أمي غضبانة علي

31-05-2018 11:01 AM

تعديل حجم الخط:

سرايا - ابن خالتي عمره ٢٧ سنة و قبل سنتين تقريبا جابوا سيرة انه بده يخطبني وانا كنت سنة تالتة جامعة و امي عرضت علي و قلتلها انا عن نفسي ما بدي اتجوزه ولا هاد وقت مناسب اتجوز فيه،امي صارت تقنعني وانه لقطة لحد ما قلتلها على راحتك مع اني مش مقتنعة،الي صار انه الرغبة بالخطوبة كانت عند خالتي مو عنده و بس عرضوا عليه قال ما بده اياني و بيني و بينكم و لو اني بالبداية استغربت بس برضه اريح لأني انا كمان ما بدي اياه...مرقت السنين وانا تخرجت ولا رجع هو قايل لأمه بده يخطبني وامي رجعت حكتلي،بس يا جماعة هالمرة كنت جدية مع امي و قلتلها اسفة ما بقدر لعدة اسباب اولها انا ما عندي ذرة حب اتجاهه تانيا هو رفضني قبل هيك وانا مش لعبة عنده وقت ما بده،المهم امي زعلانة مني جدا و غضبانة علي يا جماعة انا ماااا عملت اشي اقسم بالله لاقولي حل ما بدي امي تضل محارباني ولا بدي اتجوزه!!!!"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 27540


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	31-05-2018 11:01 AM سرايا
2 -	غضب الوالدين مصيبه والزواج مندون رضا واقتناع مصيبه حاولي ترضي امك اعملي الي مقانعه فيه واستخيري بالامر لعل يكون خير الك	31-05-2018 12:20 PM عايد التبليغ عن إساءة
3 -	اذا امك اللي بدها تتجوزه مش انتي وافقي. غير هيك تزعل ما اغضبتي ربنا باشي وشوي شوي بترضى وبتنسى وبتقتنع انه انتي صح وهاد ابن خالتك مش صح ولا خالتك صح والله	31-05-2018 02:12 PM الفيومي التبليغ عن إساءة
4 -	ما الك غير تعزميها على مطعم و تقنعيها و ترضى عليكي فتحي مخك ولا تستعجل بالسياسة مش عباطة	01-06-2018 01:56 AM Ibrahim ishkukani التبليغ عن إساءة
5 -	الحوار ولا افضل من الحوار هاد مشروع العمر بلاش ما ينتهي بالطلاق لو معك هاتف كان ممكن تفهمك أكتر	01-06-2018 05:50 AM العاشق التبليغ عن إساءة