارع القرى البسيطة . هسا بيجي حدا ينط و يحكي الأوضاع المادية فأنا بهالساعة بحكيلك الأوضاع المادية ما دخلها نهائي بالنظافة يعني كل ما في الموضوع الفاينة أو الورقة يلي بإيدك كبها بالزبالة أو خليك ماسكها لبين ما توصل للسلة بس لا ترميها .	17-09-2018 10:03 AM إلى صاحبة المشكلة التبليغ عن إساءة
4 -	أنا حاسة فيك و حقك تخجلي من صاحباتك من هيك بيئات رجعية بس هذا حقك احكيلهم بأسلوب حلو إنه لا يرموا وسخهم قبال بيتكم إحكي لأطفالهم هالشي و هم رح يزوقوا عحالهم لحالهم بعدين .	17-09-2018 10:22 AM أم تولين التبليغ عن إساءة
5 -	هذا حقك طبعآ احكيلهم خلهم يستحوا عحالهم. والله يلي استحوا ماتوا . و إذا ما ردوا أو كانوا اولادهم يخربشوا عحيطان بيتكم متل الغجر الرجعيين فهذا حقك تشتكي عليهم . بصراحة أنا عانيت من بيئة سكنت فيها فترة من الزمن و حاس بالحامي يلي انت حاسيته . في ناس قليلة ذوق . من برا هالله هالله و من جوى يعلم الله ، يعني بكونوا لما يطلعوا بأبهى أشكالهم و مبينين مرتبين و مهندمين و بفهموا بالإيتيكيت بس هم خلف الكواليس بالمرة . هذا حقك احكيلهم لا ترموا زبالتكم لجهتنا . الحي ملك للجميع و انت شو ذنبك تاكلي من قرفهم ؟	17-09-2018 10:35 AM أبو أيهم التبليغ عن إساءة
6 -	يعني متوقعه ييجي واحد من المعلقين ويحكيلهم يا ويلكم لو ترموا زبالتكم عنا ؟؟؟؟؟	18-09-2018 08:44 AM اللاى بنت عبدون التبليغ عن إساءة
7 -	أفضل تعليق هو تعليق محمدكوا فعلآ هاي طريقة ناجعة لهالشغلة هيك رح يخجلوا تلقائي لما يشوفوكم بتكنسوا قبال بيتكم هم كمان رح يصيروا يكنسوا قبال بيوتهم و هيك بنظف الحي كامل و بتصير قرية حضارية .	18-09-2018 02:44 PM بائعة العطر التبليغ عن إساءة