انا بالاردن وهي بفلسطين

06-06-2018 11:03 AM

تعديل حجم الخط:

سرايا - انا شب عمري 25سنة وفي يوم من الايام اتعرفت على بنت عن طريق جوجل بلس
البنت إحترام أدب واخلق ما شاء الله عليها
البنت لسه في الجامعة ضايل عليه سنه بس تخلص
المشكلة يا إخواني انو البنت عايشه في فلسطين و انا في الأردن
انا حبيت البنت في شكل مش طبيعي.هي كمان هيك صرنا نعشق بعض في جنون يعني هاي البنت اهم من عيوني اهم شي في حياتي
حكتلها بدي اطلبك من اهلك مابدنا نضل هيك بدي ياكي تكوني الي في الحلال نكون مع بعض ولبعض عشان الله يوفقنا البنت اول شي حكتلي طيب ان شاء الله بصير خير بس كيف بدي احكي لاهلي عنك عندهم في المنطقة والعيلة متمسكين في العادات والتقاليد في شكل كبير وشو بدي احكي لا بابا وماما واخواني كيف تعرفت عليك حكتلها احكي الحقيقه
وفي يوم من الايام امها عرفت انها بتحكي معي سمعتها وهي بتحكي معي وامها عصبت وانفعلت كثير وبهدلتها ليش هيك بتعملي وانا معلمتك هيك البنت ضلت ورا امها وعشان تقنعها انو انا بحبها وبدي اياها في الحلال امها بعدددددد عناء طويل و وافقت نكمل مع بعض وحكت امها معي وظل السيد ابوها لا يعرف وقبل رمضان بثلاث ايام عرف ابوها وياريتو ماعرف واخونها كمان عرفو وبس عرفو اخونها رنت علي وحكتلي اخوي بدو يحكي معك وحكالي انتا عايش في عمان صعب انو احنا نعطيك البنت انتا بعيددددددعنا لو انتا ساكن هون في فلسطين ع عيني وراسي واهلا وسهلا فيك انتا واهلك حكالي تعال لا هون عنا وبصير خير( هون...... الكارثة) انوانا ممنوع اوصل فلسطين كلها عشان انا غزاوي معي جواز سفر مؤقت يعني مستحيل أوصل فلسطين وابوي حكى مع ابوها وامي حكت مع امها ابوها وافق اولها بعدين اجا اخو ابوها عمها للبنت وحكالو لا انسى لا تعطي الشب في عمان بعيدة وبجوز يكون مش منيح يزم في الموضوع هون البنت صارت تبكي وبدها تعمل في حالها شي وانا بدي اموت من القهر ومش طالع في امري شي وبس حكيت مع ابوها حكتلو الي بدك إياه انا جاهز فيه حط بدل ألاف متاخر حط مليون بس لا تحرمينا من بعض ع الفاضي مش موافق والله والله والله لو في اي طريقة اروح فيها ع الضفة لا اروح بس والله مافي انا 24ساعه بفكر في الموضوع مش قادر أتحمل شووووو الحل مشان الله حد يساعدني والله بدون هاي البنت يحرم على قلبي الحب لاغيرها وانا عودتها مارح اتركها او اسيبها ومش راح استسلم"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 22360


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	06-06-2018 11:03 AM سرايا
2 -	اول اشي مسا الخير مبين عليك انك كتير بتحب هالبنت والله اذا الك فيها نصيب رح يصير مهما صار	06-06-2018 03:57 PM الى صاحب المشكله التبليغ عن إساءة
3 -	#الواضح انك بتحب صبيه كتير ع كل الله يجمعگم ببعض ع خير بس اخي الكريم اسمع ليش ما هما يجوا ع الاردن ويخلوا الصبيه عندگ واعملوا الاجراءات كلها اتزوجها بموافقه اهلها وخليها عندك بالاردن اقترح عليهم..... كل الاحترام لينآا أحمد	11-09-2019 11:54 PM لينآا أحمد التبليغ عن إساءة