"فشة خلق من الغربة!!!

15-05-2018 09:36 AM

تعديل حجم الخط:

سرايا - عايش ببلد أوربي وكنت عم اشتغل هنيك وكل زملائي بالعمل اجانب استقلت من شغلي لسافر على بلد تاني اشتغل فيه ....بعد تلت تيام بآخر يوم لألي بالبلد وكنت عم ضب الشناتي بتدقلي زميلتي الاجنبية من الشغل وبتقلي: مالك جاية اتودعنا قلتلها مارح الحق مامعي وقت بعد شوي مالقيتها غير اجتني عالبيت عم تبكي وتقلي انها بتحبني وما عم تقدر تستوعب انها ماعد اتشوفني بعد اليوم وكيف لهلق ماكنت لاحظ هالشي حتى عطتني كذا فرصة من قبل متل لما كنا بحفلة وضلت معي لحالها عالطاولة سكرانة وما تحركشت فيها وقبل كم يوم عزمتني على مطعم عالبحر وبعدين نزلنا عالشط واتسطحت ادامي بالمايو وكنا لحالنا وكانت متوقعة بوسها او اعمل شي بس ماعملت شي ..وليش بتشوفني معجب بباقي البنات وهي لاء...قلتلها: لأنك مخطوبة!!...قالتلي: وإذا مخطوبة إذا عاجبتك احكي قول حتى لو مخطوبة!!..صدمتني بصراحة انا بعرف انها مخطوبة وعايشة مع خطيبها وعلى طول بتقلي انها بتحبو فكنت شوف تصرفاتها انها فرندلي حتى هي ساعدتني كتير بالبلد من لما بلشت شغل بالشركة وانا كنت حاول ردلها الجميل وساعدها بشغلها واعطيها افكار جديدة لتبين ادام الأدارة واجاها كتير مدح من الادارة بسبب مساعدتي فكل هالقصص كانت اتخليني احترمها كتير ولا حتى فكرت طبقها
المهم واحنا بالبيت من بعد كلمة لكلمة تركت ضب الشناتي وصار يلي صار بيناتنا وكانت فرحتها كبيرة .وسافرت بعدها بهديك الليلة وبتحاكيني تاني يوم انها متدايقة ليش ماكنسلت السفرة كرمالها؟؟...بصراحة لهلق عندي شعور غريب اتجاها مالي متعود انو بنت تاخود الخطوة الأولى بالعادة انا يلي باخدها فبصراحة ماعندي مشاعر اتجاها غير مشاعر صداقة مو حبيبة غير لما كل مافكر فيها بتطرق براسي انو حتى لو حبيتها مع الوقت متل ماخانت خطيبها بتخوني .. كل يوم والتاني بتتصل فيني بتحكي معي والمشكلة ماعم اقدر قلها كلام حلو لأنو ماعندي مشاعر لألها غير رفقة ..مالي عرفان شو اعمل معها ومابدي زعلها او اخسرها لأنو البنت سنتدتني بهديك البلاد وهي جميله بضل حاملها ياه لآخر العمر ."

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 17439


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	15-05-2018 09:36 AM سرايا
2 -	يعني خايف تخونك زي ما خانت خطيبها .. معناتو تاكد انك زي ما عملت بخطيبها رح يجيي واحد و يعمل فيك نفس الاشي الدنيا دوارة عموو و اللي بتعمله بالناس رح يجيي يوم و ينعمل فيك و صحة و هنا على هالخيانة اللي رح تيجيك بس تخطب	15-05-2018 09:52 AM منى التبليغ عن إساءة
3 -	يا اخي هاض الفيلم شايفو كاني قبل هالمره؟؟	15-05-2018 11:56 AM محمود التبليغ عن إساءة
4 -	اخي شو هذا الي تحكي عنو احنا وين عايشين حاسه حالي احضر فيلم هندي القصه من اولها حرام فما بقدر اعطيك نصيحه غير الله يهديك	15-05-2018 02:20 PM امل التبليغ عن إساءة
5 -	موضوعك ، ما شفت فيه غير أحلام ، وهو غير حقيقي البتة ؟ لأني عشت الغربة وما شفت من موضوعات الغربة وصعابها شيء ؟	15-05-2018 05:10 PM عوّاد إبراهيم التبليغ عن إساءة
6 -	الله يخزيك اكثر من هيك اتهجرت من بلدك ، وتشتت شملك تا تحكي هيك قصص تافهه مثلك . يارجل بلدك ضاعت والك نفس بهيك قصص . فعلا هناك فرق كبير بين الذكور وبين الرجال ،	15-05-2018 06:24 PM Abu omar التبليغ عن إساءة
7 -	لا تتصور كم انت تاااااااااااااااااااااافه!!!!!!!!!!!!!!!!!!!!!!!	15-05-2018 07:47 PM ليال العبدي التبليغ عن إساءة
8 -	سنحك	15-05-2018 09:51 PM مختل عقليا التبليغ عن إساءة
9 -	انت بتعرف انه الشرق والغرب عكس بعض ليش جاي هون تحكي مشكلتك كمان كيف عندك وقت ،على جميع الاحوال البنت ما رح ترتبط فيك ولا رح تترك خطيبها عشانك انت عبارة عن fu** boy المفروض يا ابو العريف انك في بلاد غربة وتكون فاهم،كمان نحنا على ابواب رمضان	15-05-2018 11:32 PM اوووو التبليغ عن إساءة
10 -	شكلك قاعد ع درجات بوسط البلد وعم تتخيل وبتلحس بوظه	16-05-2018 09:15 AM JEM التبليغ عن إساءة