حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الأحد ,23 سبتمبر, 2018 م يوجد الآن عدد (4893) زائر
طباعة
  • التعليقات: 48
  • المشاهدات: 30552

ما سبب عدم كتابة إسم العروس على البطاقة ؟

ما سبب عدم كتابة إسم العروس على البطاقة ؟

ما سبب عدم كتابة إسم العروس على البطاقة ؟

23-08-2018 04:47 PM

تعديل حجم الخط:

سرايا - مرحبا
إسمي علا
و ما في داعي على إني ما أحكي إسمي عادي ما فيها شي بس بستغرب إنه ليش في ناس بتعمل من إسم المرأة عورة ؟
هاي إسمها مش غيرة على المحارم أو محبة للأنثى هاي إسمها تهميش لإلها و تحقير ؛ لإنه لو كان إسمها في غلط إنه ينذكر ؛ كان ما وصلتنا أسماء الصحابيات أو زوجات و أم أعظم خلق الله !!!
لكن بعض الناس عندها الأعراف يلي بالقرية أهم من الدين !!!
بل و الأدهى من ذلك إنها حتى الغيرة عالمحارم يلي لازم تكون موجودة عند الرجل ؛ صارت عبارة عن عادات و تقاليد !!! يعني توصل الشغلة لدرجة إنه الزلمة يخلي زوجته أو بنته تتحجب منشان بيئته كلها محجبات مش لإنها الغيرة صادرة من قلبه!!!!
و من الممكن يكون ما بصلي صلاة يلي هي عمود الدين !!!!!
إذا ما كانت الغيرة منطقية معناها هي عبارة عن مرض نفسي ليس إلا ..






طباعة
  • التعليقات: 48
  • المشاهدات: 30552
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
23-08-2018 04:47 PM

سرايا

2 -
لا تعممي وبعدين انت شو دخل امك بالموضوع ،كل واحد حر بنفسه.انت اعملي ما بدا لك وسيبي الناس بحالها
23-08-2018 05:00 PM

قارئ

التبليغ عن إساءة
3 -
أنا معك بكل كلمة حكيتيها . في بعضهم متخلفين حاشاك ، خاصة أهل القرى عاملين حالهم محافظين مع إنهم تماشيآ مع عادات و تقاليد ما إلها أساس من الصحة .
23-08-2018 06:04 PM

ناريمان

التبليغ عن إساءة
4 -
مش كل الناس ولا كل القرى هيك . بالعكس والله في قرى أرقى من مدن .

بس مثل ما قلتلك مش كل الناس عندها هالعادة الغبية

يعني احنا والله بنكتب إسم العروس طبعآ و قبلها كلمة أميرته فلانة . ما بنكتفي بإسم كريمته متل البعض المتخلفين .
23-08-2018 06:08 PM

أبو ريماس

التبليغ عن إساءة
5 -
fdgfdgdf
23-08-2018 06:08 PM

gdf

التبليغ عن إساءة
6 -
مش كل القرى رجعيين .

زمان كانوا بعض الختايرة يخجلوا من أسماء بناتهم و زوجاتهم و أمهاتهم ، لكن هالعادة انقرضت من زمان و ما أظن إنه بعد في ناس بتفكر هيك أفكار غبية متل عدم كتابة إسم العروس على الكرت .
23-08-2018 06:11 PM

أفنان

التبليغ عن إساءة
7 -
معقول في ناس ما بتكتب إسم البنت بكرت العرس ؟؟!؟؟!؟؟؟

كيف لعاد بتزوجوا ؟ مش فاهم شو لعاد بكتبوا ؟ طيب إسم ولي أمرها بكون موجود ؟ و ليش شو السبب ؟ و شو بكتبوا بالضبط بالكرت ؟!؟!؟؟!؟صار عندي فضول أعرف !!!!!
23-08-2018 06:19 PM

!!!!؟!؟!؟!؟!؟!؟!؟؟!؟!؟!

التبليغ عن إساءة
8 -
أنا زلمة بكامل رجولتي و بغار على محارمي طبعآ . بس ولا وحدة من خواتي و لا قراباتي ما كتبت إسمها ، كلهن كتبن أسمائهن وين المشكلة يعني ؟

أنا أمي إسمها فخرية و أختي الكبيرة عائشة و الثانية سلمى و الثالثة تقوى و الرابعة سجود ... وين الغلط بالموضوع ؟ هههههه

هل يا ترى شفتوا شي من جسمهن لا سمح الله ؟ أو إني قلت شي مخل بالآداب ؟

طبعآ لأ
23-08-2018 06:23 PM

أبو محمد

التبليغ عن إساءة
9 -
يآ ألله يا صاحبة المشكلة ذكرتيني بالماضي قبل 13 سنة لما كنا ساكنين بعي بالكرك يآآآآآآآ ألله بعدها في هيك ناس بتفكر ؟ بعدها هالعادة موجودة عند بعض الناس ؟ الحمد لله الحمد لله إنا احنا مش هيك .

بس ألله يثبت علينا العقل و الدين .
23-08-2018 06:35 PM

فادي

التبليغ عن إساءة
10 -
السؤال طاح حاله لحاله ليش البعض ما يكتبه؟ هي معظم الناس هاي الأيام بتكتبه بس بستغرب إنه بعض الناس ما بتكتبه و هالشي بخلي الواحد يحس حاله بده يستفرغ من عادات متخلفة ومالها داعي .



يعني هاي العادة ما ظنيت إنها موجودة بعمان أو إربد مستحيل

إلا ببعض القرى الرجعية يلي بتحب تهمش الأنثى بكل الوسائل و الطرق .
23-08-2018 06:39 PM

hayat

التبليغ عن إساءة
11 -
قد تكون نوعا من الرفعة والسمو من أن يوضع اسم الزوجه على بطاقة دعوة .. وليس نوعاً من التحقير إنما نوعا من اخغاء إسم الجوهرة المصون ..



كلما زادت المرأة عفة زادها الله علا .. يا علا
23-08-2018 07:13 PM

خالد خالد

التبليغ عن إساءة
12 -
عقدة نفسية
23-08-2018 08:30 PM

التبليغ عن إساءة
13 -
والله كلامك درر . فعلآ هذا إسمه مرض نفسي ؛ لإنه هاي الشغلة ما إلها علاقة بالغيرة على المحارم نهائيآ بس هيك هبلنة من بعض المخاليق واللهةالعظيم .
23-08-2018 09:03 PM

أبو عبد الله

التبليغ عن إساءة
14 -
آخر كرت العرس الزباله

احسن ما ينطبق اسم العروس
23-08-2018 09:45 PM

التبليغ عن إساءة
15 -
.
23-08-2018 10:17 PM

Ajan

التبليغ عن إساءة
16 -
بصراحة من كتابتك

مبين انك انت مريضة نفسيا

الناس والأمم هي عادات وتقاليد

سؤال

بترضي انت تتزوجي مثل الصحابيات

يعني بالدف وبيت زوجك

وكمان بترضي عن بدلة العرس والصالة والفاردة والمكياج

مع انه كل حرااااام

وما كان اول

هسا انت تركت كل هذا

وجاي تثبتي ذاتك بكتابة اسمك ع كرت عرس

والله انتشار الطلاق هذه الأيام

كله بسبب تفاهة عقولكم
23-08-2018 10:22 PM

Ajan

التبليغ عن إساءة
17 -
شو دخل العنوان بالقصه مش فاهمه
24-08-2018 01:52 AM

امل

التبليغ عن إساءة
18 -
أصلآ هذا تحقير و تهميش للأنثى مش تبجيل و تقديس متل ما بتدعوا و بتخوثوا . بحبوا يهينوا البنت بداعي المحافظة!! قال ما بحبوا إسمها يظهر بين اصحابه ههههههه شوفيها لو ظهر ؟

إسمي سالي محمود سلمان العمري
24-08-2018 02:49 AM

سالي

التبليغ عن إساءة
19 -
أصلآ هذا تحقير و تهميش للأنثى مش تبجيل و تقديس متل ما بتدعوا و بتخوثوا . بحبوا يهينوا البنت بداعي المحافظة!! قال ما بحبوا إسمها يظهر بين اصحابه ههههههه شوفيها لو ظهر ؟

إسمي سالي محمود سلمان العمري
24-08-2018 03:24 AM

سالي

التبليغ عن إساءة
20 -
طيب ما دام الأمم عبارة عن عادات و تقاليد متل ما بتقولي لعاد ليش كاتبة إسمك بالإنجليزي يا عربية ؟

كوني عربية و افتخري بلغتك يلي هي لغة القرآن .

الدين أهم من هالعادات المتخلفة كلها

بس بلا مؤاخذة الظاهر إنك قروية درجة أولى

لهيك التخلف بلبقلك .

ما بتعرفوا شي من الحضارة و عندكم البنت دايمآ مهمشة و و بتحبوا تحقروها بأي وسيلة بتخطر عبالكم بدل ما تمجدوها و تحكوا عنها نصف المجتمع لأ .

المرأة بالإسلام مكرمة و هذا العرف الغبي يلي عليكم ما إله علاقة بالإسلام . الحمد لله منا عايشة بيناتكم على جهلكم و تخلفكم .
24-08-2018 10:54 AM

إلى ajan

التبليغ عن إساءة
21 -
حبيبتي عنا بقرية كفريوبا ما في هيك جهل و تخلف متل بعض القرى البعيدة عن المدينة .

طبعآ بنكتب إسم العروس و إسم العريس و آباؤهم كمان ما في مشكلة .

بس متل قلتي بصراحة هذا تحقير للعروس .

24-08-2018 10:58 AM

ضحى ردايده

التبليغ عن إساءة
22 -
لو العادات و التقاليد و الأعراف السائدة تقول إقطع راس أمك

صدقوني غير الرجعيين يردوا عهالقوانين الغبية بدون اعتراض أو أدنى تشكيك .

يلي بتبعوا الأعراف هذول ناس ما بفكروا بعقولهم لا بفكروا بعقول غيرهم بكل سذاجة . لهيك زمان أيام الجهل كانوا عندهم الأعراف مقدسة . لكن مع التطور و العلم و الثقافة صارت الناس عندها وعي و يقظة عهيك أعراف متخلفة .

الناس صحيوا عحالهم لهيك كتير من الناس هسا صارت تعمل الشي يلي براسها بدون ما تنتبه لكلام الناس و تخلفهم .

صار الواحد يتحرر من عادات بالية

لكن بدون ما يمس الشريعة طبعآ .

و هذا هو الأصل
24-08-2018 11:03 AM

أبو وصفي

التبليغ عن إساءة
23 -
كلام صاحبة المشكلة صحيح 100%

في بعض القرى ما وصلوا للتحرر من التقاليد البائسة و بتبعوها حتى لو كانت غلط بل حتى بهتموا فيها أكتر من الدين الإسلامي .

و بهتموا بسمعة البنت كتييير أما الشب فاتحينله المجال كتييير

يعني أقوام ما أنزل الله بهم من سلطان .
24-08-2018 11:11 AM

بطاينة

التبليغ عن إساءة
24 -
لإنهم مرضى نفسيين .

مجتمعهم ذكوري منغلق

عندهم البنت ما بتفتح ثمها و لا إلها رأي ولا شخصية

بس عليها تكون خدامة و شغل بيت و جلي و طبخ و غسيل و هم عليهم التطفل و فوق هيك بحبوا يهينوها بكل شي .

على كل حال في رب شايف كلشي

و رح يحاسبهم على تحريمهم بعض الأمور على الأنثى و بنفس الوقت فاتحين المجال للشباب بنفس هذا التصرف المحرمينه عالأنثى .



ألله يعينهم على عقولهم
24-08-2018 11:16 AM

مرضى نفسيين

التبليغ عن إساءة
25 -
نتم ليش حاطين حطاط اهل القرى،هل تعلموا ان اكبر نسبة تعليم في الاردن هم من اهل القرى،منهم الاطباء والوزراء والاعيان ومن رؤوس البلد.

للعلم انا مدني.

انتم افعلوا ما اردتم ودعوا العالم تفعل ما تريد.

الان انتهت جميع مشاكلنا الاقتصاديه والاخلاقيه والدينيه ولم يعد سوى هذه المشكله التافهه وهي عدم كتابة اسم الفتاه على كرت العرس.

فعلا نستحق اكثر مما نحن فيه.

يا مثبت العقل والدين

24-08-2018 11:18 AM

قارئ

التبليغ عن إساءة
26 -
زمان لما كانوا يعبدوا الأصنام ، لما حدا يسألهم ليش بتعبدوها و هلقد مهتمين فيها ؟ ما كانوا يعرفوا شو يجابوا رغم إنه السؤال طارح حاله لحاله ليش بعبدوها و هي لا تسمع ولا تعقل ؟ فما كانوا يقدروا يردوا إلا :

إنها هاي كانت عبادة آبائنا الأولون !!!!!

يعني بتبعوا عبادة آباؤهم الأولون بالرغم من إنه ربنا خالقلهم عقل لحتى يميزوا بين الصح و الغلط لكنهم طمسوا عقولهم و اتبعوا عقول غيرهم !!

و كذلك مبدأ العادات و التقاليد الواحد بطمس شخصيته و عقله لحتى يتبع عادات يلي سبقوه أو يلي حواليه .

و هاي قمة الجهل و الغباء .

الله يهديهم للصواب و يطلعهم من هالقيود يلي مكربستهم .
24-08-2018 11:21 AM

إيمان

التبليغ عن إساءة
27 -
يمكن قبل سنتين في نشطاء اجتماعيين أصدروا حكم بمؤتمر إنه يلي بعزمهم على عرس و ما بكون فيه إسم العروس فيعملوا إضراب وما يشاركوهم فرحهم يلي بساهموا بتهميش الأنثى .

و فعلآ هالفكرة لاقت ترحيب كتير و نجحت عند غالبية الناس.

لهيك نادرآ ما تشوفوا حدا هسا ما بكتب إسم الأنثى بكرت فرحها ، إلا تكون أقلية من ناس ما بعرفوا عن الحياة و بكابروا و بدافعوا عن قصص هبلة و مالها داعي .
24-08-2018 11:43 AM

ذكرتوني بشغلة

التبليغ عن إساءة
28 -
اضحكوا عحالكم لا تضحكوا علينا بعاداتكم المتخلفة لو كان إخفاء الإسم للسمو و العلو لعاد ليش بكتبوا اسم الزلمة ؟ مهو هيك معناها بحقروا بالرجال برموا إسمهم بالزبالة لما يرموا الكرت يا خالد خالد كمان مدوبل إسمك بكل ثقة يا خالد خالد .



اعترفوا إنكم بتكرهوا البنات و خلفة البنات و سيرة البنات لهيك بتحبوا تتفششوا فيهن بأي طريقة لدرجة إنكم بتخبوا إسمها عن الناس بتعملوها مجهولة الهوية و عاملين حالكم محافظين ..

والله العظيم في بيئات بنشفق عليهم من عقولهم .





المشكلة إنهم بالعادة يلي بحبوا يحقروا البنت بإسم المحافظة عليها ، إنهم بأنفسهم هذول بتلاقيهم همل و سوكرجية بالعادة و ما بعرفوا من الدين شي ، كونها عاداتهم بتسمحلهم يخبصوا كونهم شباب أما البنت بقيموا عليها الحد لو غلطت .

قرف يلي يقرفكم عهيك عادات متخلفة و مهينة .
24-08-2018 12:07 PM

إلى خالد خالد و تعليق 13

التبليغ عن إساءة
29 -
يلي بخبوا أسماء خواتهم بكونوا هجينين نسوان و مفكرين كل الزلام مثلهم

الله يسعدلي تفاهتهم .

أنا زوجتي و حبيبتي و أميرتي إسمها ساره ارشيدات
24-08-2018 12:28 PM

أبو سامي

التبليغ عن إساءة
30 -
المستشار الاجتماعي الدكتور منير عقل أشار في حديثه للـ"سبيل" بأن هناك ثلاثة أسباب تقف خلف اخفاء أسماء الفتيات سواء في كرتات الأفراح أو غيرها، علما بأن هذه الظاهرة في طريقها للاندثار:

الاول : الموروث الاجتماعي القديم والذي كان ينطلق من تأثير المجتمع الذكوري على كل ما يتعلق بالمرأة

؛باعتبار ان اسم المرأة عورة لانه جزء منها ولا ينفصل عنها ( وهذا مفهوم عقيم ).

والسبب الثاني رغبة بعض الازواج ان يبقى اسم زوجته سراً ولا يرغب بنشره خاصة ان بعض اسماء الزوجات قد يكون تقليديا(صبحة او حمدة.....)

والسبب الثالث سبب (نفسي ) لا علاقة له بالسبب الاول ولا الثاني وعند سؤال العريس عنه لا يستطيع تفسير هذا السلوك وتكون ردّة فعله غاضبة اذا سئل عن السبب، ويشير الدكتور منير إلى أن التطور التكنولوجي وانتشار مواقع التفاعل الاجتماعي الانفتاح الإنساني الذي نعيشه وسهولة بناء علاقات إنسانية واسعة أعطى المرأة دورها واستطاعت ان تعبر عن نفسها بقوة متجاوزة تلك الموروثات المُتَكَلِّسة على مفاصل الوعي وانطلقت باسمها الصريح لتشارك مشاركة فاعلة في هذا الفضاء الجديد؛ حتى الملتزمات منهن لم يمنعهن التزامهن من التعبير عن شخصيتهن وأخذ موقعهن في هذا العالم الجديد لذلك فالمجتمع العربي والإسلامي قدم للعالم كثير من القيادات والمبدعات من النساء كنَّ موضع فخر واعتزاز لوطنهن ولأهلهن ولم يهمش الاسلام المرأة يوماً.







24-08-2018 12:45 PM

تحليل الموضوع من خلال بعض المستشارين الاجتماعيين

التبليغ عن إساءة
31 -
ليش بتتأخروا بتنزيل التعليقات

24-08-2018 01:19 PM

ليش بتتأخروا بتنزيل التعليقات

التبليغ عن إساءة
32 -
هاي العادة كانت عند بعض البيئات و انقرضت و بطل إلها وجود إلا يمكن بعض القرى ما وصلتها الحضارة و ما زالوا متأخرين بصراحة لإنه فعليآ ما ظل حدا هيك يتعامل مع الأنثى إلا بالاحترام يلي بتماشا مع الاسلام يلي كرمها .
24-08-2018 01:23 PM

أم سوسن

التبليغ عن إساءة
33 -
أنا شخصيآ خطبت بنت و رفضتني لإنها سألتني عن عاداتنا بالزواج لما عرفت إنا ما بنكتب إسم البنت . قالت ما بدي واحد بعتبر إسم المرأة عورة .



هالحكي زمان صار و رحت خطبت و تزوجت بنت من قريتنا و يا ريت لو يرجع الزمن و تزوجت البنت الحضارية لإنه عنجد هسا عرفت إنه كلامها صحيح .
24-08-2018 01:28 PM

وائل

التبليغ عن إساءة
34 -
أحلا لايك إلك يا صاحبة المشكلة
24-08-2018 02:29 PM

لمى

التبليغ عن إساءة
35 -
ليش هيك بتحكوا عن أهل القرى إنهم بظلموا البنت ؟

مش كلهم متخلفين و بهتموا بالعادات و التقاليد أكتر من الدين فاحترموا حالكم بالحكي أفضل ؛ لإنه احنا بالرغم من إنا طول عمرنا عايشين بقرية بس ما عمرنا حجبنا إسم البنت من كرت ليلة عمرها و بنعرف إنه إسم المرأة مش عورة

فلا تعمموا عن كل القرى إنهم متخلفين لو سمحتوا .
24-08-2018 02:55 PM

إلى الجميع

التبليغ عن إساءة
36 -
ليش هيك بتحكوا عن أهل القرى إنهم بظلموا البنت ؟

مش كلهم متخلفين و بهتموا بالعادات و التقاليد أكتر من الدين فاحترموا حالكم بالحكي أفضل ؛ لإنه احنا بالرغم من إنا طول عمرنا عايشين بقرية بس ما عمرنا حجبنا إسم البنت من كرت ليلة عمرها و بنعرف إنه إسم المرأة مش عورة

فلا تعمموا عن كل القرى إنهم متخلفين لو سمحتوا .
24-08-2018 03:02 PM

إلى الجميع

التبليغ عن إساءة
37 -
هناك أمور كثيرة نراها نحن الرجال تافهة ولا نشعر بأهميتها مطلقا لكنها في منظور الجنس الاخر لها بالغ الأهمية، وتحدث الكثير من الانعكاسات النفسية لديهن؛ منها على سبيل المثال، اعتقاد الشريحة العظمى من المجتمع أن "اسم المرأة عورة"، وأنه من الأشياء التي يجب الحرص الشديد على أن لا يعرفها أحد. وعلى الرغم من أننا شعب مسلم ونعيش في بلد دستوره القران الكريم والسنة النبوية المطهرة، إلا أننا اختلقنا أعرافا وعادات وتقاليد ما أنزل الله بها من سلطان، حتى أصبحنا نربي أولادنا منذ نعومة أظفارهم ونغرس في عقولهم أهمية عدم ذكر أسماء أمهاتهم أو أخواتهم لأحد، وبالتالي أنتجنا جيلا يرى أن ذكر اسم المرأة عيبا حتى في كروت الدعوات للزواج تجد معظم المجتمع يكتفون بعبارة ( من كريمة فلان)،



و هذا الشي غلط طبعآ لازم نغير هالفكرة الغبية فعلآ .

24-08-2018 03:40 PM

هذا الحكي والله مزبوط يا صاحبة المشكلة

التبليغ عن إساءة
38 -
مش دايما في ناس بكتب اسم العروس عادي وفي ناس بكتب كريمته .. وما فيها اي اهانه او تحقير للانثى .. معنى كلمة ( كريمته ) شي جميل وان اهلها كرمو العروس وزوجوه البنت وما بتوقع في مشكله او عيب لو كل العالم عرف اسم الزوجه اكن العيب هو انك ما تقدر تصونها او هي ما تقدر تصونك وتحافظو على الزواج
24-08-2018 03:41 PM

ماهر

التبليغ عن إساءة
39 -
انتو ليش هيك معقدين الامور انا بعرف انو الكرت لصحاب العريس بكون مكتوب كريمته او اميرته ... وفي كروت خاصة بتودن لاهل العروس بيكون مكتوب اسم العروس لحالها
24-08-2018 04:20 PM

يوسف

التبليغ عن إساءة
40 -
والله بقطع إيدي من هون لو إنك مش قروي .

بتدافع عن القرويين لإنك قروي .

بس عفوآ هيك إنت بنفسك اعترفت إنكم بطلع منكم المهندسين و الأطباء

و هذا هو الأدهى و الأمر ! إنكم بطلع منكم ناس متعلمين و مع ذلك عندكم عادات بقمة التفاهة و مش قادرين تغيروها بالرغم من إنها كمان مضايقتكم بس ما حدا بتجرأ يبرز شطارته بتغيير بعض العادات المتخلفة .



ذكرتوني بالصين

كتيييير بخترعوا و بالنهاية ما زالوا بعبدوا الصنم : بوذا !!!!!!!!!

و انتوا كذلك رغم شطارتكم بدروسكم مش عارفين تحلوا هالتفاهات
24-08-2018 04:32 PM

إلى قارئ

التبليغ عن إساءة
41 -
يلا اقطعي ايدك يا صاحبة التعليق رقم ٣٩ لاني فعلا مش قروي .ولك اهل القرى بشرفوكي وبشرفوا كل اهلك يا متخلفه
24-08-2018 05:32 PM

قارئ

التبليغ عن إساءة
42 -
بس انا مش بنت

ههههههه

صدقني إنك قروي كونك بتدافع عن القرويين التقليديين يلي كل حياتهم عبارة عن أعراف و قيود مالها داعي ولا تمت للإسلام بصلة .

قروي أشكره خبر بس عامل حالك حضري.
24-08-2018 07:29 PM

إلى قارئ

التبليغ عن إساءة
43 -
انفعالك .. لا يرقى لمستوى الرد عليه
24-08-2018 09:13 PM

خالد خالد إلى 27

التبليغ عن إساءة
44 -
ثبت لي الان انك من قرى اربد إما قرية كفريوبا او الباارحه،عيب عليك تتنكر وتتخلى عن اصلك،فهو ليس عيبا.

لان عبارة اشكره خبر يستدخدمها قرويين اربد فقط.

للعلم انا من الخرزات السبع لاربد
24-08-2018 09:33 PM

قارئ الى رقم 41

التبليغ عن إساءة
45 -
تخلف و قصور عقلي و رجعية و غباء و هبل باتباع يلي حويلاهم بطمسوا شخصيتهم من خلال اتباع يلي حويلاهم بأفكارهم و تصرفاتهم و عاداتهم
25-08-2018 07:09 AM

تخلف و قصور عقلي

التبليغ عن إساءة
46 -
بهاي انت صادق آه والله أنا من إربد بس من الحي الشرقي مش من البارحة . عدا عن إنها البارحة من ضمن المدينة و كفريوبا من ضمن أرقى قرى إربد .



أشكره خبر
25-08-2018 07:15 AM

إلى قارئ

التبليغ عن إساءة
47 -
1- ضعف البنت اللي ما بنكتب اسمها لانها وافقت .................. 2- العريس لا شخصية له فهو اسير العادات والتقاليد البالية .......... 3- مجتمع ذكوري بامتياز .......... يعيش في ما قبل الجاهلية الاولى ...
25-08-2018 05:45 PM

الى علا

التبليغ عن إساءة
48 -
حديثك صح

إنه العريس بتكون شخصيته ضعيفة يلي بتبع العادات و التقاليد الظالمة دون أدنى رحمة .

و من هبل البنت و ضعف شخصيتها يلي بتوافق عهيك زواج بدون كتابة إسمها بخلوها مجهولة الهوية و كإنها عار أو سمعتها مش كويسة تامنهم بخلانين عليها بكتابة إسمها
25-08-2018 09:40 PM

إلى تعليق 46

التبليغ عن إساءة
49 -
والله يا بنت إنها هالعادة انقرضت من زمان بطل الجهل حتى بالقرى صاروا أوعى من زمان .



صاروا كلهم فهمانين و يميزوا بين الصح و الغلط .

بس يبدولي بلا مؤاخذة إنك ساكنة بين مساطيل .
27-08-2018 02:17 AM

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم