ماذا افعل ؟

05-08-2018 12:53 PM

تعديل حجم الخط:

سرايا - لما تقرأو حكيي ما تستسخفوه او تضحكو عليه..
عمري 24 انا متزوجة من 9 شهور..
زوجي منيح معي بكل شي بس كتير بيغلط علي وبسب .
مع اني والله ما بغلط فيه او بعيلتو بالعكس كل العلاقات طيبه والحمدلله..
بس لما يعصب او يكون معصب من شغله او تعبان او هيك بصير يتفشش بدون سبب ويغلط وانا بكون ساكته.
انا مش عارفه انو هيك عادي واتحمل
ولا انه هاي قله احترام وهيك
وعنجد خايفه احكي لحدا ويستسخفوني ويطلع الوضع عادي والموضوع مش مستاهل احكي لاهلي
بس والله انو اشي بزعل بسمع كلام وانا مو عامله اشي بتبهدل وبنسب وانا فعليا ما الي دخل باشي..
برأيكم شو لازم اعمل او اتصرف!؟ "

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 27552


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	05-08-2018 12:53 PM سرايا
2 -	كرامتك فوق كل اشي انا بنصحك تروحي اهلك خليه يتربى	05-08-2018 02:06 PM واحدومن الناس التبليغ عن إساءة
3 -	حاولي تهدئته وامتصي غضبه والكرامه انقعيها واشربي ميتها لانه ببيت الاهل مو مسح بالارض لسه مسح يالحاره كمان نسوان الاخوه والاهل والإخوان الزوج رحمه لوكان فحمه	05-08-2018 03:14 PM رائده التبليغ عن إساءة
4 -	اختي الكريمه اذا زي ماتحكي انو جوزك كثير منيح معك وما مد ايدو عليكي بلاش توصل السالفه للاهل لانو الاهل بفكرو حالهم يبنو ومابعرفو انهم بيخربو اذا جوزك من النوع الي بيسمعلك حاكي بخصوص هالموضوع واحكيلو انا بني ادمه وعندي كرامه ومافي داعي عالطالع وعالنازل تغلط علي عندي مشاعر وبايدك انتي تكسبي وتكسبي بيتك وشوفي شو بيصير اما اذا ضل على نفس عادتو رح تضطري تحكي لاهلك او اهلو ويحلو المشكله وبتمنى انو تنحل بدون خربان بيت	05-08-2018 03:14 PM امل التبليغ عن إساءة
5 -	ما دام انه منيح معك فعادي انه يعصب شوي .بس اهم شي انتي ما تزيدي عصبيته وترفعي صوتك عليه. وبالنسبه لاهلك ما في داعي يعرفوا هالشي ما دام انه زوجك منيح . عامليه بأدب واحترام وبس يكون رايق احكي معه بموضوع العصبيه .وربي يهدي بالك وبال الجميع	05-08-2018 04:08 PM امونه التبليغ عن إساءة
6 -	لا طبعا مو عادي أساس اي علاقة الاحترام.. اليوم بسب عليك و بشتمك وازا سكتي راح توصل الأمور أنه ايمد أيده عليك... بنصحك تقعدي وتحكي معه وتفهمه أنه لازم ايكون بينكم احترام قبل كل شي..	05-08-2018 04:22 PM التبليغ عن إساءة
7 -	عفوآ يا عمي انت وين عايشة ؟ أنا لو يصير واحد نذل هيك هاين بنتي والله لأحسب ربنا ما خلقه . و انت بلا مؤاخذة ما دامك مش غلطانة و هو بتناذل بدون سبب معناها وين كرامتك ؟ ما بطلعله لا بالدين ولا بالعرف يسب عليك . أصلآ هو بهالتصرف بقلل من قيمته قدامك قبل قيمتك ؛ لانه لو عنده رجولة ما بسمح لنفسه يهزها قدام زوجته .. لازم يكز	05-08-2018 04:35 PM أبو عبد الله التبليغ عن إساءة
8 -	يعني و بتسألينا شو تعملي ؟ أصلآ لو كان عندك شخصية و كرامة كان بتوقفيه عند حده بس هو بستهبلك و بتمادى معك و انت متل ال....	05-08-2018 05:54 PM لينا الخالدي التبليغ عن إساءة
9 -	الأصل في المرأة إنها تيع زوجها ، لكن نصيحتي يلي بتعدى حدوده معك تعدي حدودك معه ، يعني لو ضربك سبي عليه ، و لو سب عليك إوقفي بوجهه و بهدليه و لو بهدلك بدون سبب ازعلي منه ... و هكذا . و انت بنت ناس مش مجرد جارية يفرغ غضبه عحضرتك . بس انت حاس إنك .....	05-08-2018 06:34 PM مها التبليغ عن إساءة
10 -	يسعدلي عقلك يعني انت بتتعاملي مع الموقف على حسب آراء الناس يعني ؟ ليش وين شخصيتك لما يسب عليك بدون سبب ؟ يعني لو قلنالك إنه كل أزواجنا بسبوا علينا معناها عادي بصير لزوجك و بطلعله يسب عليك ؟ و لو قلنالك هاي شغلة غريبة و أزواجنا ما بسبوا علينا معناها هيك رح تبهدليه لزوجك ؟؟ ههههههههههه نسوان آخر زمن والله . إسمعي من الآخر لازم تحطيله حد لتصرفاته و تعرفي كيف تتعاملي مع الموقف بدون ما تلجئي لحدا لإنك إنت إنسانة و ربنا خالقلك عقل	05-08-2018 06:57 PM ههههههههههه التبليغ عن إساءة
11 -	و الله هاذ حال بعض الازواج ما بفصل بين الشغل والبيت مالك غير الصبر والله كلها هيك استحملي الله يعينك مدام انه كويس معك والله ماحد مرتاح في الدنيا	05-08-2018 08:35 PM بدويه وافتخر التبليغ عن إساءة
12 -	صراحه هاد اشي مش عادي ولكن حسب المسبات وبعتذرلك والا لأ......لان اذا ما بعتذر بكون زباله وانتي لا تسكتي مش اذا شفتيه معصب تخافي هذول هم الرجال واحكي معاه بلطف وافهمي منو ليش هيك ...... بس بشكل عام بكره يتعود يبهدلك قدام الناس	05-08-2018 08:40 PM مريم التبليغ عن إساءة
13 -	لا تسمحيله وحسسيه انه كرامتك فوق كل شي لانه انا صار معي هيك وهلأ إلي 10 سنين متزوجه ولسا بسب وبغلط وانا كتير تعبت ونفسيتي اتدمرت وشخصيتي انمسحت	06-08-2018 02:06 AM شوشو التبليغ عن إساءة
14 -	لا والله حبيبتي وضعك مهو طبيعي ، ويلي بحكيلك الوضع طبيعي هو يلي بكون بحب الإهانة و هو النقص فيه .. لا تردي عوحدة مهانة من زوجها و بتحكيلك عادي كلنا بالهوى سوا ، لا حبيبتي الصح مبين و الغلط مبين ، وانت ما انخلقتي للإهانة خاصة بدون سبب ، أي والله لو في سبب ما بطلعله يسب عليك فكيف راضية عحالك هيك ما بعرف . والله لو تظلك معززة و مكرمة ببيت أبوك أشرفلك من الجيزة الردية .	06-08-2018 10:14 AM أم سوسن التبليغ عن إساءة