سرايا -

مرتي بتحبني كتير كتير وبتغار علي كتير لدرجة انها بتغار من مطربة اذا سمعتلها وانا بصراحة نسونجي وبحكي مع غيرها بالسر بالمختصر اخر فترة مسكتني بحكي مع بنات ومش مرة ولا تنتين ثلاث مرات وانجرحت كتير وحاولت تنتحر وتجرح ايدها وانقذتها باخر لحظات وكانت تطلع من الدار وقت طويل وما ترد عالتلفون اخر اشي الاقيها عند قبر ابوها بتعيط المهم انا تبت وبطلت هالقصص .


وبالمختصر بعد ست اشهر تقريبا قبل كم يوم مسكتها بتحكي مع واحد بمحادثة طويلة عالواتس اب وكل كلامهم غزل وهيك وانا انجنيت وصيحت عليعا وما خلتلها وحلفتلي مليون يمين انو ما بتحبو وما بتعرفو الا شهرين وعملت هيك عشان تنتقم مني بس ومرت عمي كانت تعرف بالقصة وحلفتلي عالقران انها عملت هيك انتقام وانها ما بتحبو وما صار بينهم اشي بس حكي هيك عالواتس والفيس.


المهم انا انصدمت صدمة عميقة اثرت حتى عشغلي وحياتي كلها وصار عندي حالة نفسية بدي اطلقها وانا هلا تاركها عند اهلها صارلها ثلاث ايام بس ما قلتلهم اشي ما هان علي افضحها قدام اخوتها بس مشكلتي انو عندي بنتين منها وبموتو علي وما بصدقو اروح من الشغل عشان يعبطوني ويقعدو بحضني وبقعدو يقولولي بابا لا تروح عالشغل خليك عنا فشو رأيكم بالاخص الشباب هل بتنحسب انو زي ما سامحتك سامحها ولا البنت خيانتها غير ولا شو اعمل بدي انفجر ما بدي اشرد بناتي يا ريت ما حدا يزاود علي الله لا يحط حدا محلي دايما سرحان ومهموم

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا