سرايا - حبيته وانا وهو بنعرف انو مستحيل نكون لبعض..وهو من كم سنة بالاردن بس مشان الدراسة..وحاليا هو خلص..وسافر..طول ما هو هون كنت احاول اسعده واوقف معه عقدر مقدرتي وهو كان يقدر هالشي مني..وهو كثير بحترمني وما عمره اذاني بشي..كانت علاقتنا واضحة جدا..وعارفين سو مصيرها انو هو رح يسافر وما يرجع..وهو ما املني بشي..مجرد بعرف انو انا برتاح بالحكي معه وهو بيرتاحلي فقط لا اكثر..وقبل يومين لما ساافر حكالي انو رح نضل عتواصل ويطمني عنه..ورضيت بيلي كاتبه ربنا..هو سافر بالباص ووصل بلده واحنا متواصلين ..واول ليلة اله ببلدة كان لسا يحكي معي..ويحكيلي شو اكل وشو عمل وانو مبسوط كثير بشوفته لاهله...مبارح الصبح صحيت بحكيله صباح الخير..وبلشت اسأله عن حاله ما كان يرد ..بعد شوي رد بحيكلي اطلب منك طلب..بحكيله اطلب..بحكي انك لا تحكي معي ابدا...صرت احكيله ماشي وانت بدك تبعدني مشان خلص ما بزبط نضل نحكي وانت اكيد بده يصير عندك حياة ثانيه..وانا متوقعه باي لحظة كنت انو نبطل نتواصل..بعدين فجأة بعتلي منك لله..بحكيله باله عليك شو في..بحكيلي ابعتيلي اخر محادثة الك عالفيس..بعتله ..حكتيلة شو فيه بس فهمني ..حكالي ولا شي كل شي بيبان..وعملي بلوك..حاسه حالي بحلم من مبارح..عايشة كابوس..مو متصورة شو صار..وعزة ربنا ما بعرف شو فيه ..حاولت اتواصل معه وافهم وبعتله حسابي الفيس وكلمة السر ..وحكيتله خد شوف وابعت لمين ما بدك ..بس كل ما ابعتتله مكان يعملي بلوك..اقسم بربنا مش عارفه كيف افهم منو ..ولا عارفه شو اعمل ..من مبارح بلا اكل وشرب..وحاسه نفسي مش عالدنيا..مش لانو بعد...بس لانو ما فهمني شو فيه صعب جدا انسان كنت بتعطيه روحك ..ويعمل هيك ويروح بدون اسباب..مشان الله ريحوني شو اعمل

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا