سرايا - وصلت سرايا رسالة من احد القراء يريد حلا وتاليا نص الرسالة كما هي :
سرايا - عزيزي المحرر انا شب عمري 33 سنة من عائلة مرموقة ووضعي المادي جيد جدا و احمل شهادة عالية. مشكلتي تتلخص باني لا استطيع ان اثق باحد و لا حتى في البنات لاني مريت بتجارب صدمتني و علمتني كيف اكون قاسي على نفسي و اللي قلبو طيب ما الو مكان , حبيت مرة ايام الجامعة لمدة اربع سنوات كانت اول تجربة و للاسف تركنا و بعد سنيين قدرت اتعالج من ذكرياتها حتى انها ما زالت تلاحقني حتى بعد مرور 10 سنيين عليها, بعدها سافرت و درست باوروبا وعشت هناك 3 سنين, و لما ارجعت على الاردن فكرت الاقي شغل محترم و اقدر استقر مع بنت تحبني و احبها و نقدر نسعد بعض بس للاسف بدت معي مسلسلات الخيانة و الكذب و لبس قناع الادب و الاخلاص شفت الخيانة بابشع صورها و الكذب المبني على هبل و دراما, اتعرفت على بنت كانت بنظري ملاك فرحت و حكيت اني لقيت شريكتي وبعد فترة انصدمت فيها و بافكارها و تصرفاتها و سيطرت امها عليها.
 بحاول اقسى على حالي و اكون قد الموقف بس بحس حالي طفل صغير و ضايع. نسيت اضحك و امزح صرت افكر بشكل انتقامي ما بشوف بنت حلوة او بشعة كلهم زي بعض, و الجمال ما الة معنى و ما باثر فيي الحكي الحلو. صرت اخاف من اى علاقة او حتى الارتباط, ما بعمل علاقة ما بقدر اتخلص منها بيوم .
 معقول اللي قلبو طيب بخسر ؟؟؟؟؟ صحابي متجوزين اللة يهنيهم ولما اشوفهم مع اولادهم بحس اني ما راح اعيش هاي الحظات, بعرف كتير شباب فقدو الثقة بالبنات و هاي مشكلة مين سببها ؟؟؟.....لا اقصد التجريح في البنات بس مرات الشب بختار غلط مع الاحترام للجميع

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا